ଟୋକିଓ: ଜାପାନରେ ଶକ୍ତିଶାଳୀ ଭୂମିକମ୍ପ ଝଟକା । ସୋମବାର ସକାଳ ପାଖାପାଖି ୬ଟା ୩୧ରେ ଉତ୍ତର ମଧ୍ୟ ଜାପାନର ଇସିକାଓ୍ବା ଅଞ୍ଚଳରେ ଭୂମିକମ୍ପ ଅନୁଭୂତ ହୋଇଥିବା ନେଇ ଜାପାନ ପାଣିପାଗ ବିଭାଗ ପକ୍ଷରୁ ସୂଚନା ଦିଆଯାଇଛି । ରିକ୍ଟର ସ୍କେଲରେ ଏହାର ତୀବ୍ରତା ୫.୯ ରେକର୍ଡ କରାଯାଇଛି । ଏହାର କେନ୍ଦ୍ରସ୍ଥଳ ସ୍ଥଳଭାଗଠାରୁ ୧୦ କିଲୋମିଟର ତଳେ ହୋଇଥିବା କୁହାଯାଇଛି ।
ଅନ୍ୟପଟେ ଏବେସୁଦ୍ଧା ଭୂକମ୍ପ ପ୍ରଭାବରେ ସୁନାମୀ ନେଇ କୌଣସି ଆଲର୍ଟ ଜାରି କରାଯାଇନାହିଁ । ଭୂକମ୍ପ ଜନିତ କ୍ଷୟକ୍ଷତି ନେଇ ମଧ୍ୟ ଆକଳନ କରାଯାଇନାହିଁ । ତେବେ ଭୂକମ୍ପ ଯୋଗୁ ପୂର୍ବ ଜାପାନ ରେଲଓ୍ବେ ପକ୍ଷରୁ ସାମୟିତ ସମୟ ପାଇଁ ବୁଲେଟ ଟ୍ରେନ ଚଳାଚଳକୁ ବନ୍ଦ କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
