ହାଇଦ୍ରାବାଦ: କୋରିଆର କାର ନିର୍ମାତା କିଆ (Kia) ଆନୁଷ୍ଠାନିକ ଭାବରେ ଏହାର ନୂତନ କମ୍ପାକ୍ଟ ଏସୟୁଭି କିଆ ସାଇରସ୍ର ଖୁଲାସା କରିଛି । କମ୍ପାନୀ ଆସନ୍ତା ବର୍ଷ ଆରମ୍ଭରେ ଏହି କାର ଲଞ୍ଚ କରିବାକୁ ଯାଉଛି । ସୂଚନ ଅନୁସାରେ ଏହି ନୂତନ ମଡେଲକୁ କିଆ ଇଣ୍ଡିଆର ଲାଇନ୍ ଅପ୍ରେ Kia Seltos ଏବଂ Kia Sonet ମଧ୍ୟରେ ରଖାଯିବ ।
କିଆ ଇଣ୍ଡିଆ ଏକ ନୂତନ ଡିଜାଇନ୍ ସହିତ ନୂତନ କିଆ ସାଇରସ୍ରେ କିଛି ନୂତନ ଏବଂ ପ୍ରିମିୟମ୍ ଫିଚର ସାମିଲ କରିଛି ଯାହାକି ବର୍ତ୍ତମାନ କମ୍ପାନୀର କୌଣସି ଏସୟୁଭି କିମ୍ବା ସବ୍-4 ମିଟର ସେଗମେଣ୍ଟ ମଡେଲରେ ପ୍ରଦାନ କରାଯାଉନାହିଁ । ପାୱାର୍ ଟ୍ରେନ୍ ଭାବରେ ଏହି କାରରେ ବଜାରରେ ଉପଲବ୍ଧ ଥିବା କିଆ ସୋନେଟ୍ର ପେଟ୍ରୋଲ ଏବଂ ଡିଜେଲ ଇଞ୍ଜିନର ବିକଳ୍ପ ପ୍ରଦାନ କରାଯାଇଛି ।
Kia Syrosର ଟ୍ରିମ:-
କମ୍ପାନୀ କିଆ ସାଇରସ୍ର 6ଟି ଟ୍ରିମ ପ୍ରଦାନ କରିଛି ଯେଉଁଥିରେ HTK, HTK (O), HTK Plus, HTX, HTX Plus ଏବଂ HTX Plus (O) ସାମିଲ । କମ୍ପାନୀ କହିଛି ଯେ ନୂତନ କିଆ ସାଇରସ୍ ପାଇଁ ବୁକିଂ 2025 ଜାନୁଆରୀ 3ରୁ ଆରମ୍ଭ ହେବ ଯଦିଓ ଏହାର ମୂଲ୍ୟ ବିଷୟରେ କୌଣସି ସୂଚନା ଦିଆଯାଇ ନାହିଁ । ଫେବୃଆରୀ 2025ରୁ ସାଇରସ୍ର ଡେଲିଭରି ଆରମ୍ଭ ହେବ ବୋଲି ଜଣାପଡ଼ିଛି ।
Kia Syrosର ଡିଜାଇନ:-
କମ୍ପାନୀ ସାଇରସ୍ କାରକୁ ପାରମ୍ପରିକ ବକ୍ସି ଏସୟୁଭି ଡିଜାଇନ ଦେଇଛି, ଯାହାକି Kia EV9ଠାରୁ ପ୍ରେରିତ । କାରର ସାମ୍ନା ପଟେ ଭର୍ଟିକଲ୍ ଷ୍ଟେକଡ୍ 3 ପ୍ୟାଡ୍ ଏଲଇଡି ହେଡଲାଇଟ୍ ଓ ଏଲଇଡି ଡିଆରଏଲ ରହିଛି । ସାଇଡ ପ୍ରୋଫାଇଲ ଦେଖିଲେ ବଡ଼ ୱିଣ୍ଡୋ ପ୍ୟାନେଲ, ସି-ପିଲର ପାଖରେ ଗୋଟିଏ କିଙ୍କଡ୍ ବେଲ୍ଟଲାଇନ ଓ 17 ଇଞ୍ଚର ଆଲଏ ହ୍ବିଲ ଭଳି ହ୍ବିଲ ଆର୍ଚ ଦିଆଯାଇଛି । ଏଥିରେ ଏକ ପ୍ରମୁଖ ସୋଲ୍ଡର ଲାଇନ ଓ ଫ୍ଲାସ ଟାଇପ ଡୋର ହ୍ୟାଣ୍ଡେଲ ଦିଆଯାଇଛି ।
