ଗ୍ରସ୍ ଆଇଲେଟ୍ (ସେଣ୍ଟ ଲୁସିଆ): ଟି୨୦ ବିଶ୍ବକପ୍ରେ ମହାମୁକାବିଲା । ଭାରତ ବନାମ ଅଷ୍ଟ୍ରେଲିଆ ବିଗ୍-ଫାଇଟ୍ରେ ଟସ୍ ଜିତିଲା ଅଷ୍ଟ୍ରେଲିଆ । ତେବେ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି ଅଷ୍ଟ୍ରେଲୀୟ ଅଧିନାୟକ ମିଚେଲ୍ ମାର୍ଶ । ଅର୍ଥାତ ୨୦୨୩ ଦିନିକିଆ ବିଶ୍ବକପ୍ ପରାଜୟ ପ୍ରତିଶୋଧ ଲକ୍ଷ୍ୟରେ ଥିବା ଭାରତୀୟ ଦଳ ପ୍ରଥମେ ବ୍ୟାଟିଂ କରିବ । ସବୁଠାରୁ ବଡ଼ କଥା ହେଉଛି, ପୂର୍ବ ମ୍ୟାଚ୍ରେ ବେଞ୍ଚରେ ଥିବା କଙ୍ଗାରୁ ପେସର ମିଚେଲ୍ ଷ୍ଟାର୍କ ଆଜି ଚୂଡ଼ାନ୍ତ ଏକାଦଶକୁ ଫେରିଛନ୍ତି । ରୋହିତ ଶର୍ମାଙ୍କ ନେତୃତ୍ବାଧୀନ ଭାରତୀୟ ଦଳରେ ଏହି ମ୍ୟାଚ୍ ପାଇଁ କୌଣସି ପରିବର୍ତ୍ତନ ହୋଇନାହିଁ ।
🚨 Toss Update 🚨
— BCCI (@BCCI) June 24, 2024
Australia have elected to bowl against #TeamIndia.
Follow The Match ▶️ https://t.co/L78hMho6Te#T20WorldCup | #AUSvIND pic.twitter.com/d0UV4A4iRr
ଉତ୍ତର ଆମେରିକା ସେଣ୍ଟ ଲୁସିଆର ଗ୍ରସ୍ ଆଇଲେଟ୍ସ୍ଥିତ ଡାରେନ ସାମ୍ମି କ୍ରିକେଟ୍ ଷ୍ଟାଡିୟମରେ ଆଜି ଟି୨୦ ବିଶ୍ବକପ୍ର ୫୧ତମ ମ୍ୟାଚ୍ ଖେଳାଯାଉଛି । ଗ୍ରୁପ୍-୧ର ସୁପର ୮ ମ୍ୟାଚ୍ରେ ଆଜି ମୁହାଁମୁହିଁ ହୋଇଛନ୍ତି ଭାରତ ଓ ଅଷ୍ଟ୍ରେଲିଆ । ପ୍ରକାଶ ଯୋଗ୍ୟ, ଗ୍ରୁପ-୧ରେ ଭାରତ ଓ ଅଷ୍ଟ୍ରେଲିଆ ସମେତ ଆଫଗାନିସ୍ତାନ ଓ ବାଂଲାଦେଶ ରହିଛନ୍ତି । ବଂଲାଦେଶ ବର୍ତ୍ତମାନ ସେମି ରେସ୍ରୁ ବାଦ ପଡ଼ିଥିବାବେଳେ ଭାରତ ସର୍ବାଧିକ ୨ଟି ମ୍ୟାଚ୍ ଜିତି ଟେବୁଲ୍ ଟପ୍ରେ ରହିଛି । ଅନ୍ୟପଟେ ଅଷ୍ଟ୍ରେଲିଆ ଓ ଅଫଗାନିସ୍ତାନ ଗୋଟିଏ ଲେଖାଏଁ ମ୍ୟାଚ୍ ଜିତିଥିବାବେଳେ ଉଭୟ ୨ ଲେଖାଏଁ ପଏଣ୍ଟ ସହ ଏବେ ସେମି ରେସ୍ରେ ରହିଛନ୍ତି । ଭାରତ ଆଜି ମ୍ୟାଚ୍ ଜିତିଲେ ସେମିଫାଇନାଲ୍ରେ ସ୍ଥାନ ପକ୍କା କରିବ । ଅନ୍ୟପଟେ ସେମି ଯାତ୍ରା ଉଦ୍ଜୀବୀତ ରଖିବା ପାଇଁ ଅଷ୍ଟ୍ରେଲିଆକୁ ଆଜିର ମ୍ୟାଚ୍ ଜିତିବା ନିହାତି ଜରୁରୀ ।
ଭାରତ (ଚୂଡ଼ାନ୍ତ ଏକାଦଶ): ରୋହିତ ଶର୍ମା (ଅଧିନାୟକ), ବିରାଟ କୋହଲି, ଋଷଭ ପନ୍ତ (ୱିକେଟ୍ କିପର), ସୂର୍ଯ୍ୟକୁମାର ଯାଦବ, ଶିବମ ଦୁବେ, ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଡେଜା, ଅକ୍ଷର ପଟେଲ, କୁଲଦୀପ ଯାଦବ, ଅର୍ଶଦୀପ ସିଂହ, ଯଶପ୍ରୀତ ବୁମ୍ରା
ଅଷ୍ଟ୍ରେଲିଆ (ଚୂଡ଼ାନ୍ତ ଏକାଦଶ): ଟ୍ରାଭିସ ହେଡ୍, ଡେଭିଡ ୱାର୍ଣ୍ଣର, ମିଚେଲ୍ ମାର୍ଶ (ଅଧିନାୟକ), ଗ୍ଲେନ୍ ମାକ୍ସୱେଲ୍, ମାର୍କସ ଷ୍ଟୋଇନିସ, ଟିମ୍ ଡେଭିଡ, ମାଥ୍ୟୁ ୱେଡ (ୱିକେଟ କିପର), ପ୍ୟାଟ୍ କମିନ୍ସ, ମିଚେଲ୍ ଷ୍ଟାର୍କ, ଆଡମ ଜାମ୍ପା, ଜୋଶ ହାଜଲେଉଡ୍
ବ୍ୟୁରୋ ରିପୋର୍ଟ, ଇଟିଭି ଭାରତ
