ପ୍ୟାରିସ: ଭାରତ ପାଇଁ ଆଉ ଏକ ପଦକ ଆଶା ଉଜ୍ଜୀବିତ । ବକ୍ସିଂରେ ଦମଦାର ପ୍ରଦର୍ଶନ କରି କ୍ବାଟର ଫାଇନାଲକୁ ପ୍ରବେଶ କରିଛନ୍ତି ବକ୍ସର ନିଶାନ୍ତ ଦେବ। ପୁରୁଷ 71 କିଲୋଗ୍ରାମ ରାଉଣ୍ଡ ଅଫ୍ 16 ଇଭେଣ୍ଟରେ ଚମତ୍କାର ପ୍ରଦର୍ଶନ କରି କ୍ବାଟର ଫାଇନାଲକୁ ଉନ୍ନିତ ହୋଇଛନ୍ତି । 3-2ରେ ନିଶାନ୍ତ ଇକ୍ବେଡରର ଜୋସ ଗାବ୍ରିଏଲ ରୋଡ୍ରିଗୁଏଜ ଟେନୋରିଏଙ୍କୁ ପରାସ୍ତ କରିଥିଲେ । ପ୍ରଥମ ଦୁଇଟି ରାଉଣ୍ଡରେ ନିଶାନ୍ତ ଆକ୍ରମଣାତ୍ମକ ଖେଳ ଖେଳିଥିଲେ ।
Result Update: Men’s #Boxing🥊 71kg, Round of 16👇🏻@nishantdevjr does it💪🏻😎
— SAI Media (@Media_SAI) July 31, 2024
The 23-year-old boxer defeats Ecuador’s Jose Gabriel Rodriguez Tenorio with a powerful performance as he wins 3-2 by split decision.
Nishant will now head over to the QF😍
Make your predictions… pic.twitter.com/a2obb1FahQ
ନିଶାନ୍ତ ଦେବଙ୍କ ପଦର୍ଶନ: ପ୍ରଥମ ରାଉଣ୍ଡରେ ନିଶାନ୍ତ ଆକ୍ରମଣ ଆରମ୍ଭ କରିଥିଲେ । ତାଙ୍କ ପ୍ରତିପକ୍ଷଙ୍କ ଉପରେ ଆଟାକ୍ କରି 1-0ରେ ଆଗୁଆ ରହିଥିଲେ । ଦ୍ବିତୀୟ ରାଉଣ୍ଡରେ ମଧ୍ୟ ଆକ୍ରମଣାତ୍ମକ ଖେଳ ଜାରି ରଖି 2-0ରେ ଆଗୁଆ ରହିଥିଲେ । ତୃତୀୟ ରାଉଣ୍ଡରେ ଜୋସ ଗାବ୍ରିଏଲ ରୋଡ୍ରିଗୁଏଜ ଟେନୋରିଏ ପ୍ରତ୍ୟାବର୍ତ୍ତନ କରିଥିଲେ ମଧ୍ୟ ସେ ପରାଜିତ ହୋଇଥିଲେ । ଉପସ୍ଥିତ 4 ଜଣ ବିଚାରପତି ନିଶାନ୍ତଙ୍କୁ ପ୍ରଥମ ଦୁଇ ରାଉଣ୍ଡରେ 10 ପଏଣ୍ଟ ଲେଖାଏଁ ଦେଇଥିଲେ । ପରେ 3-1ରେ ନିଶାନ୍ତ ବିଜୟୀ ହୋଇ କ୍ବାଟର ଫାଇନାଲକୁ ପ୍ରବେଶ କରିଥିଲେ ।
ଏହା ମଧ୍ୟ ପଢନ୍ତୁ-ବକ୍ସିଂରେ ଭାରତର ଏକତରଫା ବିଜୟ; କ୍ବାର୍ଟର ଫାଇନାଲ୍ରେ ଲୋଭଲିନା - Paris Olympics 2024
କ୍ବାର୍ଟର ଫାଇନାଲ୍ରେ ଲୋଭଲିନା: ସେହିପରି ମହିଳା 75 କିଲୋଗ୍ରାମ ଓଜନ ବର୍ଗର ରାଉଣ୍ଡ ଅଫ୍ 16 ମ୍ୟାଚ୍ରେ ଭାରତର ଷ୍ଟାର ବକ୍ସର ଲୋଭଲିନା ବୋର୍ଗୋହେନ ବିଜୟୀ ହୋଇଛନ୍ତି । ସେ ନରୱେର ସନ୍ନିଭା ହୋଫଷ୍ଟେଡଙ୍କୁ ହରାଇ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି । ଏହି ମ୍ୟାଚ୍କୁ ଏକତରଫା ଭାବେ ଜିତି ନେଇଥିଲେ ଲୋଭଲିନା । ସେ ପ୍ରତିପକ୍ଷ ନରୱେ ବକ୍ସରଙ୍କୁ 5-0ରେ ମାତ୍ ଦେଇଥିଲେ ।
ନିରାଶ କଲେ ମନିକା ବାତ୍ରା: ମହିଳା ଟେବୁଲ ଟେନିସ ସିଙ୍ଗଲ୍ସ ପ୍ରତିଯୋଗିତାରେ ନିରାଶ କରିଛନ୍ତି ମନିକା । ପ୍ରି କ୍ବାର୍ଟରରେ 1-4ରରେ ଜାପାନର ମିଫ ହିରାନୋଙ୍କ ଠାରୁ ପରାସ୍ତ ହୋଇ ଅଲିମ୍ପିକ୍ସ ଅଭିଯାନ ଶେଷ କରିଛନ୍ତି । ପ୍ରଥମ ଭାରତୀୟ ଟେବୁଲ ଟେନିସ ଖେଳାଳି ଭାବେ ସେ ଟପ୍ 16ରେ ଏଣ୍ଟ୍ରି କରିଥିଲେ ସେ ।
