ନୂଆଦିଲ୍ଲୀ: ପ୍ୟାରିସ୍ ଅଲିମ୍ପିକ୍ସ 2024ରୁ ରେସଲର ଭିନେଶ ଫୋଗତଙ୍କୁ ଅଯୋଗ୍ୟ ଘୋଷଣା କରାଯିବାକୁ ନେଇ ସାରା ଦେଶ ସ୍ତବ୍ଧ । ପ୍ରଧାନମନ୍ତ୍ରୀ ମୋଦିଙ୍କ ସମେତ ରାଷ୍ଟ୍ରପତି, ବିଭିନ୍ନ କେନ୍ଦ୍ରମନ୍ତ୍ରୀ ଓ ସାଂସଦ ମାନେ ଏହାକୁ ନେଇ ବିଭିନ୍ନ ପୋଷ୍ଟ କରୁଛନ୍ତି । ତେବେ ଏହା ପଛରେ କୌଣସି ଷଡ଼ଯନ୍ତ୍ର ଥିବା ସନ୍ଦେହ କରିଛନ୍ତି ବିରୋଧୀ । ଆମ୍ ଆଦମୀ ପାର୍ଟି ସହିତ ବିରୋଧୀ ଦଳ ଗୁଡ଼ିକ ଏଭଳି ପ୍ରସଙ୍ଗ ଉଠାଇଛନ୍ତି । ଏପରିକି ଫୋଗତଙ୍କର ଏକ ଟ୍ବିଟ୍ ଏବେ ଭାଇରାଲ ହେବାରେ ଲାଗିଛି, ଯେଉଁଥିରେ ସେ ତାଙ୍କ ବିରୋଧରେ ଷଡ଼ଯନ୍ତ୍ର ରଚାଯାଇପାରେ ବୋଲି ଲେଖିଥିଲେ । ଆପ୍ର ଜାତୀୟ ମୁଖପାତ୍ର ରୀନା ଗୁପ୍ତା କହିଛନ୍ତି ଯେ ପାଣି ପିଇଦେଲେ ମଧ୍ୟ 100 ଗ୍ରାମ ଓଜନ ବଢ଼ିଯାଇପାରେ । ତାଙ୍କ ବିରୋଧରେ ଷଡଯନ୍ତ୍ର ହୋଇପାରେ ବୋଲି ଫୋଗତ ନିଜେ କହିଥିଲେ । କାରଣ ତାଙ୍କ ସହ ଯାଇଥିବା ଦଳରେ ବ୍ରିଜ ଭୂଷଣ ଶରଣ ସିଂହଙ୍କ ଦ୍ବାରା ମନୋନୀତ ବ୍ୟକ୍ତି ମଧ୍ୟ ଅଛନ୍ତି । ଖେଳାଳିଙ୍କ ପ୍ରତ୍ୟେକ ମାନର ଯତ୍ନ ନେବା ଦଳର ସମ୍ପୂର୍ଣ୍ଣ ଦାୟିତ୍ବ । ଯଦି କେହି ଚାହାଁନ୍ତି ଯେ ଭାରତ ଅଲିମ୍ପିକ୍ସରେ ପଦକ ନଜିତୁ, ତେବେ ଏହାର ମଧ୍ୟ ତଦନ୍ତ କରାଯିବା ଉଚିତ୍ ।
विनेश फोगाट ने पहले ही जताई थी साज़िश की आशंका❗️
— AAP (@AamAadmiParty) August 7, 2024
🔷 विनेश फोगाट ने ओलंपिक खेलने जाने से पहले भी ऐसी साज़िश की आशंका जताई थी
🔷 विनेश ने कहा था कि मेरे साथ की पूरी टीम बृजभूषण शरण सिंह के द्वारा चुनी गई है और यह कहीं कुछ ऐसा ना मिला दे, जिससे कुछ गड़बड़ हो जाए
हमें हार नहीं… pic.twitter.com/2VBwPYJw02
ଷଡ଼ଯନ୍ତ୍ର ବାରିଲା ଆପ୍ :-
