ବାଲେଶ୍ବର: ଅଦିନିଆ ବର୍ଷା ଧୋଇ ଦେଲା ଫସଲ । ଦୁଇଦିନ ଧରି ରଜ୍ୟରେ ଲଗାଣ ବର୍ଷାରୁ ଆଜି ତ୍ରାହି ମିଳିଛି ସତ, ହେଲେ ଏହି ବର୍ଷା ଯୋଗୁଁ ଚାଷୀମାନଙ୍କର ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡ଼ିଛି । ଏହି ସମୟରେ ପରିବା ଚାଷ କରିଥିବା ଚାଷୀମାନେ ବ୍ୟାପକ କ୍ଷତି ସହିଥିବା ଦେଖିବାକୁ ମିଳିଛି । ଚାଷୀମାନେ ବିଭିନ୍ନ ବ୍ୟାଙ୍କରୁ ଋଣ କରି ଚାଷ କାର୍ଯ୍ୟରେ ଲଗାଇଥିବା ବେଳେ ପ୍ରକୃତି ଦାଉ ସାଧିଛି । ପ୍ରକୃତିର ଏମିତି ରୂପ ଆଗରେ ହାର ମାନି ଯାଇଛି ଚଷା ପୁଅ । ଲଗାଣ ବର୍ଷା ଯୋଗୁଁ ସବୁ ସ୍ବପ୍ନରେ ଲାଗି ଯାଇଛି ପ୍ରତିବନ୍ଧକ । ଏଭଳି ଏକ ଦୃଶ୍ୟ ଦେଖିହାକୁ ମିଳିଛି ବାଲେଶ୍ବର ଜିଲ୍ଲାର ବିଭିନ୍ନ ଅଞ୍ଚଳରେ ।
ଚାଷୀଟିଏ ବର୍ଷକ ଯାକ ଅମଳ ପରିବା ବଜାରରେ ବିକ୍ରି କରି ପରିବାର ଚଳାଇବା ପାଇଁ ଯେଉଁ ପ୍ରୟାସ କରିଥିଲା । ଆଜି ଚାଷୀ ଭାଇର ଦୁଃଖ କହିଲେ ନ ସରେ । ବାଲେଶ୍ବର ଜିଲ୍ଲାର ବିଭିନ୍ନ ଅଞ୍ଚଳରେ ଲଗାଣ ବର୍ଷା ଯୋଗୁଁ ପରିବା ଚାଷରେ ପାଣି ଜମି ରହିଛି । ଯେଉଁଥି ପାଇଁ ଭାଙ୍ଗି ଯାଇଛି ଚାଷୀର ମେରୁଦଣ୍ଡ । ଭୋଗରାଇର ହରଣକୁଲି ଗ୍ରାମର ପନିପରିବା ଚାଷ ଉପରେ ଜୀବନ ଜୀବିକା ନିର୍ବାହ କରିଥାନ୍ତି ଚାଷୀ । ନିଜ କ୍ଷେତରେ ବାଇଗଣ, କାକୁଡି, କଲରା, ପୋଇ, ଭେଣ୍ଡି,ବିରି, ମୁଗ, ଏବଂ ବାଦାମ, କଖାରୁ ଇତ୍ୟାଦି ଚାଷ କରିଥିବା ବେଳେ ଉଜାଡ଼ି ଦେଇଛି ବର୍ଷା । ଚାଷ ଜମିରେ ପାଣି ଭରି ରହିଥିବାରୁ ପରିବା ସବୁ ନଷ୍ଠ ହେବାକୁ ବାସିଲାଣି ।
ଏହା ମଧ୍ୟ ପଢନ୍ତୁ .....ଦାଉ ସାଧିଲା ଅଦିନିଆ ବର୍ଷା, ଉଜୁ଼ଡା ସୂର୍ଯ୍ୟମୁଖୀ ଚାଷକୁ ନେଇ ଚିନ୍ତାରେ ଚାଷୀ
ଏହା ମଧ୍ୟ ପଢନ୍ତୁ......ଅଦିନିଆ ବର୍ଷା: ଫସଲ ଉଜୁଡ଼ିବା ଆଶାଙ୍କରେ ଚାଷୀ
ଠିକ୍ ଅମଳ ସମୟରେ ତୁହାକୁ ତୁହା ବର୍ଷା ଏବଂ ପବନ ଯୋଗୁଁ ପରିବା ଚାଷ ଉପରେ ପଡିଛି ବ୍ୟାପକ ପ୍ରଭାବ । ବାଲେଶ୍ବର ଜିଲ୍ଲାର ଭୋଗରାଇ ବ୍ଲକର ଆରୁହାବୃତ୍ତି, ଦହମୁଣ୍ଡା, ଖରିଦିପିପଳ, ରସଲପୁର ପରି ବିଭିନ୍ନ ଗାଁରେ ଚାଷୀଙ୍କ ଫସଲ ସମ୍ପୂର୍ଣ ନଷ୍ଟ ହେଇଥିବା ଦେଖିବାକୁ ମିଳିଛି । ଲଗାଣ ବର୍ଷା ଯୋଗୁଁ ଭୋଗରାଇ ଅଞ୍ଚଳର ଶହଶହ ଏକର ବାଦାମ, ବିରି, ମୁଗ ଫସଲ ମଧ୍ୟ ନଷ୍ଟ ହୋଇଥିବା ସୂଚନା ମିଳିଛି। ସେପଟେ ଚାଷୀମାନଙ୍କ ଏହି କ୍ଷୟକ୍ଷତିର ଆକଳନ କରି ତୁରନ୍ତ ସହାୟତା ଯୋଗାଇବାକୁ ଦାବି କରିଛନ୍ତି
।
ଇଟିଭି ଭାରତ,ବାଲେଶ୍ବର
