ହାଇଦ୍ରାବାଦ : ଅଲ୍ଟିମେଟ୍ ଟେବୁଲ୍ ଟେନିସ୍ (UTT) 2024 ଆରମ୍ଭ ହେବାକୁ ଯାଉଛି । ଏହାର କେବଳ କିଛିଦିନ ପୂର୍ବରୁ ଜୟପୁର ପାଟ୍ରିୟଟସ୍ ଦଳକୁ ଏକ ବଡ଼ ଝଟ୍କା ଲାଗିଛି । ଆଘାତ କାରଣରୁ ଶ୍ରୀଜା ଅକୁଲା ଆଗାମୀ ଅଲ୍ଟିମେଟ ଟେବୁଲ୍ ଟେନିସ୍ ଟୁର୍ଣ୍ଣାମେଣ୍ଟରୁ ବାଦ ପଡିଛନ୍ତି । ସେ ପ୍ୟାରିସ ଅଲିମ୍ପିକ୍ସରେ ଭାଗ ନେଇଥିବା ଭାରତୀୟ ଦଳର ଅଂଶ ଥିଲେ । ତେବେ ସେଠାରୁ ଫେରିବା ପରେ ଶ୍ରୀଜା UTTରେ ଜୟପୁର ପାଟ୍ରିୟଟସ୍ ଦଳକୁ ପ୍ରତିନିଧିତ୍ବ କରିଥାନ୍ତେ ।
🚨 𝗔𝗡𝗡𝗢𝗨𝗡𝗖𝗘𝗠𝗘𝗡𝗧 🚨
— Ultimate Table Tennis (@UltTableTennis) August 12, 2024
Sreeja Akula who was drafted to the Jaipur Patriots for IndianOil Ultimate Table Tennis 2024 has been ruled out of the league for the forthcoming season.
" 𝗜'𝗺 𝘀𝗼𝗿𝗿𝘆 𝘁𝗼 𝘀𝗵𝗮𝗿𝗲 𝘁𝗵𝗮𝘁 𝗜'𝘃𝗲 𝗯𝗲𝗲𝗻 𝗱𝗶𝗮𝗴𝗻𝗼𝘀𝗲𝗱 𝘄𝗶𝘁𝗵 𝗮… pic.twitter.com/4zdeEzgQJ3
UTT 2024ରୁ ବାଦ ପଡ଼ିଲେ ଶ୍ରୀଜା ଅକୁଲା :-
ଅକୁଲା ଏକ ବିବୃତ୍ତିରେ କହିଛନ୍ତି, "ମୁଁ ଦୁଃଖର ସହ ଜଣାଉଛି ଯେ ମୋର ଷ୍ଟ୍ରେସ ଫ୍ୟାକ୍ଚର ହୋଇଛି ଏବଂ ଡାକ୍ତରଙ୍କ ପରାମର୍ଶ କ୍ରମେ ମୋତେ 6 ସପ୍ତାହ ପର୍ଯ୍ୟନତ ବିଶ୍ରାମ କରିବାକୁ ପଡିବ । ଅର୍ଥାତ ମୁଁ UTT 2024ରେ ପ୍ରତିଦ୍ବନ୍ଦ୍ବିତା କରିବାକୁ ସମର୍ଥ ହେବି ନାହିଁ ।
U19 Youth National Champion and UTT debutant Nithyashree Mani will replace Sreeja Akula for the Jaipur Patriots in #UTT2024. #UTT #UTT2024 #UltimateTableTennis #HarShotMeinMazaa #IndianOilUTT #TableTennis pic.twitter.com/y731r2Pryt
— Ultimate Table Tennis (@UltTableTennis) August 12, 2024
ଶ୍ରୀଜାଙ୍କ ସ୍ଥାନ ନେବେ ନିତ୍ୟାଶ୍ରୀ ମଣି :-
