ହାଇଦ୍ରାବାଦ: ନ୍ୟୁଜିଲାଣ୍ଡ ବିପକ୍ଷ ଟେଷ୍ଟରେ ବିରାଟ କୋହଲିଙ୍କ ପ୍ରଦର୍ଶନ ନୈରାଶ୍ୟ ଜନକ ରହିଥିଲା । ତିନୋଟି ଯାକ ମ୍ୟାଚରେ ଖରାପ ଫର୍ମରେ ରହିଥିଲେ କୋହଲି । ଯାହା ଫଳରେ ଆଇସିସି ଟେଷ୍ଟ ରାଙ୍କିଂରେ ସେ ବହୁତ ତଳକୁ ଖସି ଆସିଛନ୍ତି । ଯାହା ତାଙ୍କ 10 ବର୍ଷ କ୍ରିକେଟ କ୍ୟାରିୟରର ସବୁଠାରୁ ଖରାପ ରାଙ୍କିଂ । କୋହଲିଙ୍କ ଟେଷ୍ଟ କ୍ରିକେଟରେ ଖରାପ ଫର୍ମ ଯୋଗୁଁ ଫ୍ୟାନ୍ସ ମଧ୍ୟ ନିରାଶ ହୋଇଛନ୍ତି ।
ଟପ୍ 20ରୁ ଆଉଟ କୋହଲି:
ନିକଟରେ ଆଇସିସି (ICC) ପକ୍ଷରୁ ଟେଷ୍ଟ ରାଙ୍କିଂ ତାଲିକା ପ୍ରକାଶ ପାଇଥିଲା । ଯେଉଁଥିରେ କୋହଲି ୮ଟି ସ୍ଥାନ ତଳକୁ ଖସି ଆସି ୨୨ ନମ୍ବରରେ ରହିଛନ୍ତି । ପ୍ରଥମ ଥର ପାଇଁ 10 ବର୍ଷ ଟେଷ୍ଟ କ୍ରିକେଟ କ୍ୟାରିୟର ମଧ୍ୟରେ ଟପ ଟ୍ବେଣ୍ଟିରୁ ଆଉଟ ହୋଇଛନ୍ତି କୋହଲି । ଗତ 10 ବର୍ଷ ମଧ୍ୟରେ କ୍ରମାଗତ ଭାବରେ ସେ ଶ୍ରେଷ୍ଠ 20 ଟେଷ୍ଟ ବ୍ୟାଟ୍ସମ୍ୟାନ୍ ଭାବରେ ରହିଥିଲେ । 2011ରେ ସେ 116 ନମ୍ବର ରାଙ୍କିଂରେ ରହିଥିବା ବେଳେ 2012ରେ ସିଧା 37 ନମ୍ବରକୁ ଆସିଥିଲେ । 2014ରେ 15, 2015ରେ 15, 2016ରେ ଦ୍ବିତୀୟ, 2017ରେ ଦ୍ବିତୀୟ, 2018ରେ ପ୍ରଥମ, 2019ରେ ପ୍ରଥମ, 2020ରେ ଦ୍ବିତୀୟ, 2021ରେ ନବମ, 2022ରେ 15, 2023ରେ ନବମ ସ୍ଥାନରେ ରହିଥିଲେ ।
Virat Kohli is out of the top 20 in the Test batters' rankings for the first time since December 2014.
— CricTracker (@Cricketracker) November 6, 2024
(Virat Kohli's Test ranking at the end of each year)#INDvNZ #BGT2025 pic.twitter.com/uo5woUDNip
କୋହଲିଙ୍କ ICC ଟେଷ୍ଟ ରାଙ୍କିଂ
- 2011- 116 ନମ୍ବର
- 2012 - 37 ନମ୍ବର
- 2014- 15 ନମ୍ବର
- 2015 - 15 ନମ୍ବର
- 2016- 2 ନମ୍ବର
- 2017- 2 ନମ୍ବର
- 2018 - 1 ନମ୍ବର
- 2019 - 1 ନମ୍ବର
- 2020 - 2 ନମ୍ବର
- 2021 - 9 ନମ୍ବର
- 2022 - 15 ନମ୍ବର
- 2023 - 9 ନମ୍ବର
- 2024 - 22 ନମ୍ବର
ଏହା ମଧ୍ୟ ପଢନ୍ତୁ-ଅଲିମ୍ପିକ୍ସ ସ୍ବର୍ଣ୍ଣ ବିଜେଡା ଇମାନ ଖେଲିଫ ମହିଳା ନୁହନ୍ତି ପୁରୁଷ ! ମେଡିକାଲ ରିପୋର୍ଟରେ ଖୁଲାସା
ଏହା ମଧ୍ୟ ପଢନ୍ତୁ-ଭାରତ-ଦକ୍ଷିଣ ଆଫ୍ରିକା T20: ଜାଣନ୍ତୁ କେମିତି ଦେଖିବେ ଫ୍ରି' ଲାଇଭ ମ୍ୟାଚ
କିଏ କେତେ ନମ୍ବର ସ୍ଥାନରେ ?
ବିରାଟଙ୍କ ସହିତ ଭାରତୀୟ ଅଧିନାୟକ ରୋହିତ ଶର୍ମା ମଧ୍ୟ ନ୍ୟୁଜିଲାଣ୍ଡ ବିପକ୍ଷ ଟେଷ୍ଟରେ ନୈରାଶ୍ୟଜନକ ପ୍ରଦର୍ଶନ କରିଥିଲେ । ଟିମ୍ ଇଣ୍ଡିଆର ଅଧିନାୟକ ରୋହିତ ଶର୍ମା ମଧ୍ୟ ଦୁଇଟି ସ୍ଥାନରୁ ତଳକୁ ଖସି ଆସି 26 ତମ ସ୍ଥାନରେ ରହିଛନ୍ତି । ଜୟସ୍ବାଲ ଚତୁର୍ଥ ସ୍ଥାନରେ ରହିଛନ୍ତି । ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଇନିଂସରେ 90 ରନ୍ ସ୍କୋର କରିଥିବା ଶୁବମନ ଗିଲ ରାଙ୍କିଂରେ ଚାରି ସ୍ଥାନ ଉପରକୁ ଉଠି 16 ତମ ସ୍ଥାନରେ ରହିଛନ୍ତି ।
ICC ଟେଷ୍ଟ ରାଙ୍କିଂରେ ଭାରତୀୟ ବ୍ୟାଟର
- ଜୟସ୍ବାଲ - 4 ନମ୍ବର
- ଶୁବମନ ଗିଲ - 16 ନମ୍ବର
- ବିରାଟ କୋହଲି - 22 ନମ୍ବର
- ରୋହିତ ଶର୍ମା - 26 ନମ୍ବର
