ପ୍ୟାରିସ (ଫ୍ରାନ୍ସ): ଭାରତର ଷ୍ଟାର ସଟ୍ଲର ଲକ୍ଷ୍ୟ ସେନ୍ ପ୍ୟାରିସ୍ ଅଲିମ୍ପିକ୍ସରେ ନିଜର ଅଭିଯାନ ଦମଦାର ବିଜୟରୁ ଆରମ୍ଭ କରିଛନ୍ତି । ଶନିବାର ଖେଳାଯାଇଥିବା ବ୍ୟାଡମିଣ୍ଟନ ପୁରୁଷ ସିଙ୍ଗଲ୍ସର ଗ୍ରୁପ୍ ପର୍ଯ୍ୟାୟ ମ୍ୟାଚ୍ରେ ଲକ୍ଷ୍ୟ ସେନ୍ ଗୁଆଟେମାଲା ଖେଳାଳି କର୍ଡନ୍ କେଭିନ୍ଙ୍କୁ ମାତ୍ ଦେଇଛନ୍ତି । ପ୍ରଥମ ସେଟ୍ 21-8ରେ ସହଜରେ ଜିତିବା ପରେ ସେନ୍ ଦ୍ବିତୀୟ ସେଟ୍ରେ କଡ଼ା ସଂଘର୍ଷର ସମ୍ମୁଖୀନ ହୋଇଥିଲେ । କିନ୍ତୁ, ଶେଷରେ ସେନ୍ ଦ୍ବିତୀୟ ସେଟ୍ରେ 22-20 ସ୍କୋରରେ ମ୍ୟାଚ୍ ଜିତିଥିଲେ ।
Badminton: Lakshya Sen kicks off his Paris Olympics campaign with a hard-fought win .
— India_AllSports (@India_AllSports) July 27, 2024
Lakshya beat Tokyo semi-finalist Kevin Gordon 21-8, 22-20 in his opening Group stage encounter. #Badminton #Paris2024 #Paris2024withIAS pic.twitter.com/KfH35kJdmx
ପ୍ରଥମ ସେଟ୍ରେ ଲକ୍ଷ୍ୟଙ୍କ ସହଜ ବିଜୟ:-
ପ୍ୟାରିସରେ ପଦକ ଦୌଡ଼ରେ ଥିବା 22 ବର୍ଷୀୟ ଭାରତୀୟ ବ୍ୟାଡ୍ମିଣ୍ଟନ ଖେଳାଳି ଲକ୍ଷ୍ୟ ସେନ୍ ଗ୍ରୁପ ପର୍ଯ୍ୟାୟ ମ୍ୟାଚ୍ର ପ୍ରଥମ ସେଟ୍ରେ ଦମଦାର ଆରମ୍ଭ କରିଥିଲେ । ପ୍ରଥମ ସେଟରେ ପ୍ରତିପକ୍ଷ ଗୁଆଟେମାଲା ଖେଳାଳି 37 ବର୍ଷୀୟ କର୍ଡନ୍ କେଭିନ୍ଙ୍କୁ କୌଣସି ସୁଯୋଗ ଦେଇନଥିଲେ । ସେନ୍ ଚମତ୍କାର ପ୍ରଦର୍ଶନ କରିବା ସହିତ ପ୍ରଥମ ସେଟ୍ର ମିଡ୍ବ୍ରେକ୍ ସହିତ 11-3 ଅଗ୍ରଣୀ ନେଇଥିଲେ । ଏହାପରେ ମଧ୍ୟ ସେ ଚମତ୍କାର ପ୍ରଦର୍ଶନ ଜାରି ରଖିଥିଲେ ଏବଂ 21-8 ସ୍କୋରରେ ପ୍ରଥମ ସେଟ୍ ଜିତିଥିଲେ ।
ଦ୍ବିତୀୟ ସେଟ୍ରେ ମିଳିଲା କଡ଼ା ଟକ୍କର:-
ପ୍ରଥମ ସେଟ୍ ହାରିବା ପରେ ଦ୍ବିତୀୟ ସେଟ୍ରେ ଚମତ୍କାର ପ୍ରତ୍ୟାବର୍ତ୍ତନ କରିଥିଲେ ଗୁଆଟେମାଲା ଖେଳାଳି କର୍ଡନ୍ କେଭିନ୍ । ସେ ପ୍ରଥମରୁ ହିଁ ଭାରତୀୟ ସେନ୍ଙ୍କଠାରୁ 6-2 ଅଗ୍ରଣୀ ନେଇଥିଲେ । ଲକ୍ଷ୍ୟ ସେନ୍ ଏହି ସେଟ୍ରେ ଅନେକ ତ୍ରୁଟି କରିଥିଲେ ଏବଂ ସଟଲ୍ରେ ଅନେକ ଥର ନେଟ୍କୁ ମାରିଥିଲେ । ତେବେ ଏହି ସେଟ୍ରେ କେଭିନ ମିଡ୍ବ୍ରେକ୍ ପର୍ଯ୍ୟନ୍ତ ସେନ୍ଙ୍କୁ 11-6 ସ୍କୋର ସହ ପଛରେ ପକାଇ ଏକ ଦୃଢ଼ ପ୍ରତ୍ୟାବର୍ତ୍ତନ କରିଥିଲେ । ହେଲେ ମିଡ୍ବ୍ରେକ୍ ପରେ ଚମତ୍କାର ପ୍ରତ୍ୟାବର୍ତ୍ତନ କରିଥିଲେ ଲକ୍ଷ୍ୟ ସେନ୍ । ସେ ଯଦିଓ ଗୁଆଟେମାଲା ଖେଳାଳି କଡ଼ା ଟକ୍କର ଦେବା ଜାରି ରଖିଥିଲେ, ସେନ୍ ମଧ୍ୟ ନିଜ ଲକ୍ଷ୍ୟରେ ଭୁଲ କରିନଥିଲେ । ଶେଷରେ କର୍ଡନ କେଭିନଙ୍କୁ 22-20 ସ୍କୋର ସହ ମାତ୍ ଦେଇ ଦ୍ବିତୀୟ ସେଟ୍ ଜିତିଥିଲେ ଭାରତୀୟ ସଟ୍ଲର ।
ଏହା ମଧ୍ୟ ପଢ଼ନ୍ତୁ...ମେଡାଲ ଅଭିମୁଖେ ମନୁ ଭାକର; ହାର ମାନିଲେ ସାଙ୍ଗୱାନ - Paris Olympics 2024
ବ୍ୟୁରୋ ରିପୋର୍ଟ, ଇଟିଭି ଭାରତ