କମ୍ପାନୀର ପ୍ରଥମ ICE ମଡେଲ: କିଆ ସାଇରସ୍ ହେଉଛି କମ୍ପାନୀର ଏହି ଲାଇନଅପ୍ର ପ୍ରଥମ ଇଣ୍ଟରନାଲ କମ୍ବସନ ମଡେଲ (ICE) । ଏହାବ୍ୟତୀତ ଏଥିରେ ଅନେକ ସ୍ବତନ୍ତ୍ର ଡିଜାଇନ ଯେପରି ବଡି କଲର୍ଡ ବି-ପିଲର ଡୋର ପିଲର ଅଛି । କାର ପଛ ଭାଗରେ L ଆକାରର ଟେଲ ଲାଇଟ୍ ଓ ଫ୍ଲାଟ୍ ଟେଲ ଗେଟ୍ ମଧ୍ୟ ଅଛି ।
Kia Syrosର ଇଣ୍ଟିରିଅର:-
କିଆ ସାଇରସ୍ର ଭିତର ଅଂଶ ବା ଇଣ୍ଟିରିଅର ଡିଜାଇନ ବିଷୟରେ କହିବାକୁ ଗଲେ ଏଥିରେ ଲେଭଲ୍ -2 ADAS ସୁଟ୍, ନୂତନ 2-ସ୍ପୋକ୍ ଷ୍ଟିଅରିଂ ହ୍ବିଲ୍, 8 ସ୍ପିକର ହରମନ କାର୍ଡନ୍-ସୋର୍ସଡ୍ ମ୍ୟୁଜିକ୍ ସିଷ୍ଟମ୍, ପାନୋରାମିକ୍ ସନରୁଫ୍, ଅଟୋ ହୋଲ୍ଡ ଫଙ୍କସନ୍ ସହିତ ଇପିବି, ଆମ୍ବିଏଣ୍ଟ୍ ଲାଇଟ୍, 360 ଡିଗ୍ରୀ କ୍ୟାମେରା, କିଆ କନେକ୍ଟ, ଭେଣ୍ଟିଲେସନ୍ ଏବଂ ରିକ୍ଲାଇନ୍ ଫଙ୍କସନ୍ ସହିତ ରିଅର ସିଟ୍ ଓ ଏକ ୱେୟାରଲେସ୍ ଚାର୍ଜର ମଧ୍ୟ ଦିଆଯାଇଛି ।
ଏହାବ୍ୟତୀତ ଏହି କାରରେ ଅଟୋ ଡିମିଂ IRVM, ଫୋର-ୱେ ପାୱାର୍ଡ ଡ୍ରାଇଭର ସିଟ୍, ୱେୟାରଲେସ୍ ଆପଲ କାରପ୍ଲେ ଓ ଆଣ୍ଡ୍ରଏଡ୍ ଅଟୋ, ଡ୍ରାଇଭ ଓ ଟ୍ରେକ୍ସନ ମୋଡ୍, ଡୁଆଲ 12.3 ଇଞ୍ଚ ସ୍କ୍ରିନ, ଟଚ୍ ଆଧାରିତ ଏସି କଣ୍ଟ୍ରୋଲ, ଓଟିଏ ଅପଡେଟ, ଏୟାର ପ୍ୟୁରିଫାୟାର, ଡୁଆଲ କ୍ୟାମେରା ସହିତ ଡ୍ୟାସ କ୍ୟାମେରା, USB ଟାଇପ-ସି ଚାର୍ଜିଂ ପୋର୍ଟ, ଭେଣ୍ଟିଲେଟେଡ ଫ୍ରଣ୍ଟ ସିଟ୍ସ ଓ ଅଟୋମେଟିକ୍ କ୍ଲାଇମେଟ୍ କଣ୍ଟ୍ରୋଲ ପ୍ରଦାନ କରାଯାଇଛି ।
Kia Syrosର ଇଞ୍ଜିନ ବିକଳ୍ପ:-
ନୂଆ କିଆ ସାଇରସ୍ରେ ଇଞ୍ଜିନ ଅପସନ ମଧ୍ୟ ମିଳିଥାଏ । ଏଥିରେ ପ୍ରଥଣ 1.0 ଲିଟର ଟର୍ବୋ ପେଟ୍ରୋଲ ଇଞ୍ଜିନ ଅଛି, ଯାହାକି 1180bhp ପାୱାର ଓ 172nm ଟର୍କ ପ୍ରଦାନ କରିଥାଏ । ସେପଟେ 1.5 ଲିଟର ଡିଜେଲ ଇଞ୍ଜିନ ଦିଆଯାଇଛି, ଯାହାକି 114bhp ପାୱାର ଓ 250nm ଟର୍କ ପ୍ରଦାନ କରିଥାଏ । ଏଥିରେ 6-ସ୍ପିଡ ମ୍ୟାନୁଆଲ ଟ୍ରାନ୍ସମିଶନ, 6-ସ୍ପିଡ ଟର୍କ କନଭର୍ଟର ଅଟୋମେଟିକ ଓ 7-ସ୍ପିଡ DCT ୟୁନିଟ ବିକଳ୍ପ ଭାରେ ଉପଲବ୍ଧ ହେବ ।
