ଭୁବନେଶ୍ବର: ରାଜ୍ୟରେ ସମସ୍ୟା ଘେରରେ ସ୍କୁଲ ଓ ହଷ୍ଟେଲ । ଏହାର ସମାଧାନ ପାଇଁ ବିଦ୍ୟାଳୟ ଓ ଗଣଶିକ୍ଷା ବିଭାଗ ଅଣ୍ଟା ଭିଡିଥିବା କହିଛନ୍ତି ମନ୍ତ୍ରୀ । ରାଜ୍ୟରେ ଅନେକ ସ୍କୁଲରେ ନାହିଁ । ଆଉ କେତେକ ସ୍କୁଲରେ ହଷ୍ଟେଲ ରହିଥିଲେ ମଧ୍ୟ ତାହାର କାର୍ଯ୍ୟକ୍ଷମ ହୋଇନାହିଁ। ଅନେକ ହଷ୍ଟେଲରେ ମଧ୍ୟ ସୁରକ୍ଷିତ ନାହାନ୍ତି ଛାତ୍ରଛାତ୍ରୀ । ଯାହାକୁ ନେଇ ଅନେକ ସମୟରେ ଛାତ୍ରଛାତ୍ରୀମାନେ ଅସୁବିଧାର ସମ୍ମୁଖୀନ ହେଉଛନ୍ତି । ଏନେଇ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ କହିଛନ୍ତି , "ଯେଉଁ ଉଚ୍ଚ ପ୍ରାଥମିକ ସ୍କୁଲ ଗୁଡିକରେ ହଷ୍ଟେଲ ରହିଥିଲା ତାହା ସୁରକ୍ଷିତ ନଥିଲା । ଯାହା ଅନେକ ସ୍ଥାନରୁ ଅଭିଯୋଗ ଆସିଥିଲା । ଏପରିକି କେତେକ ହଷ୍ଟେଲର ପରିବେଶ ଭଲ ନାହିଁ । ସ୍କୁଲର ଭିତ୍ତିଭୂମି ମଧ୍ୟ ଅନେକ ସ୍ଥାନରେ ଖରାପ ରହିଛି । ବିଶେଷ କରି ଶିକ୍ଷା କ୍ଷେତ୍ରରେ ପଛୁଆ ଜିଲ୍ଲା ଗୁଡିକରେ ଅନେକ ସମସ୍ତ ଅସୁବିଧା ଦେଖାଯାଉଛି ।"
"ସେହି ସ୍ଥାନରେ ରହିବା ପାଇଁ ହଷ୍ଟେଲ ବିଲଡିଂ କରିବା ସହ ଭଲ ଭିତ୍ତିଭୂମି ପ୍ରସ୍ତୁତ କରିବା ଆଦି ଯୋଜନା କରାଯାଇଛି । ବର୍ତ୍ତମାନ କୋରାପୁଟ ଜିଲ୍ଲାରେ ୩ଶହରୁ ଅଧିକ ସ୍କୁଲରେ ହଷ୍ଟେଲ ଵିଲ୍ଡିଂ କରାଯିବା ନେଇ ଯୋଜନା କରାଯାଉଛି । ପିଲାମାନେ କିଭଳି ଭାବରେ ସୁବିଧାରେ ପାଠ ପଢ଼ିବେ ସେନେଇ ବ୍ୟବସ୍ଥା କରାଯାଉଛି । ଅନେକ ସ୍ଥାନରେ ୨୦୧୬ ମସିହାରୁ ଅନେକ ସ୍କୁଲରେ ହଷ୍ଟେଲ ବିଲଡିଂ କରାଯାଇନାହିଁ । ଯେଉଁ ସ୍ଥାନରେ ହଷ୍ଟେଲ ଗୃହ ନିର୍ମାଣ କରାଯାଇଛି, ତାହା କାର୍ଯ୍ୟକାରିତା ହୋଇନଥିଲା । ତାହାକୁ କାର୍ଯ୍ୟକ୍ଷମ କରିବା ପାଇଁ ନିର୍ଦ୍ଦେଶ ଦିଆଯାଇଛି । ବିଭାଗ ମଧ୍ୟ ସେହି ଦିଗରେ କାର୍ଯ୍ୟ କରୁଛି" ବୋଲି କହିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ ।
ବିଶେଷ ଭାବରେ ଶିକ୍ଷା କ୍ଷେତ୍ରରେ ପଛୁଆ ଥିବା ଅଞ୍ଚଳରେ ଗୁଣାତ୍ମକ ଶିକ୍ଷା କିଭଳି ଭାବରେ ଦିଆଯିବ ସେନେଇ ସମସ୍ତ ଯୋଜନା କରୁଛି ବିଭାଗ । ରାଜ୍ୟରେ ଗୁଣାତ୍ମକ ଶିକ୍ଷାକୁ ନେଇ ଶିକ୍ଷା ବିଭାଗ ଅନେକ ପଦକ୍ଷେପ ନେବାର ଆବଶ୍ୟକତା ରହିଛି । ସଠିକ ଭାବରେ ପିଲାଙ୍କ ପାଖରେ ଗୁଣାତ୍ମକ ଶିକ୍ଷା ପହଞ୍ଚିପାରୁନାହିଁ । ଯାହା ଫଳରେ ଅନେକ ସମୟରେ ପିଲାମାନେ ନାନା ପ୍ରକାରର ସମସ୍ୟା ଭୋଗୁଛନ୍ତି । ଆଉ ଏକ ବଡ଼ ସମସ୍ୟା ହେଉଛି ଯୁକ୍ତ ଦୁଇ ଏବଂ ଯୁକ୍ତ ତିନି ଏକାଠି ଛାତ୍ରଛାତ୍ରୀମାନେ ପାଠ ପଢ଼ିବା । ଅନେକ କଲେଜ ରହିଛି ଯେଉଁଠି ଗୋଟିଏ କ୍ୟାମ୍ପସ ମଧ୍ୟରେ ଉଭୟ କଲେଜ ଏବଂ ମହାବିଦ୍ୟାଳୟର ପିଲାମାନେ ପାଠ ପଢୁଛନ୍ତି । ଯାହା ଫଳରେ ଅନେକ ସମୟରେ ପାଠପଢା ସମେତ ପ୍ରାକ୍ଟିକାଲ ଓ ରିସର୍ଚ୍ଚ ଆଦି କରିବା ବାଧାପ୍ରାପ୍ତ ହେଉଛି ।
ଇଟିଭି ଭାରତ, ଭୁବନେଶ୍ବର
