ପ୍ୟାରିସ (ଫ୍ରାନ୍ସ): ପ୍ୟାରିସ ଅଲିମ୍ପିକ୍ସରେ ଭାରତକୁ ମିଳିଲା ପ୍ରଥମ ରୌପ୍ୟ । ଦେଶକୁ ରୌପ୍ୟ ଭେଟି ଦେଲେ ଜାଭେଲିନ ଫିଙ୍ଗାଳୀ ନୀରଜ ଚୋପ୍ରା । ପୁରୁଷ ଜାଭେଲିନରେ 89.45 ମିଟର ଜାଭେଲିନ ଫିଙ୍ଗି ଦ୍ବିତୀୟ ସ୍ଥାନରେ ରହିବା ସହ ସିଲଭର ମେଡାଲ ଜିତିଛନ୍ତି ନୀରଜ । କ୍ରମାଗତ ଦ୍ବିତୀୟ ଥର ଅଲିମ୍ପିକ୍ସରେ ପଦକ ଜିତି ଇତିହାସ ରଚିଛନ୍ତି ନୀରଜ । ଟୋକିଓରେ ଜିତିଥିଲେ ସ୍ବର୍ଣ୍ଣ ।
#Silver🥈it is for Neeraj✔️ Adds another🎖️to his #Olympic collection!@Neeraj_chopra1 gets Silver at the #ParisOlympics2024 with a best throw of 89.45m.
— SAI Media (@Media_SAI) August 8, 2024
He becomes the second Indian after Norman Pritchard (1900) to win two medals in track & field.
The GOAT gave it his all to… pic.twitter.com/Ak6NqjdvW4
ନୀରଜଙ୍କୁ ମୋଦିଙ୍କ ଶୁଭେଚ୍ଛା: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ବିଟ କରି ଅଲିମ୍ପିକ୍ସ ରୌପ୍ୟ ବିଜେତା ନୀରଜଙ୍କୁ ଶୁଭେଚ୍ଛା ଜଣାଇଛନ୍ତି । ଏକ୍ସରେ ମୋଦି ଲେଖିଛନ୍ତି, "ନୀରଜ ଚୋପ୍ରା ଉତ୍କର୍ଷ ବ୍ୟକ୍ତିତ୍ୱ! ବହୁବାର ସେ ତାଙ୍କର ପ୍ରତିଭା ଦେଖାଇଛନ୍ତି । ସେ ଅଲିମ୍ପିକ୍ସରେ ଆଉ ଏକ ସଫଳତା ପାଇଥିବାରୁ ପୁରା ଭାରତ ଖୁସି । ସିଲଭର ଜିତିଥିବାରୁ ତାଙ୍କୁ ଅଭିନନ୍ଦନ । ନୀରଜ ଆମର ଯୁବ ଆଥଲେଟଙ୍କ ସ୍ୱପ୍ନକୁ ସାକାର କରିବା ଏବଂ ଆମ ଦେଶକୁ ଗର୍ବିତ କରିବା ପାଇଁ ଉତ୍ସାହିତ କରିବା ଜାରି ରଖିବେ ।"
Neeraj Chopra is excellence personified! Time and again he’s shown his brilliance. India is elated that he comes back with yet another Olympic success. Congratulations to him on winning the Silver. He will continue to motivate countless upcoming athletes to pursue their dreams… pic.twitter.com/XIjfeDDSeb
— Narendra Modi (@narendramodi) August 8, 2024