AAP ଜାତୀୟ ମୁଖପାତ୍ର ରୀନା ଗୁପ୍ତା କହିଛନ୍ତି, "ଦେଶର ଝିଅ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ଜିତିବାକୁ ସାରା ଦେଶ ଅପେକ୍ଷା କରିଥିଲା । କିନ୍ତୁ ଭିନେଶଙ୍କୁ 100 ଗ୍ରାମ ଅଧିକ ଓଜନ ହେବାରୁ ଅଲିମ୍ପିକ୍ସରୁ ଅଯୋଗ୍ୟ ଘୋଷିତ କରାଯାଇଛି । ଭିନେଶ ଫୋଗତ ସେହି ଜାପାନୀ ଖେଳାଳିଙ୍କୁ ପରାସ୍ତ କରିଥିଲେ, ଯାହାକୁ କେହି ମଧ୍ୟ ପରାସ୍ତ କରିପାରିନଥିଲେ, ଲଗାତାର ଚାରିଥର ବିଶ୍ବ ଚମ୍ପିଆନ ହୋଇଥିଲେ । ଯେତେବେଳେ ଭିନେଶ ଫୋଗତ ସେହି ଜାପାନୀ ଖେଳାଳିଙ୍କୁ ପରାସ୍ତ କଲେ, ସାରା ଦେଶରେ ଖୁସିର ଲହରୀ ଖେଳିଗଲା । ଯଦି କେହି ପାଣି ବୋତଲେ ପିଇଦିଏ କିମ୍ବା କିଛି ଖାଇଦିଏ, ତା’ର ଓଜନ ମଧ୍ୟ 100 ଗ୍ରାମ ବଢ଼ିଥାଏ । ଅନେକ ଖେଳାଳି କହିଛନ୍ତି ଯେ ଖେଳାଳିମାନେ ଗୋଟିଏ ରାତିରେ ତିନିରୁ ଚାରି କିଲୋ ଓଜନ ହ୍ରାସ କରନ୍ତି । ଏଭଳି ପରିସ୍ଥିତିରେ, 100 ଗ୍ରାମ ଓଜନ ବୃଦ୍ଧି ହେତୁ ଫୋଗତ କିପରି ଅଯୋଗ୍ୟ ହୋଇଯାଉଛନ୍ତି, ତାହା ହେଉଛି ବଡ଼ ପ୍ରଶ୍ନ ।"
मैं खेल मंत्री से अपील करती हूं कि विनेश फोगाट को न्याय दिलाने के लिए International Olympic Committee के सामने आवाज़ उठाएं।
— AAP (@AamAadmiParty) August 7, 2024
इसके साथ ही कमिटी को साफ़ कर दिया जाए कि अगर हमारी बेटी विनेश को न्याय नहीं मिला तो भारत ओलंपिक का बहिष्कार करेगा।
-@Reena_Guptaa pic.twitter.com/BP0aIXn4yl
କିଏ ଚାହୁଁଛି ଭାରତ ଗୋଲ୍ଡ ମେଡାଲ ନଜିତୁ ? :-
ରୀନା କହିଛନ୍ତି, "ପ୍ୟାରିସ ଅଲିମ୍ପିକ୍ସରୁ ଭିନେଶ ଫୋଗତଙ୍କୁ ଅଯୋଗ୍ୟ ଘୋଷଣା ପଛରେ ଏକ ଷଡଯନ୍ତ୍ର ଥିବା ଅନୁଭବ ହେଉଛି । କିଛି ବିଦେଶୀ ଲୋକ ଥାଇପାରନ୍ତି, ଯେଉଁମାନେ ଭାରତ ଅଲିମ୍ପିକ୍ସରେ ସ୍ବର୍ଣ୍ଣ ପଦକ ୱଜିତୁ ବୋଲି ଚାହୁଁଛନ୍ତି । ଏହା ମଧ୍ୟ ସମ୍ଭବ ଯେ ଭିନେଶ ଫୋଗତଙ୍କ ସହ ଯେଉଁ ସହଯୋଗୀ ଦଳ ଥିଲା, ସେମାନେ ସହଯୋଗ କରିନାହାନ୍ତି । ରେସଲରଙ୍କ ଓଜନ ଉପରେ ବାରମ୍ବାର ନଜର ରଖାଯାଏ । କମନୱେଲଥ ଗେମ୍ସର ତିନି ତିନିଥର ଅଭିଜ୍ଞତା ଥିବା ଫୋଗତଙ୍କ ସହ ଏହା କିପରି ସମ୍ଭବ ହେଲା ?"
