ବର୍ଷାରେ ଭିଜି ଭିଜି ଭୋଟ ମାଗିଲେ ସ୍ବାଧୀନ ପ୍ରାର୍ଥୀ: ବିଜେପିକୁ କହିଲେ ବିଧାୟକ ନାହିଁ ତ ସାଂସଦ ନାହିଁ, ଜାଣନ୍ତୁ କିଏ? - INDEPENDENT CANDIDATE CAMPAIGN

Campaign By Independent Candidate: କଟକ: ବଡମ୍ବାରେ ସରଗରମ ନିର୍ବାଚନୀ ମାହୋଲ । ବିଜେଡି, ବିଜେପି, କଂଗ୍ରେସ ଓ ସ୍ୱାଧୀନ ପ୍ରାର୍ଥୀଙ୍କ ମଧ୍ୟରେ ହେବାକୁ ଯାଉଛି ମୁକାବିଲା । ଗତ ନିର୍ବାଚନରେ ବଡମ୍ବାରେ ବିଜେପିର ଆଶାୟୀ ପ୍ରାର୍ଥୀ ବିଜୟ ଦଳବେହେରାଙ୍କୁ ଟିକଟ ନମିଳିବାରୁ ଏଥର ସେ ସ୍ୱାଧୀନ ଭାବେ ଲଢୁଛନ୍ତି । ଗତଥର ସେ ୭୨ ହଜାର ହଜାରରୁ ଊର୍ଦ୍ଧ୍ବ ଭୋଟ ପାଇ ନିକଟତମ ପ୍ରତିଦ୍ୱନ୍ଦ୍ବୀ ଦେବୀ ମିଶ୍ରଙ୍କୁ କଡ଼ା ଟକ୍କର ଦେଇଥିଲେ । ଯଦିଓ ବିଜୟ ଦେବୀଙ୍କ ନିକଟରୁ ପରାସ୍ତ ହୋଇଥିଲେ ତଥାପି ଏଥର ନିର୍ବାଚନରେ ବିଜେପିରୁ ଟିକଟ ପାଇ ଲଢ଼ିବା ପାଇଁ ଆଶା ରଖିଥିଲେ ।

ମାତ୍ର ଦଳ ତାଙ୍କୁ ନିରାଶ କରିବାରୁ ସେ ସ୍ୱାଧୀନ ଭାବରେ ନିର୍ବାଚନ ଲଢ଼ିବା ନେଇ ସ୍ଥିର କରିଛନ୍ତି । କେବଳ ସେତିକି ନୁହେଁ, ବିଜେପି ବିରୋଧରେ ପ୍ରଚାର କରିବା ସହ ନିଜ ସପକ୍ଷରେ ମତଦାନ ପାଇଁ ଘରକୁ ଘର ବୁଲି ଭୋଟ ଭିକ୍ଷା କରୁଛନ୍ତି ବିଜୟ । ଯାହାକି ବିଜେପି ପାଇଁ ହୋଇପାରେ ବଡ଼ ସମସ୍ୟା । 

ଇଟିଭି ଭାରତ, କଟକ