ଭାରତକୁ ପଛରେ ପକାଇଲା ପାକିସ୍ତାନ: ପୁରୁଷ ଜାଭେନିଲରେ ଭାରତକୁ ପଛରେ ପକାଇ ସ୍ବର୍ଣ୍ଣ ନେଇଯାଇଛି ପାକିସ୍ତାନ । ପାକିସ୍ତାନର ଅର୍ଶଦ ନଦୀମ 92.97 ମିଟର ଜାଭେଲିନ ଥ୍ରୋ କରି ପ୍ରଥମ ସ୍ଥାନରେ ରହିଥିଲେ । ଏହା ତାଙ୍କ କ୍ୟାରିୟରର ସର୍ବଶ୍ରେଷ୍ଠ ପ୍ରଦର୍ଶନ ରହିଥିଲା । ପ୍ରଥମ ରାଉଣ୍ଡରେ ସେ ଏହି ଥ୍ରୋ କରିଥିବା ବେଳେ ନୀରଜ ଏହାକୁ ଅତିକ୍ରମ କରିବାରେ ସଫଳ ହୋଇନପାରି ଦ୍ବିତୀୟ ସ୍ଥାନରେ ରହିଥିଲେ । ଫଳରେ ଭାରତକୁ ରୌପ୍ୟରେ ସନ୍ତୁଷ୍ଟ ହେବାକୁ ପଡିଥିଲା ।
ସ୍ବର୍ଣ୍ଣ ଜିତିବାର ସ୍ବପ୍ନ ଚୂରମାର: ପ୍ୟାରିସ ଅଲିମ୍ପିକ୍ସରେ ସ୍ବର୍ଣ୍ଣ ପଦକର ପ୍ରମୁଖ ଦାବିଦାର ଥିଲେ ନୀରଜ ଚୋପ୍ରା । ଯୋଗ୍ୟତା ପର୍ଯ୍ୟାୟରେ ମଧ୍ୟ ପ୍ରଥମ ସ୍ଥାନରେ ରହିଥିଲେ । ଚଳିତ ଅଲିମ୍ପିକ୍ସରେ ବର୍ତ୍ତମାନ ସୁଦ୍ଧା ଭାରତକୁ ସ୍ବର୍ଣ୍ଣ ପଦକ ମିଳିନଥିବା ବେଳେ 140 କୋଟି ଭାରତୀୟଙ୍କ ଆଶା ଥିଲା ନୀରଜ ନିଶ୍ଚିନ୍ତ ଦେଶକୁ ସୁନାର ପଦକ ଭେଟି ଦେବେ । କିନ୍ତୁ ନୀରଜ ଜାଭେଲିନ ଥ୍ରୋ ଫାଇନାଲର ଦ୍ବିତୀୟ ସ୍ଥାନରେ ରହିବା ପରେ ଭାରତର ସ୍ବର୍ଣ୍ଣ ଜିତିବାର ସ୍ବପ୍ନ ଚୂରମାର ହୋଇଯାଇଛି । ଭାରତ ଠାରୁ ଆଗରେ ରହି ପାକିସ୍ତାନ ନେଇଯାଇଛି ଗୋଲ୍ଡ ମେଡାଲ ।
ଏମିତି ଥିଲା ନୀରଜଙ୍କ ପ୍ରଦର୍ଶନ: ନୀରଜ ଅଷ୍ଟମ ପ୍ରତିଯୋଗୀ ଭାବେ ମଇଦାନକୁ ଓହ୍ଲାଇଥିଲେ । ଚାପରେ ରହି ଖେଳ ପ୍ରଦର୍ଶନ କରୁଥିବା ମନେ ହେଉଥିଲା । ଫଳରେ ତାଙ୍କର 6ଟି ପ୍ରୟାସ ମଧ୍ୟରୁ 5ଟି ଫାଓଲ ହୋଇଥିଲା । ପ୍ରଥମ ପୟାସ ଫାଓଲ ହୋଇଥିବା ବେଳେ ଦ୍ବିତୀୟ ପ୍ରୟାସରେ 89.45 ମିଟର ଜାଭେଲିନ ଥ୍ରୋ କରିଥିଲେ । ଏହାପରେ ଅନ୍ୟ 4ଟି ମଧ୍ୟ ଫାଓଲ ହୋଇଥିଲା । ନୀରଜଙ୍କ ପୂର୍ବରୁ ପାକିସ୍ତାନର ଅର୍ଶଦ ନଦୀମ ପ୍ରଥମ ପ୍ରାୟସରେ 92.97 ମିଟର ଜାଭେଲିନ ଫିଙ୍ଗିଥିଲେ । ଏହାକୁ ଅତିକ୍ରମ କରିବାକୁ ନୀରଜ ଶତ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ । ଗ୍ରେନାଡାର ଆଣ୍ଡରସନ ପିଟର୍ସ 88.54 ମିଟର ଜାଭେଲିନ ଥ୍ରୋ କରି ବ୍ରୋଞ୍ଜ ପଦକ ଜିତିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
