ଚେନ୍ନାଇ(ତାମିଲନାଡୁ): ଖୀପ୍ର ବେଗରେ ମାଡ଼ି ଆସୁଛି ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ସୃଷ୍ଟ ସାମ୍ଭାବ୍ୟ ବାତ୍ୟା 'ଫେଙ୍ଗାଲ' । ଗଭୀର ଅବପାତରେ ପରିଣତ ହୋଇ ଏହା ବର୍ତ୍ତମାନ ଉତ୍ତର-ଉତ୍ତର-ପଶ୍ଚିମ ଦିଗକୁ ୬ ଘଣ୍ଟା ହେବ ୭ କିଲୋମିଟର ବେଗରେ ଗତି କରୁଛି । ବର୍ତ୍ତମାନ ଏହା ନାଗପାଟିନମ ପୂର୍ବରେ 310 କିମି ଦୂରରେ ଘନୀଭୂତ ହୋଇଥିବା ବେଳେ ପୁଡୁଚେରୀର ପୂର୍ବ-ଦକ୍ଷିଣ-ପୂର୍ବରୁ 360 କିମି ଦୂରରେ ଓ ଚେନ୍ନାଇର ଦକ୍ଷିଣ-ପୂର୍ବ ଠାରୁ 400 କିମି ଦୂରରେ ଘନୀଭୂତ ହୋଇଛି ।
ନଭେମ୍ବର ୩୦ରେ ଲ୍ୟାଣ୍ଡଫଳ: IMD
ଗଭୀର ଅବପାତ ଆଜି ବାତ୍ୟାର ରୂପ ନେବା ପରେ ଆସନ୍ତାକାଲି (ଶନିବାର) ସକାଳେ ପୁଡୁଚେରୀ ନିକଟ କରାଇକାଲ୍ ଏବଂ ମହାବଳିପୁରମ୍ ମଧ୍ୟରେ ଲ୍ୟାଣ୍ଡଫଲ କରିବା ନେଇ ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ-IMD । ଏହାର ପ୍ରଭାବରେ ତାମିଲନାଡୁରେ ବର୍ଷା ଆରମ୍ଭ ହୋଇଯାଇଛି । ଧିରେ ଧିରେ ପବନର ବେଗ ମଧ୍ୟ ବଢୁଛି ।
The Deep Depression over Southwest Bay of Bengal moved north-northwestwards with a speed of 7 Kmph during past 6 hours and lay centred at 0530 hours IST of today, the 29th November 2024 over the same region near latitude 10.4°N and longitude 82.7°E, about 260 km northeast of… pic.twitter.com/7BynhY1ZcD
— India Meteorological Department (@Indiametdept) November 29, 2024
ତାମିଲନାଡୁ-ପୁଡୁଚେରୀରେ ସ୍କୁଲ ଛୁଟି
ସାମ୍ଭାବ୍ୟ ବାତ୍ୟା ପ୍ରଭାବରେ ତାମିଲନାଡୁରେ ତୁହାକୁ ତୁହା ବର୍ଷା ଜାରି ରହିଛି । ୫ଟି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ନେଇ ରେଡ ଓ୍ବାର୍ଣ୍ଣିଂ ଜାରି କରାଯାଇଛି । ସେହି ଜିଲ୍ଲାଗୁଡ଼ିକ ହେଲା ଚେନ୍ନାଇ, ତିରୁ ଭୁଲାର, କାଞ୍ଚିପୁରମ, ଭିଲୁପୁରମ ଓ କୁଡାଲୋର । ପୁଡୁଚେରୀରେ ମଧ୍ୟ ପ୍ରବଳ ବର୍ଷା ନେଇ ରେଡ ଓ୍ବାର୍ଣ୍ଣିଂ ଜାରି କରାଯାଇଛି । ବାତ୍ୟାକୁ ଦୃଷ୍ଟିରେ ରଖି ତାମିଲନାଡୁ ସରକାର କିଛି ଜିଲ୍ଲାରେ ସ୍କୁଲ ଓ କଲେଜକୁ ଛୁଟି ଘୋଷଣା କରିଛନ୍ତି । ପୁଡୁଚେରୀ ସରକାର କେନ୍ଦ୍ରଶାସିତ ଅଞ୍ଚଳର କୋଡାଇକାନାଲ ଓ ଡିନଣ୍ଡୁଗୁଲରେ ସ୍କୁଲ ଓ କଲେଜକୁ ଛୁଟି ଘୋଷଣା କରିଛନ୍ତି ।
It is likely to move northwestwards and intensify into a cyclonic storm during next 12 hours. Thereafter, it is likely to continue to move northwestwards and cross north Tamil Nadu Puducherry coasts between Karaikal and Mahabalipuram close to Puducherry as a cyclonic storm with a… pic.twitter.com/saJ9NQkLSU
— India Meteorological Department (@Indiametdept) November 29, 2024
ଓଡ଼ିଶାରେ ସାମ୍ଭାବ୍ୟ ବାତ୍ୟାର ପ୍ରଭାବ:
ସାମ୍ଭାବ୍ୟ ବାତ୍ୟା 'ଫେଙ୍ଗାଲ'ର ପ୍ରଭାବ ସିଧାସଳଖ ଭାବେ ଓଡ଼ିଶାରେ ନଥିବା ବେଳେ ପବନର ଦିଗ ପରିବର୍ତ୍ତନକୁ ନେଇ ସମୁଦ୍ର ମଧ୍ୟରୁ ସ୍ଥଳଭାଗକୁ ଆର୍ଦ୍ର ବାୟୁ ପ୍ରବେଶ କରୁଛି । ଫଳରେ ଆର୍ଦ୍ରତାର ମାତ୍ରା ଅଧିକ ରହୁଛି । ମାତ୍ରାଧିକ ଆର୍ଦ୍ରତା ଯୋଗୁଁ ଓଡ଼ିଶାରେ ଆଜି ପାଗ ମେଘୁଆ ରହିବାର ସମ୍ଭାବନା ରହିଛି । କିଛି ସ୍ଥାନରେ ହାଲୁୁକା ବର୍ଷା ହେବାର ସମ୍ଭାବନା ରହିଛି । ଆସନ୍ତା ୧୨ ଘଣ୍ଟାରେ ପୁରୀ, ଗଞ୍ଜାମ ଓ ଗଜପତି ଜିଲ୍ଲାର ଗୋଟିଏ କିମ୍ବା ଦୁଇଟି ସ୍ଥାନରେ ହାଲୁକା ବର୍ଷା ହେବାର ଆକଳନ କରିଛି ପାଣିପାଗ ବିଭାଗ ।
