ନୂଆଦିଲ୍ଲୀ: ଆଜି 78 ତମ ସ୍ବାଧୀନତା ଦିବସ । ଗୁରୁବାର ଅଗଷ୍ଟ 15 ଅବସରରେ ବଡ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । 2036 ଅଲିମ୍ପିକ୍ସ ଆୟୋଜନ ଭାରତରେ ହେବା ନେଇ ବଡ ଘୋଷଣା କରିଛନ୍ତି ମୋଦି । ଭାରତ ଆଗାମୀ ଦିନରେ ଅଲିମ୍ପିକ୍ସ ଆୟୋଜନ ପାଇଁ ପ୍ରସ୍ତୁତି ଜୋରଦାର ଚଳାଇଛି । ଲାଲକିଲ୍ଲାରୁ ଦେଶବାସୀଙ୍କୁ ସମ୍ବୋଧନ ସମୟରେ ମୋଦି କହିଥିଲେ କି, ବିଶ୍ବର ସବୁଠୁ ବଡ କ୍ରୀଡା ମହାକୁମ୍ଭ ଅଲିମ୍ପିକ୍ସ ଆୟୋଜନ ତୟାରୀ କରୁଛି ଭାରତ । ତେବେ ସୂଚନା ଥାଉକି , ଭାରତ ଆଜିଯାଏଁ ଅଲିମ୍ପିକ୍ସ ଆୟୋଜନ କରିନାହିଁ । ମୋଦି ଏହି ଅବସରରେ କହିଥିଲେ କି, 2036ରେ ଭାରତରେ ହିଁ ଅଲିମ୍ପିକ୍ସ ଆୟୋଜନ ପାଇଁ ସମସ୍ତ ପ୍ରସ୍ତୁତି ଚାଲିଛି । ବିଶ୍ବସ୍ତରୀୟ କ୍ରୀଡା ଭିତ୍ତିଭୂମି ନିର୍ମାଣ ଜାରି ରହିଛି ।
Addressing the nation on Independence Day. https://t.co/KamX6DiI4Y
— Narendra Modi (@narendramodi) August 15, 2024
2036 ଅଲିମ୍ପିକ୍ସ ଆୟୋଜନ ଭାରତର ସ୍ବପ୍ନ-
ମୋଦି କହିଛନ୍ତି, "ଭାରତ ଜି-20 ଶିଖର ସମ୍ମିଳନୀ ଆୟୋଜନ ସଫଳତା ପୂର୍ବକ କରିସାରିଛି । ଏହା ଦ୍ବାରା ସମଗ୍ର ବିଶ୍ବକୁ ବଡ ସନ୍ଦେଶ ଯାଇଛି କି ଭାରତ ଯେକୌଣସି ବିଶ୍ବସ୍ତରୀୟ ଆୟୋଜନ କରିବା କ୍ଷମତା ରଖୁଛି । ତେବେ 2036 ଅଲିମ୍ପିକ୍ସ ଆୟୋଜନ ଭାରତର ସ୍ବପ୍ନ ଏବଂ ଏଥିପାଇଁ ଦେଶରେ ତୟାରୀ ଆରମ୍ଭ ହୋଇସାରିିଛି ।" ତେବେ ଭାରତ 2030 ୟୁଥ୍ ଅଲିମ୍ପିକ୍ସ ଆୟୋଜନ ପାଇଁ ବିଡ୍ ରଖିବ ବୋଲି ସୂଚନା ରହିଛି । ଏପଟେ ପ୍ୟାରିସ ଅଲିମ୍ପିକ୍ସରେ ଭାଗ ନେଇଥିବା ସମସ୍ତ ଖେଳାଳି ଆଜି ଲାଲକିଲା ପରେଡରେ ସାମିଲ ହୋଇଥିଲେ ।
#WATCH | PM Narendra Modi says, " today, we also have with us the youth who made the indian flag fly high in #Olympics. On behalf of 140 crore countrymen, I congratulate all our athletes and players...In the next few days, a huge contingent of India will leave for Paris to… pic.twitter.com/g9jcsip1Fk
