ପ୍ୟାରିସ (ଫ୍ରାନ୍ସ) : ଗତ ତିନି ସପ୍ତାହ ଧରି ଚାଲିଥିବା କ୍ରୀଡ଼ା ମହାକୁମ୍ଭ ଶେଷ ହୋଇଛି । ପ୍ୟାରିସ୍ ଅଲିମ୍ପିକ୍ସ 2024 ଷ୍ଟେଡ୍ ଡି ଫ୍ରାନ୍ସରେ ଏକ ବିଶାଳ ସମାରୋହ ସହିତ ସମାପ୍ତ ହେବାକୁ ଯାଉଛି । ସେନ୍ ନଦୀ କୂଳରେ ଆୟୋଜିତ ଉଦଘାଟନୀ ସମାରୋହ ପରି, ଉଦ୍ଯାପନୀ ସମାରୋହ ମଧ୍ୟ ଏକ ପାରମ୍ପାରିକ କାର୍ଯ୍ୟକ୍ରମ ହେବ । ଯେଉଁଥିରେ ପ୍ରାୟ 80,000 ଦର୍ଶକ ଏକତ୍ରିତ ହେବେ । ତେବେ ଆପଣ ଘରେ ବସି କିପରି ଏବଂ କେତେବେଳେ ଏହି ଭବ୍ୟ ଉଦ୍ଯାପନୀ ସମାରୋହ ଦେଖିପାରିବେ, ଏଠାରେ ନଜର ପକାନ୍ତୁ...
It is an honour and privilege to be named as India's flagbearer for the Closing Ceremony of the Paris Olympics. Leading the outstanding Indian contingent with the tricolour in my hands with millions around the world watching is a truly humbling opportunity and one that I will… pic.twitter.com/tQ49SSDTk1
— Manu Bhaker🇮🇳 (@realmanubhaker) August 5, 2024
ମନୁ-ଶ୍ରୀଜେଶ ହେବେ ଭାରତୀୟ ଧ୍ବଜା ବାହକ :-
ଏହି ଉଦ୍ଯାପନୀ ସମାରୋହ ପାଇଁ ଭାରତ ପକ୍ଷରୁ ମନୁ ଭାକର ଏବଂ ପିଆର୍ ଶ୍ରୀଜେଶ ଦୁଇ ଧ୍ବଜା ବାହକ ହେବା ନେଇ ଘୋଷଣା ହୋଇଛି । ପ୍ୟାରିସ ଅଲିମ୍ପିକ୍ସ 2024ରେ ଶୁଟିଂରେ ମନୁ 2ଟି ବ୍ରୋଞ୍ଜ ପଦକ ଜିତି ଇତିହାସ ରଚିଥିଲେ । ପ୍ରଥମେ 10 ମିଟର ଏୟାର ପିସ୍ତଲ ମହିଳା ଏକକ ବର୍ଗରେ ମନୁ ବ୍ରୋଞ୍ଜ ମେଡାଲ ଜିତି ଦେଶକୁ ପ୍ୟାରିସରୁ ପ୍ରଥମ ପଦକ ଆଣିଥିଲେ । ଏହାପରେ ସରବଜୋତ ସିଂହଙ୍କ ସହ ମିଶି 10 ମିଟର ଏୟାର ପିସ୍ତଲ ମିଶ୍ରିତ ବର୍ଗରେ ମଧ୍ୟ ମନୁ କ୍ରମାଗତ ଦ୍ବିତୀୟ ମେଡାଲ ଜିତିଥିଲେ । ଅନ୍ୟପଟେ ବିଶ୍ବର ଅନ୍ୟତମ ଶ୍ରେଷ୍ଠ ହକି ଗୋଲକିପର ପିଆର୍ ଶ୍ରୀଜେଶ ଭାରତୀୟ ହକି ଦଳକୁ ବ୍ରୋଞ୍ଜ ପଦକ ଜିତାଇବାରେ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲେ । ସ୍ପେନ୍ ବିପକ୍ଷ କାଂସ୍ୟ ପଦକ ମ୍ୟାଚ୍ରେ ଭାରତ 2-1 ଗୋଲରେ ମ୍ୟାଚ୍ ଜିତିଥିଲା । ଏଥିରେ ଶ୍ରୀଜେଶ ମହତ୍ବପୂର୍ଣ୍ଣ ଭୂମିକା ନିଭାଇଥିଲେ । ଏହା ପୂର୍ବରୁ କ୍ବାର୍ଟର ଫାଇନାଲ୍ରେ ଗ୍ରେଟ ବ୍ରିଟେନ ବିପକ୍ଷ ମ୍ୟାଚ୍ରେ ମଧ୍ୟ ଶ୍ରୀଜେଶ ବେଶ ପ୍ରଭାବୀ ପ୍ରଦର୍ଶନ କରିଥିଲେ ।
Phoenix and Air are set to perform at the closing ceremony of the 2024 Paris Olympics on Sunday → https://t.co/VWMLoaaNgv pic.twitter.com/ScLzLQTYw0
— CONSEQUENCE (@consequence) August 6, 2024
ଉଦ୍ଯାପନୀ ସମାରୋହରେ କଣ ହେବ ସ୍ପେଶାଲ ? :-
