ନୂଆଦିଲ୍ଲୀ : ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଏକ ଭିଡିଓ ସୋସିଆଲ ମିଡିଆରେ ବିଜୁଳି ବେଗରେ ଭାଇରାଲ ହେବାରେ ଲାଗିଛି । ଏହି ଭିଡିଓରେ ଧୋନି ଭାରତୀୟ କ୍ରିକେଟ୍ ଦଳର ଷ୍ଟାର ବ୍ୟାଟର ବିରାଟ କୋହଲିଙ୍କ ସହ ତାଙ୍କ ସମ୍ପର୍କ ବିଷୟରେ କହୁଥିବା ଦେଖିବାକୁ ମିଳିଛି । ଏହି ଭିଡିଓରେ ବିରାଟ କୋହଲିଙ୍କୁ ତାଙ୍କର ବନ୍ଧୁ ବୋଲି କହିନାହାନ୍ତି ଏମଏସ ଧୋନି ।
MS Dhoni talking about the bond with Virat Kohli. 🫂❤️
— Mufaddal Vohra (@mufaddal_vohra) August 31, 2024
- The Mahirat duo! 🌟 pic.twitter.com/uOYuSXrZD2
ଧୋନି ଓ କୋହଲିଙ୍କ ମଧ୍ୟରେ କଣ ସମ୍ପର୍କ ? :-
ଏକ ଇଭେଣ୍ଟରେ ବିରାଟ କୋହଲିଙ୍କ ସହ ତାଙ୍କ ସମ୍ପର୍କ ବିଷୟରେ ଏମଏସ ଧୋନିଙ୍କୁ ପଚରାଯାଇଥିଲା । ତା’ପରେ ଧୋନି ଉତ୍ତର ଦେଲେ, "ଆମେ 2008-09 ଠାରୁ ଏକାଠି ଖେଳିଛୁ । ଆମ ଦୁହିଁଙ୍କ ମଧ୍ୟରେ ବୟସରେ ବଡ଼ ପାର୍ଥକ୍ୟ ଅଛି, କିନ୍ତୁ ମୁଁ ତାଙ୍କ ବଡ ଭାଇ ପରି । କିମ୍ବା ଆପଣ ଏହି ସମ୍ପର୍କକୁ ଯାହା ବି ନାଁ ଦେଇପାରନ୍ତି । ଆମେ ଦୀର୍ଘ ଦିନ ଧରି ଭାରତ ପାଇଁ ଖେଳିଥିବା ସହକର୍ମୀ । ବିଶ୍ୱ କ୍ରିକେଟର ଶ୍ରେଷ୍ଠ ଖେଳାଳିଙ୍କ ମଧ୍ୟରୁ ଜଣେ ହେଉଛନ୍ତି କୋହଲି ।"
ଧୋନୀଙ୍କ ପରେ କୋହଲି ହୋଇଥିଲେ ଭାରତର ଅଧିନାୟକ :-
ବାସ୍ତବରେ, ଯେତେବେଳେ ଧୋନି ଟିମ୍ ଇଣ୍ଡିଆର ଅଧିନାୟକତ୍ୱ ଛାଡିଥିଲେ, ସେତେବେଳେ ବିରାଟ କୋହଲିଙ୍କୁ ଅଧିନାୟକ କରାଯାଇଥିଲା ।ଯେତେବେଳେ ବିରାଟ କୋହଲିଙ୍କ କ୍ୟାରିୟରରେ ଅନେକ ଉତ୍ଥାନ-ପତନ ଘଟିଥିଲା, ଏହି ଅବଧିରେ କେବଳ ଧୋନି ତାଙ୍କ ସହ କଥା ହୋଇ ତାଙ୍କୁ ସହାନୁଭୂତି ଦେଖାଇଥିବା ନିଜେ କୋହଲି ସ୍ବୀକାର କରିଥିଲେ ।
ବିରାଟ କୋହଲି ଟି20 ବିଶ୍ବକପ 2024 ଫାଇନାଲରେ ଭାରତ ପାଇଁ ଗୁରୁତ୍ୱପୂର୍ଣ୍ଣ ଇନିଂସ୍ ଖେଳି ଦଳର 11 ବର୍ଷର ଅପେକ୍ଷାର ଅନ୍ତ ଘଟାଇ ଆଇସିସି ଟ୍ରଫି ଜିତାଇବାରେ ସାହାଯ୍ୟ କରିଥିଲେ । ଏହାପରେ ବିରାଟ ଶ୍ରୀଲଙ୍କା ବିପକ୍ଷ ଦିନିକିଆ ସିରିଜରେ ଆଖିଦୃଶିଆ ପ୍ରଦର୍ଶନ କରିପାରି ନଥିଲେ । ଏବେ ସେ 19 ସେପ୍ଟେମ୍ବରରୁ ବାଂଲାଦେଶ ବିପକ୍ଷ ଟେଷ୍ଟ ସିରିଜରେ ପୁଣି ଆକ୍ସନକୁ ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
