ପ୍ୟାରିସ (ଫ୍ରାନ୍ସ): ପୁଣି ଆଉ ଏକ ପଦକର ନିକଟତର ମନୁ ଭାକର । ପ୍ୟାରିସ ଅଲିମ୍ପିକ୍ସ 2024ରେ ଏପର୍ଯ୍ୟନ୍ତ ଭାରତକୁ ଦୁଇଟି ପଦକ ଦେଇ ସାରିଥିବା ମନୁ ଭାକର ଏବେ ତୃତୀୟ ପଦକ ଆଡ଼କୁ ଅଗ୍ରସର ହୋଇଛନ୍ତି । 25 ମିଟର ଏୟାର ପିସ୍ତଲ ମହିଳା ଏକକ ବର୍ଗରେ ମନୁ ଭାକର ଫାଇନାଲ୍କୁ ଉନ୍ନୀତ ହୋଇଛନ୍ତି । ଏହି ଇଭେଣ୍ଟରେ ଶୀର୍ଷ 8 ଜଣ ଫାଇନାଲ୍ରେ ପ୍ରବେଶ କରିଥିବାବେଳେ ଦମଦାର ପ୍ରଦର୍ଶନ କରି ମନୁ 2ୟ ସ୍ଥାନରେ ରହି ଫାଇନାଲରେ ପହଞ୍ଚିଛନ୍ତି । ଅନ୍ୟପଟେ ଅନ୍ୟମତ ଭାରତୀୟ ମହିଳା ଶୁଟର ଇଶା ସିଂହ ନୈରାଶ୍ୟଜନକ ପ୍ରଦର୍ଶନ ସହ 18ତମ ସ୍ଥାନରେ ରହି ପରବର୍ତ୍ତୀ ପର୍ଯ୍ୟାୟରୁ ବାଦ ପଡ଼ିଛନ୍ତି ।
25m Women's Rapid Pistol Qualification
— SAI Media (@Media_SAI) August 2, 2024
MANU MASTERCLASS!@realmanubhaker 's fantastic run of form at the #Paris2024Olympics continues with a score of 590 as she finishes 2nd, qualifying for the finals.
Esha Singh finished 18th with a score of 581 and failed to qualify for the… pic.twitter.com/rbCXNAUWdw
ଶନିବାର ଫାଇନାଲ୍ ଖେଳିବେ ମନୁ:-
ମନୁ ଭାକର ଆସନ୍ତାକାଲି (ଶନିବାର) ଦିନ ଗୋଟାଏରେ 25 ମିଟର ଏୟାର ପିସ୍ତଲ ମହିଳା ଏକକ ବର୍ଗରେ ଫାଇନାଲ୍ ମ୍ୟାଚ୍ ଖେଳିବେ । ପ୍ୟାରିସ୍ ଅଲିମ୍ପିକ୍ସ 2024ରେ ପଦକ ଜିତିବା ପାଇଁ ଏହା ମନୁଙ୍କ ପାଖରେ ତୃତୀୟ ସୁଯୋଗ ହେବ । ଏହା ପୂର୍ବରୁ ମହିଳା ବ୍ୟକ୍ତିଗତ 10 ମିଟର ଏୟାର ପିସ୍ତଲ ଇଭେଣ୍ଟ ଓ ମିଶ୍ରିତ 10 ମିଟର ଏୟାର ପିସ୍ତଲ ଇଭେଣ୍ଟରେ ଦେଶ ପାଇଁ ଦୁଇଟି ପଦକ ଜିତି ସାରିଛନ୍ତି ।
ଏମିତି ସୃଷ୍ଟି କରିବେ ଇତିହାସ:-
ଯଦି 25 ମିଟର ଏୟାର ପିସ୍ତଲ ମହିଳା ଏକକ ବର୍ଗରେ ମନୁ ଭାକର କୌମସି ମେଡାଲ ଜିତୁଚନ୍ତି, ତେବେ ଗୋଟିଏ ଅଲିମ୍ପିକ୍ସ ସଂସ୍କରଣରେ ଶୁଟିଂରେ ସେ 3ଟି ପଦକ ଜିତିବାରେ ପ୍ରଥମ ଭାରତୀୟ ଶୁଟର ହେବେ । ଏହାପୂର୍ବରୁ ସେ ଭାରତ ପାଇଁ ଦୁଇଟି ବ୍ରୋଞ୍ଜ ପଦକ ମଧ୍ୟ ଜିତି ସାରିଛନ୍ତି । ସେ ମହିଳା ବ୍ୟକ୍ତିଗତ 10 ମିଟର ଏୟାର ପିସ୍ତଲ ଇଭେଣ୍ଟରେ ତୃତୀୟ ସ୍ଥାନ ଅଧିକାର କରି ବ୍ରୋଞ୍ଜ ପଦକ ଜିତିଥିଲେ । ଏହା ସହିତ ସେ ମିଶ୍ରିତ 10 ମିଟର ଏୟାର ପିସ୍ତଲ ଇଭେଣ୍ଟରେ ସରବଜୋତ ସିଂହଙ୍କ ସହିତ ମଧ୍ୟ ଦେଶକୁ ଦ୍ବିତୀୟ ବ୍ରୋଞ୍ଜ ପଦକ ଭେଟି ଦେଇଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
