ନବରଙ୍ଗପୁରରେ ବିଜେଡିର ଶକ୍ତି ପ୍ରଦର୍ଶନ - BJD JOINING PROGRAM

BJD JOINING PROGRAM: ନବରଙ୍ଗପୁର: ଜିଲ୍ଲାରେ ବିଜେଡିର ଶକ୍ତି ଶକ୍ତି ପ୍ରଦର୍ଶନ । ଲୋକସଭା ଓ ବିଧାନସଭା ନିର୍ବାଚନ ମଣ୍ଡଳୀରେ ସୁଦୃଢ଼ ହେଉଛି ନବରଙ୍ଗପୁର ବିଜେଡି । ବିଜେପି ଏବଂ କଂଗ୍ରେସ ତ୍ୟାଗ କରି ବିଜେଡିରେ ସାମିଲ ହେଉଛନ୍ତି ଶତାଧିକ କର୍ମୀ । ନବରଙ୍ଗପୁର ଜିଲ୍ଲାର ନନ୍ଦହାଣ୍ଡି ବ୍ଲକ ଅନ୍ତର୍ଗତ ଡଙ୍ଗରଭେଜା ଠାରେ ଅନୁଷ୍ଠିତ ମିଶ୍ରଣ ପର୍ବ ଓ କର୍ମୀ ସମ୍ମିଳନୀରେ ବିଜେଡି ସାଂସଦ ପ୍ରାର୍ଥୀ ପ୍ରଦୀପ ମାଝି ଓ ବିଧାୟକ ପ୍ରାର୍ଥିନୀ କୌଶଲ୍ୟା ପ୍ରଧାନୀଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା । 

ତେବେ ବିଜେଡି ରାଜ୍ୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ସାମିଲ ହୋଇଥିବା କହିଛନ୍ତି ନୂତନ କର୍ମୀ । ଏହି କାର୍ଯ୍ୟକ୍ରମ ବିଧାୟକ ସଦାଶିବ ପ୍ରଧାନୀ ଓ ଜିଲ୍ଲା ପର୍ଯ୍ୟବେକ୍ଷକ ଈଶ୍ୱର ପାଣିଗ୍ରାହୀ ଉପସ୍ଥିତ ଥିଲେ । ସେପଟେ ସାଂସଦ ପ୍ରାର୍ଥୀ ପ୍ରଦୀପ ମାଝି କହିଛନ୍ତି ଯେ, ଆଗାମୀ ଦିନରେ ମଧ୍ୟ ଏଭଳି ଅନେକ ଲୋକ ବିଜେଡିରେ ସାମିଲ ହେବେ ଏବଂ ବିଜେଡିର ଉଭୟ ସାଂସଦ ଓ ବିଧାୟକ ପ୍ରାର୍ଥିନୀଙ୍କ ବିପୁଳ ବିଜୟ ହେବ ।

ଇଟିଭି ଭାରତ, ନବରଙ୍ଗପୁର