ନୂଆଦିଲ୍ଲୀ : ରୋହିତ ଶର୍ମା ଏବଂ ପୂର୍ବତନ ଅଧିନାୟକ ଏମଏସ୍ ଧୋନିଙ୍କ ମଧ୍ୟରେ ଟିମ୍ ଇଣ୍ଡିଆର ଶ୍ରେଷ୍ଠ ଅଧିନାୟକ କିଏ ବୋଲି ଅନେକ ଥର ଆଲୋଚନା ହୋଇଛି । ନିକଟରେ ଯୁବ ଅଲରାଉଣ୍ଡର ଶିବମ ଦୁବେଙ୍କୁ ମଧ୍ୟ ସମାନ ପ୍ରଶ୍ନର ସାମ୍ନା କରିବାକୁ ପଡିଥିଲା । ଯେତେବେଳେ ରୋହିତଙ୍କ ସହ ଏକ କମେଡି ଶୋ'ରେ ଭାଗ ନେଇଥିବା ଦୁବେଙ୍କୁ ପଚରାଗଲା ଯେ ତୁମକୁ ଅଧିନାୟକ ଭାବେ କିଏ ପସନ୍ଦ, ଦୁବେ ଚତୁରତାର ସହ ଏହି ପ୍ରଶ୍ନର ଉତ୍ତର ଦେଇଥିଲେ ।
KAPIL : Shivam, Which Captain you like the most ? Rohit or MS Dhoni ?
— 𝐒𝐞𝐧𝐩𝐚𝐢🥂 (@Oyye_Senpai) October 5, 2024
ROHIT : fass gaya ye ab 😂pic.twitter.com/fnUZm5pvUB
ଦୁବେଙ୍କ ପସନ୍ଦର ଅଧିନାୟକ କିଏ ? :-
କପିଲ ଶର୍ମାଙ୍କ କମେଡି ଶୋ'ରେ ଯେତେବେଳେ ଶିବମ ଦୁବେଙ୍କୁ ପଚରାଯାଇଥିଲା, ଆପଣ ଆଇପିଏଲରେ ଧୋନିଙ୍କ ଅଧିନାୟକତ୍ୱ ଏବଂ ଟିମ୍ ଇଣ୍ଡିଆରେ ରୋହିତଙ୍କ ଅଧିନାୟକତ୍ୱରେ ଖେଳିଛନ୍ତି । ଏହି ଦୁଇ ଜଣଙ୍କ ମଧ୍ୟରୁ କିଏ ଆପଣଙ୍କର ଅଧିକ ପସନ୍ଦ ? ଦୁବେ ଏହି ପ୍ରଶ୍ନର ଚତୁରତାର ସହ ଉତ୍ତର ଦେଇଥିଲେ । ସେ ଉତ୍ତର ଦେଇଛନ୍ତି, "ଯେତେବେଳେ ମୁଁ ଚେନ୍ନାଇ ପାଇଁ ଖେଳୁଛି, ସେତେବେଳେ ଧୋନି ଶ୍ରେଷ୍ଠ, ଯେତେବେଳେ ମୁଁ ଟିମ୍ ଇଣ୍ଡିଆ ପାଇଁ ଖେଳୁଛି, ସେତେବେଳେ ରୋହିତ ଶ୍ରେଷ୍ଠ ।" ରୋହିତ ମଧ୍ୟ ଦୁବେଙ୍କ ଏଭଳି ଚତୁରତାକୁ ପ୍ରଥମେ ପ୍ରଶଂସା କରି ପୁଣି ଥଟ୍ଟା କରିଥିଲେ । ରୋହିତ କହିଛନ୍ତି, ଚମତ୍କାର ! ଏହି ଶୋ’ର ଦୁଇ ତିନି ଦିନ ପୂର୍ବରୁ ତୁମେ ଏହିପରି ପ୍ରଶ୍ନର ଉତ୍ତର ଦେବାକୁ ଅଭ୍ୟାସ କରି ଆସିଥିଲ କି ?"
ଟିମ୍ ଇଣ୍ଡିଆରୁ ବାଦ ପଡ଼ିଛନ୍ତି ଦୁବେ :-
ପ୍ରକାଶ ଥାଉ, ବାଂଲାଦେଶ ସହ ଟି20 ସିରିଜ ପାଇଁ ଭାରତୀୟ ଦଳରେ ଚୟନ ହୋଇଥିବା ଦୁବେ ପିଠି ଯନ୍ତ୍ରଣା ହେତୁ ଦଳରୁ ବାଦ ପଡ଼ିଛନ୍ତି । ତାଙ୍କୁ ତିନି ମ୍ୟାଚ୍ ବିଶିଷ୍ଟ ଟି20 ସିରିଜରୁ ବାଦ୍ ଦିଆଯାଇ ତାଙ୍କ ସ୍ଥାନରେ ତିଳକ ବର୍ମାଙ୍କୁ ଚୟନ କରାଯାଇଛି । ଟି20 ବିଶ୍ବକପ୍ 2024 ବିଜୟୀ ଦଳର ସଦସ୍ୟ ଥିଲେ ଶିବମ ଦୁବେ । ସେ ଆଇପିଏଲ୍ରେ ଏମ୍ଏସ୍ ଧୋନିଙ୍କ ଚେନ୍ନାଇ ସୁପର କିଙ୍ଗସ୍ (ସିଏସ୍କେ) ପାଇଁ ଖେଳୁଛନ୍ତି ।
ଏହା ମଧ୍ୟ ପଢ଼ନ୍ତୁ :-
- Watch: ଟାଟୁ କରି 5 ଛକା ଦେଖାଇଲେ ରିଙ୍କୁ ସିଂ; BCCI ସେୟାର କଲା ଭିଡିଓ - Rinku Singh new Tattoo
- କୋହଲିଙ୍କ ଟିମ୍ର ନୂଆ ଅଧିନାୟକ ହେବେ ରୋହିତ ! RCBକୁ ପୂର୍ବତନ କ୍ରିକେଟରଙ୍କ ଉପଦେଶ - IPL 2025
ବ୍ୟୁରୋ ରିପୋର୍ଟ, ଇଟିଭି ଭାରତ
