ମାଲକାନଗିରି: ପଞ୍ଚଭୂତରେ ଲୀନ ହେଲେ ବିଜେପି ପୂର୍ବତନ ବିଧାୟକ ଆଦିତ୍ଯ ମାଡି । ବିଧାୟକଙ୍କ ଶେଷକୃତ୍ୟ ନିଜ ଗାଁ ରୋଡାନପଲ୍ଲୀ ଗାଁ ଶ୍ମଶାନରେ ସମ୍ପନ୍ନ ହୋଇଛି । ବିଧାୟକଙ୍କ ସାନପୁଅ ମୁଖାଗ୍ନି ଦେଇଛନ୍ତି । ଜିଲ୍ଲାର ତମାମ ବିଜେପି କର୍ମକର୍ତ୍ତା ଏବଂ ବରିଷ୍ଠ ବ୍ୟକ୍ତି ଜିଲ୍ଲା ମୁଖ୍ୟ ବିଜେପି କାର୍ଯ୍ୟାଳୟ ତାଙ୍କର ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଜଣାଇଥିଲେ । ଦଳୀୟ ମର୍ଯ୍ୟାଦାରେ ପାର୍ଟି ର ଚିହ୍ନ ଦେଇ ତାଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ କର୍ମକର୍ତ୍ତା । ମାଲକାନଗିରି ନିର୍ବାଚନ ଏବଂ ଚିତ୍ରକୋଣ୍ଡା ନିର୍ବାଚନ ମଣ୍ଡଳୀର ନବ ନିର୍ବାଚିତ ବିଧାୟକ ଉଭୟ ନରସିଂହ ମାଡ଼କାମି ଏବଂ ମଙ୍ଗୁ ଖିଲ ମଧ୍ୟ ଶ୍ରଦ୍ଧାଞ୍ଜଳି ଜଣାଇଥିଲେ ।
ସୂଚନା ଅନୁସାରେ, ଗତକାଲି ଅପରାହ୍ନ ୫ ଘଟିକା ସମୟରେ ଭୁବନେଶ୍ୱର AIIMSରେ ତାଙ୍କର ପରଲୋକ ହୋଇଥିଲା । ଦୀର୍ଘ ଦିନ ଧରି ସେ କିଡନୀ ରୋଗରେ ପୀଡ଼ିତ ଥିଲେ ତାଙ୍କର ଦୁଇଟି ଯାକ କିଡନୀ ନଷ୍ଟ ହୋଇଯାଇଥିଲା । ୨ ବର୍ଷ ପୂର୍ବେ ତାଙ୍କର କିଡନୀ ପ୍ରତିରୋପଣ ମଧ୍ୟ କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି । ତାଙ୍କର ଅକାଳ ବିୟୋଗରେ ମାଲକାନଗିରି ଜିଲ୍ଲା ଏବଂ ବିଜେପି ଶିବିରରେ ଶୋକର ଛାୟା ଖେଳିଯାଇଛି । ଶେଷ କୃତ୍ୟ ସମୟରେ ଜିଲ୍ଲା ବିଜେପିର ସମସ୍ତ କର୍ମିଙ୍କ ସହ ମାଲକାନଗିରି ବିଧାୟକ ନରସିଙ୍ଗ ମାଡକମି, ପୂର୍ବତନ ସାଂସଦ ରମେଶଚନ୍ଦ୍ର ମାଝୀ, ଜିଲ୍ଲା ବିଜଡି ସଭାପତି ମାନସ ମାଡକାମୀ, ଚିତ୍ରକୁଣ୍ଡା ପୂର୍ବତନ ବିଧାୟକ ପୂର୍ଣ୍ଣଚନ୍ଦ୍ର ବାକା ଓ ବହୁ ବରିଷ୍ଠ ବ୍ୟକ୍ତି ଉପସ୍ଥିତ ରହି ଶ୍ରଦ୍ଧାଞ୍ଜଳି ଜଣାଇଥିଲେ ।