'ଭିନେଶଙ୍କ ପ୍ରଶିକ୍ଷକ ଓ ଅନ୍ୟ ଷ୍ଟାଫ ବ୍ରିଜଭୂଷଣଙ୍କ ଦ୍ବାରା ହୋଇଥିଲେ ଚୟନ' :-
ରୀନା ଗୁପ୍ତାଙ୍କ କହିବା କଥା ହେଲା, "ରେସଲର ଭିନେଶ ଫୋଗତ ନିଜେ ମଧ୍ୟ ଯିବା ପୂର୍ବରୁ ସନ୍ଦେହ କରିଥିଲେ । ମୋ ବିରୋଧରେ କୌଣସି ଷଡଯନ୍ତ୍ର ନହେଉ ବୋଲି ଫୋଗତ କହିଥିଲେ । ଆମେ ଭୁଲିଯିବା ଉଚିତ ନୁହେଁ ଯେ, ଏ ହେଉଛନ୍ତି ସେହି ରେସଲର, ଯିଏ ଭାରତୀୟ ଜନତା ପାର୍ଟି ନେତା ବ୍ରିଜ ଭୂଷଣ ଶରଣ ସିଂଙ୍କ ବିରୋଧରେ ଯୌନ ଶୋଷଣ ଅଭିଯୋଗ ଆଣିଥିଲେ । ସେ ହେଉଛନ୍ତି ସେହି ଭିନେଶ ଫୋଗତ, ଯିଏ କି ମହିଳା ରେସଲରମାନଙ୍କ ପାଇଁ ନ୍ୟାୟ ପାଇବା ପାଇଁ ଜନ୍ତର ମନ୍ତରରେ ବିରୋଧ ପ୍ରଦର୍ଶନ କରିଥିଲେ । ତା’ପରେ ମୋଦି ସରକାର କୁସ୍ତିଯୋଦ୍ଧାଙ୍କୁ ସେଠାରୁ ଗୋଡ଼ାଇ ଗୋଡ଼ାଇ ଲାଠିମାଡ଼ କରିଥିଲା ।
140 करोड़ देशवासी आज स्तब्ध हैं।
— Congress (@INCIndia) August 7, 2024
भारतीय खेल इतिहास के लिए यह 'ब्लैक डे' है। देश की बेटी के खिलाफ बहुत बड़ी नफरती साजिश है।
पहले मोदी जी के चहेते बृजभूषण सिंह ने उसे प्रताड़ित किया, इसके बाद दिल्ली की सड़कों पर 140 दिन तक संघर्ष करने के बाद उसे पुलिस से घसिटवाया गया।
इसके बाद… pic.twitter.com/FRbe3vJ7Cp
କଂଗ୍ରେସ ବି ଉଠାଇଲା ଷଡ଼ଯନ୍ତ୍ର ଅଭିଯୋଗ :-
କଂଗ୍ରେସ ସାଂସଦ ରଣଦୀପ ସିଂ ସୂର୍ଜେୱାଲା କହିଛନ୍ତି, "ଆଜି 140 କୋଟି ଦେଶବାସୀ ସ୍ତବ୍ଧ । ଭାରତୀୟ କ୍ରୀଡ଼ା ଇତିହାସ ପାଇଁ ଏହା ଏକ 'କଳା ଦିବସ' । ଦେଶର ଝିଅ ବିରୋଧରେ ଏକ ବିରାଟ ଘୃଣ୍ୟ ଷଡଯନ୍ତ୍ର ହୋଇଛି । ପ୍ରଥମେ ମୋଦି ଜୀଙ୍କର ପ୍ରିୟ ବ୍ରିଜ ଭୂଷଣ ସିଂହ ତାଙ୍କୁ ନିର୍ଯାତନା ଦେଇଥିଲେ, ପରେ ଦିଲ୍ଲୀ ରାସ୍ତାରେ 140 ଦିନ ସଂଘର୍ଷ କରିବା