କଟକ: ଭିଜିଲାନ୍ସ ଜାଲରେ ମତ୍ସ୍ୟ ନିର୍ଦ୍ଦେଶାଳୟ ଡେପୁଟି ଡ଼ାଇରେକ୍ଟର । ସରକାରୀ ଟଙ୍କାକୁ ଚଳୁ କରି ନିଜ ବ୍ୟକ୍ତିଗତ କାମରେ ବିନିଯୋଗ କରିଥିଲେ ଏହି ବଡ଼ବାବୁ । ଏପରିକି ୧ କୋଟି ୫ ଲକ୍ଷ ଟଙ୍କାର ସରକାରୀ ଟଙ୍କାକୁ ନିଜ ଆକାଉଣ୍ଟକୁ ନେଇ ୭୨ ଲକ୍ଷ ଟଙ୍କାରେ ଭୁବନେଶ୍ୱରରେ ଜମି କିଣିଥିଲେ । ସେହିପରି ୨୭ ଲକ୍ଷ ଟଙ୍କାରେ ସୁନା ଅଳଙ୍କାର କିଣି ଥିଲେ ଏହି ବ୍ୟକ୍ତି । ଆଜି ତାଙ୍କୁ ଗିରଫ କରିଛି ଭିଜିଲାନ୍ସ ।
ତେବେ ଉକ୍ତ ଟଙ୍କାକୁ ହଡପ କରି ଗତ ଏପ୍ରିଲ ୨୨ ତାରିଖରୁ ଛୁଟିରେ ଥିଲେ ବସନ୍ତ । ଭିଜିଲାନ୍ସ ରେଡ କରିବା ସମୟରେ ଅନେକ ଚାଞ୍ଚଲ୍ୟକର ତଥ୍ୟ ହାସଲ କରିଛି । ବସନ୍ତଙ୍କ ନାଁରେ ପୁରୀର ତୋଟା ମହାଭୀର ଲେନରେ ୨୦୦୦ ବର୍ଗ ଫୁଟ ଅଞ୍ଚଳରେ ଏକ ଦୁଇ ମହଲା ବିଶିଷ୍ଟ କୋଠାଘର ଅଛି । ପୁରୀର ବାସେଲି ସାହିରେ ପ୍ରାୟ ୧୨୦୦ ବର୍ଗ ଫୁଟ ଅଞ୍ଚଳରେ ଏକ ବିଲ୍ଡିଂର ନିର୍ମାଣ କାର୍ଯ୍ୟ କରାଯାଉଛି । ଯାହାକି ବସନ୍ତଙ୍କ ନାଁରେ ଏହି ଜମି ରହିଥିବା ଭିଜିଲାନ୍ସ ସ୍ପଷ୍ଟ କରିଛି । ସେହିପରି ବସନ୍ତଙ୍କ ନାଁରେ ପିପିଲି ଅଞ୍ଚଳରେ ଏକ ଫାର୍ମହାଉସ ରହିଛି । ବିଭିନ୍ନ ସ୍ଥାନରେ ୭ଟି ପ୍ଲଟ ରହିଥିବା ବେଳେ, ଏକ ଦାମୀ କାର ଓ ୨୫୦ ଗ୍ରାମର ସୁନା ଗହଣା ରହିଥିବା ଭିଜିଲାନ୍ସ ପକ୍ଷରୁ ସ୍ପଷ୍ଟ କରାଯାଇଛି । ତେବେ ଆୟବହିର୍ଭୁତ ସମ୍ପତ୍ତି ଠୁଳ କରିବା ଏବଂ ସରକାରୀ ଟଙ୍କାକୁ ନିଜର ବ୍ୟକ୍ତିଗତ କାମରେ ବ୍ୟବହାର କରିବା ଅଭିଯୋଗରେ ଭିଜିଲାନ୍ସ ଆଜି ବସନ୍ତ ଦାସଙ୍କୁ ଗିରଫ କରିଛି ।
ଇଟିଭି ଭାରତ, କଟକ
