ନୟାଗଡ଼: ଜମିବାଡି ବିବାଦକୁ ନେଇ ରବିବାର ନୟାଗଡ ଜିଲ୍ଲା ଇଟାମାଟି ଥାନା ଅନ୍ତର୍ଗତ ଭୁତଡ଼ି ଗ୍ରାମରେ ହତ୍ୟାକାଣ୍ଡ । ସୂଚନା ଅନୁଯାୟୀ, ଦୀର୍ଘଦିନ ହେବ ଲାଠିପଡ଼ା ପାଇକସାହିର ଜଗଦେବ ପରିଡାଙ୍କ ସହ ଭୁତଡ଼ି ଗ୍ରାମର କାବୁ ରାଉତ ଏବଂ ଜଗୁ ରାଉତଙ୍କ ପରିବାର ସହ ଜମିବାଡ଼ି ବିବାଦ ରହିଥିଲା । ସୋମବାର ଆପୋଷ ଆଲୋଚନାରେ ଏହାର ସମାଧାନ ପାଇଁ ଧାର୍ଯ୍ୟ ହୋଇଥିଲା ।
ରବିବାର ଜଗଦେବ ଏବଂ ତାଙ୍କ ଦୁଇ ପୁଅ ଦଣ୍ଡପାଣି ଓ ପ୍ରମୋଦ ଗହୀରରେ ଚାଷକାର୍ଯ୍ୟ କରୁଥିବା ବେଳେ କାବୁ ଏବଂ ଜଗୁଙ୍କ ସମେତ ଅନ୍ୟକିଛି ବ୍ୟକ୍ତି ସେଠାରେ ପହଞ୍ଚି ଆକ୍ରମଣ କରିଥିଲେ । ଏଥିରେ ଦଣ୍ଡପାଣିଙ୍କ ମୃତ୍ୟୁ ହୋଇଥିବା ବେଳେ ଜଗଦେବ ଏବଂ ପ୍ରମୋଦ ଗୁରୁତର ଆହତ ହୋଇଛନ୍ତି । ଅଭିଯୁକ୍ତ ଫେରାର ରହିଥିବା ବେଳେ ପୋଲିସ ଘଟଣାର ତଦନ୍ତ କରିଛି । ଗଣ୍ଡଗୋଳ ବଢ଼ିବା ଆଶଙ୍କାରେ ଇଟାମାଟି ପୋଲିସ ପକ୍ଷରୁ ବ୍ୟାପକ ଫୋର୍ସ ମୁତୟନ କରାଯାଇଛି।