ପ୍ଲେୟାର ଡ୍ରାଫ୍ଟରେ ଶ୍ରୀଜା ଅକୁଲାଙ୍କୁ ଜୟପୁର ପାଟ୍ରିୟଟସ୍ ପ୍ରଥମ ପସନ୍ଦ ଭାବରେ ଚୟନ କରିଥିଲେ । ବର୍ତ୍ତମାନ ସେ ଟୁର୍ଣ୍ଣାମେଣ୍ଟରୁ ବାହାରିବା ପରେ ତାଙ୍କ ସ୍ଥାନରେ ଅଣ୍ଡର-19 ୟୁଥ୍ ନ୍ୟାସନାଲ ଚମ୍ପିଆନ୍ ତଥା UTT ଡେବ୍ୟୁଟାଣ୍ଟ ନିତ୍ୟାଶ୍ରୀ ମଣି ଖେଳିବେ । UTT ଏହାର 'X' ଆକାଉଣ୍ଟ୍ ମାଧ୍ୟମରେ ଏହି ସୂଚନା ଦେଇଛି ।
ପ୍ୟାରିସ ଅଲିମ୍ପିକ୍ସରେ କମାଲ କରିଥିଲେ ଶ୍ରୀଜା ଅକୁଲା :-
26 ବର୍ଷୀୟ ପ୍ୟାଡଲର ଅକୁଲା ପ୍ୟାରିସ୍ ଅଲିମ୍ପିକ୍ସ 2024ରେ ମଧ୍ୟ ଦମଦାର ପ୍ରଦର୍ଶନ କରିଥିଲେ । ପ୍ୟାରିସରେ ଅନୁଷ୍ଠିତ ମହିଳା ଏକକ ଇଭେଣ୍ଟରେ ପ୍ରି-କ୍ବାର୍ଟର ଫାଇନାଲ ଏବଂ ମହିଳା ଯୁଗଳ ବର୍ଗରେ କ୍ବାର୍ଟର ଫାଇନାଲରେ ପ୍ରବେଶ କରିଥିଲେ । ସେ 2022 କମନୱେଲଥ ଗେମ୍ସରେ ସ୍ବର୍ଣ୍ଣ ପଦକ ଏବଂ 2019 ଦକ୍ଷିଣ ଏସୀୟ ଗେମ୍ସରେ ଦ୍ବିତୀୟ ସ୍ବର୍ଣ୍ଣ ପଦକ ଜିତିଥିଲେ ।
Naanga ready thaan, varava Chennaaaiiiiiiiiiiiii 🥳
— Ultimate Table Tennis (@UltTableTennis) August 12, 2024
Get your 🎟️ now on Book My Show. 🔗 In bio.
Watch IndianOil UTT 2024 live on Jio Cinema and Sports18 from August 22.#UTT #UTT2024 #UltimateTableTennis #HarShotMeinMazaa #IndianOilUTT #TableTennis pic.twitter.com/S2ulGpGJNp
ୟୁଟିଟି 2024 ସେଡ୍ୟୁଲ :-
ଅଲ୍ଟିମେଟ୍ ଟେବୁଲ୍ ଟେନିସ୍ 2024ର ଆଗାମୀ ସିଜନ୍ ଅଗଷ୍ଟ 22ରୁ ସେପ୍ଟେମ୍ବର 7 ପର୍ଯ୍ୟନ୍ତ ଚେନ୍ନାଇର ଜବାହରଲାଲ୍ ନେହେରୁ ଇନ୍ଡୋର ଷ୍ଟାଡିୟମରେ ଅନୁଷ୍ଠିତ ହେବ । ପ୍ରଥମ ଥର ପାଇଁ 8ଟି ଟିମରେ 16 ଜଣ ବିଦେଶୀ ଖେଳାଳିଙ୍କ ସମେତ ମୋଟ 48 ଖେଳାଳିଙ୍କ ଅଂଶଗ୍ରହଣ କରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