— ANI (@ANI) August 15, 2024
ଭାରତୀୟ ଖେଳାଳିଙ୍କ ପ୍ରଂଶସା କଲେ ମୋଦି-
ସ୍ବାଧୀନତା ଦିବସରେ ଦେଶବାସୀଙ୍କୁ ସମ୍ବୋଧନ ସମୟରେ ମୋଦି କହିଥିଲେ କି, ସଦ୍ୟତମ ସମାପ୍ତ ପ୍ୟାରିସ ଅଲିମ୍ପିକ୍ସ 2024ରେ ଭାରତୀୟ ଖେଳାଳି ପଦକ ଜିତି ଦେଶବାସୀଙ୍କୁ ଗୌରବାନ୍ବିତ କରିଛନ୍ତି । ଏହି ସମୟରେ ମୋଦି ମଧ୍ୟ ଆଗାମୀ କିଛି ଦିନ ମଧ୍ୟରେ ପ୍ୟାରିସ ପାରା ଅଲିମ୍ପିକ୍ସରେ ସାମିଲ ହେବାକୁ ଥିବା ଭାରତୀୟ ଦଳଙ୍କୁ ଶୁଭେଚ୍ଛା ଜଣାଇଥିଲେ । ଏହି ସମୟରେ ସମସ୍ତ ଖେଳାଳି ଯେଉଁମାନେ ଅଲିମ୍ପିକ୍ସ ଖେଳି ଭାରତ ଫେରିଛନ୍ତି ସମସ୍ତେ ଲାଲକିଲାରେ ଉପସ୍ଥିତ ଥିଲେ ।
PM Narendra Modi said, " it's a dream to host the 2036 olympics in india". 🇮🇳 pic.twitter.com/ByiNl8o4Aq
— Mufaddal Vohra (@mufaddal_vohra) August 15, 2024
ଏହି ସମୟରେ ମୋଦି କହିଛନ୍ତି କି, "ଆଜି ଆମ ମାନଙ୍କ ମଧ୍ୟରେ ସେମାନେ ସାମିଲ ଅଛନ୍ତି ଯେଉଁମାନେ ଅଲିମ୍ପିକ୍ସରେ ଦେଶର ନାଁକୁ ବିଶ୍ବରେ ପରିଚିତ କରିଛନ୍ତି । ମୁଁ 140 କୋଟି ଦେଶବାସୀଙ୍କ ତରଫରୁ ସମସ୍ତଙ୍କୁ ଶୁଭେଚ୍ଛା ଜଣାଉଛି । ଆଗାମୀ କିଛି ଦିନ ମଧ୍ୟରେ ଭାରତର ପାରାଅଲିମ୍ପିକ୍ସ ଟିମ୍ ପ୍ୟାରିସ ଯାତ୍ରା କରିବେ । ମୁଁ ସମସ୍ତ ଖେଳାଳଙ୍କୁ ଶୁଭକାମନା ଜଣାଉଛି ।"
ଭାରତକୁ ସମର୍ଥନ କରିଛନ୍ତି ଫ୍ରାନ୍ସ ରାଷ୍ଟ୍ରପତି-
ଫ୍ରାନ୍ସ ରାଷ୍ଟ୍ରପତି ଇମାନୁଏଲ୍ ମାକ୍ରମ ନିକଟରେ ଭାରତକୁ ଅଲିମ୍ପିକ୍ସ ଆୟୋଜନ ପାଇଁ ସମର୍ଥନ କରିଥିଲେ । ସେ କହିଥିଲେ କି ମୋର ଭାରତର କ୍ଷମତା ଉପରେ ସନ୍ଦେହ ନାହିଁ । ଭାରତ ଏହିବଶ୍ବସ୍ତରୀୟ କ୍ରୀଡା ମହାକୁମ୍ଭ ଆୟୋଜନ ପାଇଁ ପ୍ରସ୍ତୁତି ଚଳାଇଛି । ମୁଁ ଭାରତକୁ 2036 ଅଲିମ୍ପିକ୍ସ ଆୟୋଜନ ପାଇଁ ସମର୍ଥନ କରୁଛି ।
