ପୁରୀ: ପାଖେଇ ଆସୁଛି ଶାରଦୀୟ ଦୁର୍ଗାପୂଜା । ମା'ଙ୍କ ଆଗମନ ପାଇଁ ସଜେଇ ହେଉଛି ଧରାପୃଷ୍ଠ । ଚାରିଆଡେ ପୂଜାର ମାହୋଲ । କେଉଁଠି ମାଆଙ୍କ ମୂର୍ତ୍ତିକୁ କାରିଗର ତୂଳିରେ ଶେଷ ସ୍ପର୍ଶ ଦେଉଛନ୍ତି ତ ଆଉ କେଉଁଠି ଆଖି ଝଲସି ଉଠିବା ଭଳି ତୋରଣ ନିର୍ମାଣ ଚାଲିଛି । ଏନେଇ ପୁରୀ ସହରରେ ଥିବା ବିଭିନ୍ନ ପୂଜା ମଣ୍ଡପ ଏବେ ଚଳଚଞ୍ଚଳ ହୋଇଉଠିଛି । ପୂଜା ମଣ୍ଡପ ଗୁଡିକରେ ମୂର୍ତ୍ତି ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ପୂଜାକୁ ନେଇ ମଧ୍ୟ ପ୍ରସ୍ତୁତି କାର୍ଯ୍ୟ ଜୋରସୋରରେ ଆଗେଇ ଚାଲିଛି । ତେବେ ଶାରଦୀୟ ଦୁର୍ଗାପୂଜାରେ ମା' ଦୁର୍ଗାଙ୍କୁ ଆରାଧନା କରାଯାଉଥିବା ବେଳେ ଶ୍ରୀକ୍ଷେତ୍ରରେ ପରମ୍ପରା ଅନୁଯାୟୀ ଦେବୀ ଦୁର୍ଗାଙ୍କୁ ଗୋଷାଣୀ ଦେବୀ ରୂପେ ପୂଜାର୍ଚ୍ଚନା କରାଯାଇଥାଏ ।
ଶ୍ରୀକ୍ଷେତ୍ରରେ ଗୋଷାଣୀ ଦେବୀ:
ଶାରଦୀୟ ଦୁର୍ଗାପୂଜା ପାଖେଇ ଆସୁଥିବା ବେଳେ ସବୁଆଡେ ଏବେ ଉତ୍ସାହ ଏବଂ ଆନନ୍ଦର ମାହୋଲ । ପୁରୀ ସହରରେ ମଧ୍ୟ ଶାରଦୀୟ ଦୁର୍ଗାପୂଜାକୁ ଆଡ଼ମ୍ବର ସହକାରେ ପାଳନ କରିବା ପାଇଁ ବିଭିନ୍ନ ପୂଜା ମଣ୍ଡପ ଗୁଡିକରେ ପ୍ରସ୍ତୁତି ଜୋରସୋରରେ ଆଗେଇ ଚାଲିଛି । ମୂର୍ତ୍ତି ନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚିଥିବା ବେଳେ ପୂଜା ପାଇଁ ବିଭିନ୍ନ ପ୍ରସ୍ତୁତି କାର୍ଯ୍ୟ ମଧ୍ୟ ଆଗେଇ ଚାଲିଛି । ତେବେ ଶ୍ରୀକ୍ଷେତ୍ର ପୁରୀରେ ଶାରଦୀୟ ଦୁର୍ଗାପୂଜାକୁ ଗୋଷାଣୀ ଯାତ୍ରା ଭାବେ ପାଳନ କରାଯାଏ । ଜଗତଜନନୀ ମା' ଦୁର୍ଗାଙ୍କୁ ଗୋଷାଣୀ ଦେବୀ ଭାବେ ଶ୍ରୀକ୍ଷେତ୍ରରେ ପୂଜା କରାଯାଏ । ପୁରୀର ଗୋଷାଣୀ ମୂର୍ତ୍ତି ଦେଖିବାକୁ ବେଶ୍ ଭିନ୍ନ ଏବଂ ଆକର୍ଷଣୀୟ । ଦେବୀ ଦୂର୍ଗାଙ୍କୁ ଗୋଷାଣୀ ଦେବୀ ଭାବରେ ଶ୍ରୀକ୍ଷେତ୍ରରେ ବିଶାଳ ମୂର୍ତ୍ତି ରୂପରେ ପୂଜା କରାଯାଏ ।
ପୁରୀର ଗୋଷାଣୀ ଯାତ ବେଶ ପ୍ରସିଦ୍ଧ । ଏହି ନିଆରା ପରମ୍ପରା ତଥା ଗୋଷାଣୀ ଯାତ ଦେଖିବାକୁ ବହୁ ବଙ୍ଗୀୟ ପର୍ଯ୍ୟଟକଙ୍କ ସମେତ ବିଭିନ୍ନ ସ୍ଥାନରୁ ପର୍ଯ୍ୟଟକମାନଙ୍କ ଆଗମନ ହୋଇଥାଏ । ତେଣୁ ପୂଜାକୁ ଆକର୍ଷଣୀୟ ଢଙ୍ଗରେ ପାଳନ କରିବା ପାଇଁ ପୂଜା ମଣ୍ଡପ ଗୁଡିକରେ ବ୍ୟାପକ ପ୍ରସ୍ତୁତି ହୋଇଥାଏ । ସେପଟେ ପୂଜା ସମୟରେ ଶାନ୍ତି ଶୃଙ୍ଖଳା ରକ୍ଷା ପାଇଁ ପୂଜା ମଣ୍ଡପ ଗୁଡିକ ପକ୍ଷରୁ ସିସିଟିଭି କ୍ୟାମେରା ସ୍ଥାପନ ସହିତ ଭଲ୍ୟୁଣ୍ଟରମାନଙ୍କୁ ନିୟୋଜିତ କରାଯାଇଥାଏ । ଭକ୍ତମାନଙ୍କୁ ପୂଜା ମଣ୍ଡପ ପକ୍ଷରୁ ପ୍ରସାଦ ବଣ୍ଟନ ମଧ୍ୟ କରାଯାଇଥାଏ । ତେବେ ଚଳିତ ବର୍ଷ ମଧ୍ୟ ଗୋଷାଣୀ ଯାତ୍ରା ବେଶ୍ ଧୂମଧାମରେ ପାଳନ କରିବା ପାଇଁ ସମସ୍ତ ପ୍ରସ୍ତୁତି କରାଯାଉଥିବା ପୂଜା ମଣ୍ଡପ କର୍ମକର୍ତ୍ତା କହିଛନ୍ତି ।
ଭୋଗଜାଗା ପୂଜା ମଣ୍ଡପର ପୂଜକ ବାମଦେବ ଦାଶ କହିଛନ୍ତି, "ଜଗନ୍ନାଥ ଧାମ ତଥା ଶ୍ରୀକ୍ଷେତ୍ରର ପରମ୍ପରା ଓ ସଂସ୍କୃତି ସ୍ବତନ୍ତ୍ର ଏବଂ ନିଆରା । ଶ୍ରୀକ୍ଷେତ୍ରରେ ବାରମାସରେ ତେର ପର୍ବ ପାଳନ ହେଉଥିବା ବେଳେ ଶାରଦୀୟ ଦୁର୍ଗାପୂଜାରେ ଦେବୀ ଦୂର୍ଗାଙ୍କୁ ଗୋଷାଣୀ ଭାବରେ ପୂଜା କରାଯିବା ଏକ ନିଆରା ପରମ୍ପରା ଦେଖିବାକୁ ମିଳିଥାଏ । ପୂଜା ପାଇଁ ପ୍ରସ୍ତୁତି ଶେଷ ପର୍ଯ୍ୟାୟରେ । ଆସନ୍ତା ବୁଧବାର ଠାରୁ ପୁଜା ଆରମ୍ଭ ହେବ। ପ୍ରଥମେ ମା'ଙ୍କ ପାଣିତୋଳା ହେବ । ପରେ କଳସ ବସାଯାଇ ମା'ଙ୍କୁ ଆବାହନ କରାଯିବ । ପରେ ପ୍ରାଣ ପ୍ରତିଷ୍ଠା ସହ ଶୀତଳ ଭୋଗ ଅନୁଷ୍ଠିତ ହେବ । ମଧ୍ଯରାତ୍ରୀରେ ମା'ଙ୍କ ପଞ୍ଚୋପଚାରରେ ପୂଜା ସହ ଶଙ୍ଖୁଡ଼ି ଭୋଗ ଅନୁଷ୍ଠିତ ହେବ ।
ଏହା ମଧ୍ୟ ପଢ଼ନ୍ତୁ...ଦୂର୍ଗାପୂଜାରେ ଝଲସିବ ଝାରସୁଗୁଡ଼ା, ଶୋଭା ପାଇବ ଆଖି ଲାଖିଯିବା ପରି ତୋରଣ ଏହା ମଧ୍ୟ ପଢ଼ନ୍ତୁ...ନବରାତ୍ରୀ ପାଇଁ ଉତ୍ସବ ମୁଖର ବୌଦ୍ଧ, ଆଲୋକ ମାଳାରେ ଝଲସୁଛି ପୂଜା ମଣ୍ଡପ - Durga Puja 2024 ଏହା ମଧ୍ୟ ପଢ଼ନ୍ତୁ...ନବରାତ୍ରୀ ପାଇଁ ଉତ୍ସବ ମୁଖର ବୌଦ୍ଧ, ଆଲୋକ ମାଳାରେ ଝଲସୁଛି ପୂଜା ମଣ୍ଡପ - Durga Puja 2024 |
ପୂଜା ପାଇଁ ପ୍ରସ୍ତୁତ ପୁରୀ ପୌରପାଳିକା:
ପୁରୀ ପୌରପାଳିକାର କାର୍ଯ୍ୟନିର୍ବାହୀ ଅଧିକାରୀ ଅଭିମନ୍ୟୁ ବେହେରା କହିଛନ୍ତି, ଆଗାମୀ ଶାରଦୀୟ ଦୁର୍ଗାପୂଜା ପାଇଁ ପୁରୀ ପୌରପାଳିକା ସମ୍ପୂର୍ଣ୍ଣ ପ୍ରସ୍ତୁତ । ରାସ୍ତା ଗୁଡିକର ମରାମତି କରାଯାଉଛି । ସହର ଭିତରେ ସଫେଇ କାର୍ଯ୍ୟକୁ ବେଶ୍ ଗୁରୁତ୍ଵ ଦିଆଯାଉଛି । ମୁକୁଳା ଡ୍ରେନ ଗୁଡ଼ିକୁ ସ୍ଲାବ ପକାଇବା ନେଇ ବ୍ୟବସ୍ଥା କରାଯାଉଅଛି ।"
ଇଟିଭି ଭାରତ, ପୁରୀ
