ନୂଆଦିଲ୍ଲୀ : ପ୍ୟାରିସ ପାରାଲିମ୍ପିକ୍ସ 2024ରେ ଇତିହାସ ସୃଷ୍ଟି କରିଛନ୍ତି ଭାରତୀୟ ମହିଳା ପାରା ସୁଟର ଅବନୀ ଲେଖରା । ପ୍ୟାରିସ ପାରାଲିମ୍ପିକ୍ସ 2024 ସୁଟିଂରେ ଭାରତ ପାଇଁ ଜିତିଛନ୍ତି ପ୍ରଥମ ସ୍ୱର୍ଣ୍ଣ ପଦକ । ଏହି ଇଭେଣ୍ଟରେ ଭାରତର ମୋନା ଅଗ୍ରୱାଲ ବ୍ରୋଞ୍ଜ ପଦକ ଜିତିଛନ୍ତି । ମହିଳା 10 ମିଟର ଏୟାର ରାଇଫଲ ଷ୍ଟାଣ୍ଡିଂ SH1 ଇଭେଣ୍ଟରେ ଉଭୟ ଭାରତ ପାଇଁ ସ୍ୱର୍ଣ୍ଣ ଏବଂ ବ୍ରୋଞ୍ଜ ପଦକ ଜିତିଛନ୍ତି । ଏହା ବ୍ୟତୀତ ଆଜି ଗୋଟିଏ ଦିନରେ ଭାରତକୁ 4ଟି ପଦକ ମିଳିଛି । ଏଥିରେ ଗୋଟିଏ ଲେଖାଏଁ ସ୍ବର୍ଣ୍ଣ ଓ ରୌପ୍ୟ ସହିତ ଦୁଇଟି ବ୍ରୋଞ୍ଜ ସାମିଲ ଅଛି ।
𝐁𝐑𝐄𝐀𝐊𝐈𝐍𝐆: 𝐆𝐎𝐋𝐃 & 𝐁𝐫𝐨𝐧𝐳𝐞 𝐦𝐞𝐝𝐚𝐥 𝐟𝐨𝐫 𝐈𝐧𝐝𝐢𝐚 𝐢𝐧 𝐒𝐡𝐨𝐨𝐭𝐢𝐧𝐠 𝐚𝐭 𝐏𝐚𝐫𝐢𝐬 𝐏𝐚𝐫𝐚𝐥𝐲𝐦𝐩𝐢𝐜𝐬 🔥🔥🔥
— India_AllSports (@India_AllSports) August 30, 2024
Avani Lekhara wins GOLD & Mona Agarwal wins Bronze medal in 10m Air Rifle Standing SH1 (Shooting). #Paris2024 #Paralympics2024 pic.twitter.com/C897FJPuQS
ଗୋଟିଏ ଇଭେଣ୍ଟରେ ଭାରତକୁ 2ଟି ପଦକ :-
ପ୍ୟାରିସ୍ ପାରାଲିମ୍ପିକ୍ସ 2024ର ଦ୍ବିତୀୟ ଦିନରେ ଅବନୀ ଲେଖରା 249.7 ପଏଣ୍ଟ ସହ ପାରାଲିମ୍ପିକ୍ସ ରେକର୍ଡ ସୃଷ୍ଟି କରି ସ୍ୱର୍ଣ୍ଣ ପଦକ ଜିତିଥିଲେ । ଅନ୍ୟପଟେ ସମାନ ଇଭେଣ୍ଟରେ ମୋନା ଅଗ୍ରୱାଲ 228.7 ପଏଣ୍ଟ ସହ ତୃତୀୟ ସ୍ଥାନ ଅଧିକାର କରି ଭାରତ ପାଇଁ ବ୍ରୋଞ୍ଜ ପଦକ ଜିତିଛନ୍ତି । ଏହି ଇଭେଣ୍ଟରେ କୋରିଆର ଲି ୟୁନ୍ରି ଦ୍ବିତୀୟ ସ୍ଥାନ ଅଧିକାର କରିଥିଲେ । ସେ ନିଜ ଦେଶକୁ ରୌପ୍ୟ ପଦକ ନେବାରେ ସଫଳ ହୋଇଥିଲେ ।
Avani Lekhara - the first ever Indian athlete to successfully defend her Gold Medal at the Paralympics. 🏅pic.twitter.com/zu6PuX9Hf1
— Mufaddal Vohra (@mufaddal_vohra) August 30, 2024
ଇତିହାସ ରଚିଲେ ଅବନି :-
ପାରାଲିମ୍ପିକ୍ସରେ ଏହା ଅବନୀ ଲେଖରାଙ୍କର କ୍ରମାଗତ ଦ୍ୱିତୀୟ ସ୍ୱର୍ଣ୍ଣ ପଦକ ତଥା ତାଙ୍କର ତୃତୀୟ ବ୍ୟକ୍ତିଗତ ପଦକ । ଏହାପୂର୍ବରୁ ସେ ଟୋକିଓ ପାରାଲିମ୍ପିକ୍ସ 2020ରେ ମଧ୍ୟ ସ୍ୱର୍ଣ୍ଣ ପଦକ ଜିତିଥିଲେ । ସେ ଲଗାତାର ଦୁଇଟି ପାରାଲିମ୍ପିକ୍ସରେ ଭାରତ ପାଇଁ ଦୁଇଟି ସ୍ବର୍ଣ୍ଣ ପଦକ ଜିତି ଇତିହାସ ସୃଷ୍ଟି କରିଛନ୍ତି ।
Goosebump Moments!