ପ୍ୟାରିସ ଅଲିମ୍ପିକ୍ସ ଉଦ୍ଘାଟନୀ ସମାରୋହରୁ ଜଳୁଥିବା ଅଲିମ୍ପିକ୍ ମଶାଲ ଏହି ଉଦ୍ଯାପନୀ ସମାରୋହରେ ଲିଭାଇ ଦିଆଯିବ । ଅଲିମ୍ପିକ୍ ପତାକା ପରବର୍ତ୍ତୀ ଗେମ୍ସରେ ବ୍ୟବହାର ପାଇଁ ଲସ୍ ଆଞ୍ଜେଲସ୍ 2028 ଆୟୋଜକ କମିଟିକୁ ହସ୍ତାନ୍ତର କରାଯିବ । ସେହିଭଳି ଉଦ୍ଯାପନୀ ସମାରୋହରେ ଫ୍ରାନ୍ସର ପ୍ରକ୍ଷାତ ଥିଏଟର ନିର୍ଦ୍ଦେଶକ ଥୋମାସ୍ ଜୋଲି ଫରାସୀ ଏବଂ ଆମେରିକୀୟ ସଂସ୍କୃତି ପ୍ରଦର୍ଶନ କରିବେ । ପ୍ୟାରିସ୍ ଗେମ୍ସର ଉଦ୍ଯାପନୀ ସମାରୋହରେ ଏରିଆଲ୍ ପ୍ରଦର୍ଶନ, କିଛି ଚମତ୍କାର ଲେଜର ଲାଇଟ୍ ଶୋ' ଏବଂ ଲୋକପ୍ରିୟ ସେଲିବ୍ରିଟି ମଧ୍ୟ ଉପସ୍ଥିତ ରହିବେ ।
Tom Cruise's Jaw-Dropping Stunt at Paris Olympics Closing Ceremony: The Torch is Passed to Los Angeles 2028!
— Slavie 🇺🇦🇨🇦🇺🇸 (@Yarochenko) August 8, 2024
Hey everyone! Get ready for an unforgettable spectacle at the Paris Olympics Closing Ceremony on August 11th! The legendary Tom Cruise is set to perform an epic stunt… pic.twitter.com/yYqmsiNtUk
ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହକୁ ନେଇ କିଛି ଗୁରୁତ୍ବପୂର୍ଣ୍ଣ ସୂଚନା :-
- ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ କେବେ ଆୟୋଜିତ ହେବ ?
ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ ଭାରତୀୟ ସମୟାନୁସାରେ 12 ଅଗଷ୍ଟ (11 ଅଗଷ୍ଟ ରାତି 12:30)ରେ ଆୟୋଜିତ ହେବ । - ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ କେଉଁଠାରେ ଆୟୋଜିତ ହେବ ?
ଷ୍ଟେଡ୍ ଡି ଫ୍ରାନ୍ସରେ ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ ଅନୁଷ୍ଠିତ ହେବ । - ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ କେତେବେଳେ ଆରମ୍ଭ ହେବ ?
ଭାରତୀୟ ସମୟ ଅନୁସାରେ ଏହି ଭବ୍ୟ ସମାରୋହ 11 ଅଗଷ୍ଟ ରାତି 12:30ରେ ଆରମ୍ଭ ହେବ । - ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ ପ୍ରସାରଣ କେଉଁଠାରେ ହେବ ?
ଏହି ସମାରୋହର ପ୍ରସାରଣ Sports18 1 SD ଏବଂ Sports18 1 HD ଟିଭି ଚ୍ୟାନେଲରେ କରାଯିବ । - ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ ଲାଇଭ ଷ୍ଟ୍ରିମିଂ କେମିତି ଦେଖିବେ ?
ପ୍ୟାରିସ ଅଲିମ୍ପିକ୍ସ 2024 ଉଦ୍ଯାପନୀ ସମାରୋହ ଲାଇଭ ଷ୍ଟ୍ରିମିଂ ଦେଖିବାକୁ ଚାହିଁଲେ ଆପଣ ଜିଓ ସିନେମା ଆପ୍ କିମ୍ବା ୱେବସାଇଟ୍କୁ ଯିବାକୁ ହେବ ।Indian medallists Manu Bhaker and PR Sreejesh to lead the 🇮🇳 contingent at the closing ceremony of #Paris2024 tonight! 🤩 pic.twitter.com/3mhArRaXjy
— Olympic Khel (@OlympicKhel) August 11, 2024
ବ୍ୟୁରୋ ରିପୋର୍ଟ, ଇଟିଭି ଭାରତ
