ଦ୍ବିତୀୟ ପର୍ଯ୍ୟାୟ ନିର୍ବାଚନ: ଦଶପଲ୍ଲାରେ ବିଜେପି ପ୍ରାର୍ଥୀଙ୍କ ଜୋରଦାର ପ୍ରଚାର - BJP Election Campaign In Daspalla

ନୟାଗଡ଼: ଆସନ୍ତା 20 ତାରିଖରେ ଦଶପଲ୍ଲା ନିର୍ବାଚନ ମଣ୍ଡଳୀରେ ହେବ ମତଦାନ । ଦିନକୁ ଦିନ ଦଶପଲ୍ଲା ରାଜନୀତିର ମାହୋଲ ପରିବର୍ତ୍ତନ ହେବାରେ ଲାଗିଛି । ସବୁ ଦଳର ପ୍ରାର୍ଥୀମାନେ ନିଜ ନିଜର ପ୍ରଚାରରେ ଲାଗିଛନ୍ତି । ଆଜି ପ୍ରଚାରର ଶେଷଦିନ ହୋଇଥିବା ବେଳେ ବିଜେପି ପ୍ରାର୍ଥୀ ରାଘବ ମଲ୍ଲିକ ଏକ ବିଶାଳ ବାଇକ ରାଲି କରି ରୋଡ଼ ସୋ' କରିଛନ୍ତି । ଏହି ଅବସରରେ ସେ ବିଜେଡି ସରକାରକୁ ସିଧାସଳଖ ଭାବରେ ଟାର୍ଗେଟ କରିବା ସହ ବିଜେପିକୁ ଭୋଟ ଦେବାପାଇଁ ନିବେଦନ କହିଛନ୍ତି ।

ରାଘବ ମଲ୍ଲିକ କହିଛନ୍ତି, "ବିଜେଡିର 24 ବର୍ଷର ଶାସନ ଭିତରେ ଦଶପଲ୍ଲାର କୌଣସି ଉନ୍ନତି ହେଇନାହିଁ । ଓଡ଼ିଶାକୁ ଚାକିରି କରିବାକୁ ଆସିଥିବା ବ୍ୟକ୍ତି ଆଜି ଓଡିଶାକୁ ଶାସନ କରୁଛି । ପଡୋଶୀ ରାଜ୍ୟ ଛତିଶଗଡରେ ଥରେ ବିଜେପି ଓ କଂଗ୍ରେସରେ 27ଟି ବ୍ୟାରେଜ ହୋଇଛି । କିନ୍ତୁ ରାଜ୍ୟରେ ଏତେ ବର୍ଷ ଶାସନ ଭିତରେ ଦଶପଲ୍ଲାର ପାଇଁ କିଛି କରିନାହାନ୍ତି ।" ଏହାସହ ରାଘବଙ୍କ କହିବା ଅନୁସାରେ, ସେ ଦଶପଲ୍ଲାବାସୀଙ୍କ ନିକଟରେ ସେ ସବୁବେଳେ ସୁବିଧା ଅସୁବିଧାରେ ଠିଆ ହୋଇଛନ୍ତି ଏବଂ ଦଶପଲ୍ଲାବାସୀ ମଧ୍ୟ ରାଘବ ମଲ୍ଲିକଙ୍କୁ ବିଧାୟକ ଭାବରେ ଦେଖିବାକୁ ଚାଁହୁଛନ୍ତି ।

ଇଟିଭି ଭାରତ, ନୟାଗଡ଼