ପରେ ତାଙ୍କୁ ପୋଲିସ ଘୋଷାଡ଼ି ନେଇଥିଲା । ଏହାପରେ ମଧ୍ୟ ସେହି ଝିଅ ଅଲିମ୍ପିକ୍ସରେ ତ୍ରିରଙ୍ଗା ଉଡ଼ାଇଥିଲେ । କିନ୍ତୁ ବର୍ତ୍ତମାନ ଏକ ଷଡଯନ୍ତ୍ର ରଚି ତାଙ୍କୁ ଅଯୋଗ୍ୟ ଘୋଷିତ କରିଦିଆଗଲା । କିଏ ଭିନେଶ ଫୋଗତଙ୍କ ବିଜୟ ହଜମ କରିପାରିଲା ନାହିଁ ? ଦେଶର ଝିଅକୁ ପଛରୁ କିଏ ଛୁରୀ ମାରିଲା ? କ୍ଷମତାର ଅପବ୍ୟବହାର କିଏ କରିଛି ? ଏହି ଷଡଯନ୍ତ୍ର କାହାକୁ ବଞ୍ଚାଇବାକୁ ହୋଇଛି ?"
विनेश फोगाट को 100g वजन अधिक होने की वजह से #Olympics से बाहर किए जाने पर भारतीय ओलंपिक संघ ने अंतर्राष्ट्रीय कुश्ती संघ से कड़ा विरोध दर्ज कराया है।
— Dr Mansukh Mandaviya (@mansukhmandviya) August 7, 2024
माननीय प्रधानमंत्री श्री @narendramodi जी ने भारतीय ओलंपिक संघ की अध्यक्ष पी टी उषा जी से बात कर उचित कार्यवाही के लिए कहा है pic.twitter.com/mkeTL6GZxW
ଅଲିମ୍ପିକ୍ କମିଟି ଅଧ୍ୟକ୍ଷାଙ୍କ ସହ କଥା ହେଲେ ପ୍ରଧାନମନ୍ତ୍ରୀ ମୋଦି :-
ସଂସଦରେ କେନ୍ଦ୍ର କ୍ରୀଡ଼ା ଓ ଯୁବ ବ୍ୟାପାର ମନ୍ତ୍ରୀ ମନସୁଖ ମାଣ୍ଡଭୀୟଙ୍କ ସୂଚନା ଏନୁଯାୟୀ, ପ୍ରଧାନମନ୍ତ୍ରୀ ମୋଦ ଏହି ବିଷୟରେ ଭାରତୀୟ ଅଲିମ୍ପିକ୍ସ ଆସୋସିଏସନ୍ (IOA)ରୁ ପ୍ରତ୍ୟକ୍ଷ ସୂଚନା ମାଗିଛନ୍ତି । ଏହି ସମସ୍ୟାର ସମାଧାନ ପାଇଁ ସମସ୍ତ ସମ୍ଭାବ୍ୟ ବିକଳ୍ପ ଖୋଜିବାକୁ ମଧ୍ୟ ମୋଦି ନିର୍ଦ୍ଦେଶ ଦେଇଛନ୍ତି । ସୂତ୍ରରୁ ପ୍ରକାଶ, ଯଦି ଭିନେଶଙ୍କୁ କିଛି ସହଯୋଗ ମିଳିପାରିବ, ତେବେ ବିରୋଧ ପ୍ରଦର୍ଶନ କରିବାକୁ ମଧ୍ୟ ପ୍ରଧାନମନ୍ତ୍ରୀ ଭାରତୀୟ ଅଲିମ୍ପିକ୍ସ ଆସୋସିଏସନ ଅଧ୍ୟକ୍ଷା ପିଟି ଉଷାଙ୍କୁ ଅନୁରୋଧ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