— Doordarshan Sports (@ddsportschannel) August 30, 2024
India's🇮🇳 National Anthem Playing at Avani Lekhara's Victory Ceremony at Paris 2024 Paralympic Games!#Paris2024 #Cheer4Bharat #Paralympics2024@mansukhmandviya @MIB_India @PIB_India @IndiaSports @Media_SAI @AkashvaniAIR @ParalympicIndia @PCI_IN_Official… pic.twitter.com/TQopka00zZ
ପାରାଲିମ୍ପିକ୍ସରେ ଦୁଇଟି ସ୍ବର୍ଣ୍ଣ ପଦକ ଜିତିଥିବା ଏକମାତ୍ର ଭାରତୀୟ ହୋଇ ଅବନୀ ଇତିହାସ ସୃଷ୍ଟି କରିଛନ୍ତି । 2012ରେ ଏକ କାର ଦୁର୍ଘଟଣା ପରେ ଅବନୀ ଏକ ହ୍ୱିଲ ଚେୟାରକୁ ତାଙ୍କ ସାଥୀ କରିଛନ୍ତି । ତାଙ୍କର ସାହସ ଏବଂ ଶକ୍ତି ସହିତ ସେ 2015ରେ ଜୟପୁର ଶୁଟିଂ ରେଞ୍ଜରେ ପ୍ରଥମ ଥର ପାଇଁ ଖେଳିଥିଲେ ଏବଂ ଚମତ୍କାର ପ୍ରଦର୍ଶନ କରିଥିଲେ ।
Medal Alert🚨
— SAI Media (@Media_SAI) August 30, 2024
3⃣rd🎖️medal for #TeamIndia as Preeti Pal glows in her debut #Paralympics.
Despite stiff competition, Preeti turned up with her personal best performance.
The 23-year-old finished the 100m run within 14.21 seconds and sealed India's second Bronze so far at the… pic.twitter.com/dTzMnNMgGs
ଭାରତକୁ ତୃତୀୟ ମେଡାଲ ଦେଲେ ପ୍ରୀତି ପାଲ :-
ମହିଳା 10 ମିଟର ଏୟାର ରାଇଫଲ ଷ୍ଟାଣ୍ଡିଂ SH1 ଇଭେଣ୍ଟରେ ଭାରତ ଦୁଇ ଦୁଇଟି ମେଡାଲ (ଗୋଟିଏ ଗୋଲ୍ଡ ଓ ଗୋଟିଏ ବ୍ରୋଞ୍ଜ) ପାଇଥିବାବେଳେ ଗୋଟିଏ ଦିନରେ ଭାରତକୁ ତୃତୀୟ ମେଡାଲ ଦେଇଛନ୍ତି ପ୍ରୀତି ପାଲ । ମହିଳା 100 ମିଟର T35ରେ ଭାରତ ପାଇଁ ବ୍ରୋଞ୍ଜ ପଦକ ଜିତିଛନ୍ତି ପ୍ରୀତି । ଭାରତର ପ୍ରୀତି ପାଲ ଶୁକ୍ରବାର ଦିନ ବ୍ୟକ୍ତିଗତ ଶ୍ରେଷ୍ଠ ସମୟ (14.21 ସେକେଣ୍ଡ) ସହ ମହିଳା 100 ମିଟର (T35 - ଆମ୍ବୁଲେଟୋରୀ ଆଥଲେଟ୍) ଇଭେଣ୍ଟରେ ବ୍ରୋଞ୍ଜ ପଦକ ଜିତିଛନ୍ତି ।
𝐍𝐞𝐰𝐬 𝐅𝐥𝐚𝐬𝐡: 𝐌𝐚𝐧𝐢𝐬𝐡 𝐍𝐚𝐫𝐰𝐚𝐥 𝐰𝐢𝐧𝐬 𝐒𝐢𝐥𝐯𝐞𝐫 𝐦𝐞𝐝𝐚𝐥 𝐢𝐧 𝐒𝐡𝐨𝐨𝐭𝐢𝐧𝐠 𝐚𝐭 𝐏𝐚𝐫𝐚𝐥𝐲𝐦𝐩𝐢𝐜𝐬.
— India_AllSports (@India_AllSports) August 30, 2024
Its 4th medal for India so far. #Paralympics2024 #Paris2024 pic.twitter.com/0uikRIPRe3
ପ୍ରଥମ ରୌପ୍ୟ ଜିତିଲେ ମନୀଷ ନରୱାଲ :
ପ୍ୟାରିସ୍ ପାରାଲିମ୍ପିକ୍ସ 2024ରେ ଆଜି ଗୋଟିଏ ଦିନରେ ଭାରତକୁ 4ଟି ମେଡାଲ ମିଳିଛି । ଭାରତ ପାଇଁ ଆଜିର 4ର୍ଥ ତଥା ପ୍ରଥମ ରୌପ୍ୟ ପଦକ ଜିତିଛନ୍ତି ମନୀଷ ନରୱାଲ । ଭାରତୀୟ ପାରା ଶୁଟର ମନୀଷ ନରୱାଲ ପୁରୁଷ 10 ମିଟର ଏୟାର ପିସ୍ତଲ (SH1) ଇଭେଣ୍ଟରେ ମନୀଷ ନରୱାଲ ରୌପ୍ୟ ପଦକ ଜିତିଛନ୍ତି । ସେ ଟୋକିଓ ପାରାଲିମ୍ପିକ୍ସ 2020ରେ ଗୋଲ୍ଡ ମେଡାଲ ହାସଲ କରିଥିଲେ । ଯଦିଓ ସେ ଏଥର ନିଜ ଗୋଲ୍ଡ ମେଡାଲ ବଜାୟ ରଖି ପାରିନାହାନ୍ତି, ତେବେ ତାଙ୍କୁ କେବଳ ରୌପ୍ୟ ପଦକରେ ସନ୍ତୁଷ୍ଟ ହେବାକୁ ପଡ଼ିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
