ହାଇଦ୍ରାବାଦ : ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଗଭର୍ଣ୍ଣିଂ କାଉନ୍ସିଲ ଶନିବାର ରାତିରେ 2025-27 ଋତୁ ପାଇଁ ଆଇପିଏଲ୍ ପ୍ଲେୟାର ନିୟମାବଳୀ ଘୋଷଣା କରିଛି । ବିସିସିଆଇ ସଚିବ ଜୟ ଶାହଙ୍କ ଦ୍ବାରା ଜାରି ଏକ ମିଡିଆ ବିବୃତ୍ତି ଅନୁଯାୟୀ, ଆଇପିଏଲ୍ ଫ୍ରାଞ୍ଚାଇଜ୍ ସେମାନଙ୍କ ଦଳରେ ସର୍ବାଧିକ 6 ଖେଳାଳିଙ୍କୁ ରିଟେନ କରିପାରିବେ ବା ରାଇଟ୍-ଟୁ-ମ୍ୟାଚ୍ (RTM) ବିକଳ୍ପ ବ୍ୟବହାର କରିପାରିବେ । ଏହା ବ୍ୟତୀତ ଅନ୍ୟ କେତେକ ନିୟମର ମଧ୍ୟ ଘୋଷଣା କରାଯାଇଛି । ହେଲେ 'ଇମ୍ପାକ୍ଟ ପ୍ଲେୟର ରୁଲ'ରେ କିନ୍ତୁ କୌଣସି ପରିବର୍ତ୍ତନ ହୋଇନାହିଁ ।
NEWS 🚨 - IPL Governing Council announces TATA IPL Player Regulations 2025-27.
— IndianPremierLeague (@IPL) September 28, 2024
READ - https://t.co/3XIu1RaYns #TATAIPL pic.twitter.com/XUFkjKqWed
ଫ୍ରାଞ୍ଚାଇଜଙ୍କ ପାଇଁ ବଜେଟ 120 କୋଟି :-
ରିଟେନସନ ଓ ଆରଟିଏମ୍ରେ ମାଧ୍ୟମରେ ଯେଉଁ 6 ଜଣ ଖେଳାଳିଙ୍କୁ ରଖିବାକୁ ଫ୍ରାଞ୍ଚାଇଜ ଚାହିଁବେ, ସେଥିରେ ସର୍ବାଧିକ 5 ଜଣ କ୍ୟାପଡ୍ ଖେଳାଳୀ (ଭାରତୀୟ ଏବଂ ବିଦେଶୀ) ଏବଂ ସର୍ବାଧିକ ଦୁଇଜଣ ଅନକ୍ୟାପଡ୍ ଖେଳାଳି ରହିପାରିବେ । ବିବୃତ୍ତି ଅନୁଯାୟୀ, ଆଇପିଏଲ୍ 2025 ପାଇଁ ଫ୍ରାଞ୍ଚାଇଜ୍ ଗୁଡ଼ିକ ପାଇଁ ନିଲାମ ରାଶି 120 କୋଟି ଟଙ୍କା ଧାର୍ଯ୍ୟ କରାଯାଇଛି । ବିବୃତ୍ତିରେ କୁହାଯାଇଛି, ଫ୍ରାଞ୍ଚାଇଜର ମୋଟ ଦରମା ସୀମାରେ ବର୍ତ୍ତମାନ ନିଲାମ ରାଶି, ବର୍ଦ୍ଧିତ କାର୍ଯ୍ୟଦକ୍ଷତା ଏବଂ ମ୍ୟାଚ୍ ଫି' ଅନ୍ତର୍ଭୂକ୍ତ ହେବ ।
ଏହାପୂର୍ବରୁ 2024ରେ ମୋଟ ଦରମା ସୀମା (ନିଲାମ ରାଶି + ବର୍ଦ୍ଧିତ କାର୍ଯ୍ୟଦକ୍ଷତା ଦେୟ) 110 କୋଟି ଥିଲା, ଯାହା ବର୍ତ୍ତମାନ (2025)ରେ 146 କୋଟି, 2026ରେ 151 କୋଟି ଏବଂ 2027ରେ 157 କୋଟି ଟଙ୍କା ହେବ ।
INDIAN PLAYERS TO DETERMINE FOREIGNERS SALARY IN THE IPL. 🤯
— Mufaddal Vohra (@mufaddal_vohra) September 29, 2024
- If the highest bid for an Indian player in 2025 auction is 16cr, then no foreign player can receive more than 16cr in the 2026 auction.
- Similarly, if any Indian goes for over 18cr in this auction, the maximum a…
ଭାରତୀୟ ଖେଳାଳିଙ୍କୁ ମିଳିବ ଆଇପିଏଲ୍ ମ୍ୟାଚ୍ ଫି' :-
ଆଇପିଏଲ୍ ଇତିହାସରେ ପ୍ରଥମ ଥର ପାଇଁ ମ୍ୟାଚ୍ ଫି' ବ୍ୟବସ୍ଥା ଲାଗୁ କରାଯାଇଛି । ପ୍ରତ୍ୟେକ ଖେଳାଳି (ଇମ୍ପାକ୍ଟ ପ୍ଲେୟାରଙ୍କ ସହିତ) ପ୍ରତି ମ୍ୟାଚ୍ ପାଇଁ 7.5 ଲକ୍ଷ ଟଙ୍କା ମ୍ୟାଚ୍ ଫି' ପାଇବେ । ଏହା ସେମାନଙ୍କ ଚୁକ୍ତିଭିତ୍ତିକ ରାଶି ବାଦ ଅତିରିକ୍ତ ଭାବେ ମିଳିବ । ବିବୃତ୍ତିରେ ଏହା ମଧ୍ୟ କୁହାଯାଇଛି ଯେ, କୌଣସି ବିଦେଶୀ ଖେଳାଳିଙ୍କୁ 'ବଡ ନିଲାମ' ପାଇଁ ପଞ୍ଜିକରଣ କରିବାକୁ ପଡିବ ।
A new addition to use RTM card. (Cricbuzz). pic.twitter.com/erICqHilIX
— Mufaddal Vohra (@mufaddal_vohra) September 29, 2024
ଅକ୍ସନ ପରେ ନାଁ ଫେରାଇ ନେଲେ 2 ବର୍ଷ ବ୍ୟାନ :-
ଆଇପିଏଲର ନୂତନ ନିୟମ ଅନୁଯାୟୀ, ଯଦି ବିଦେଶୀ ଖେଳାଳି ଅକ୍ସନ ପାଇଁ ନିଜ ନାଁ ପଞ୍ଜିକୃତ ନକରନ୍ତି, ତେବେ ସେ ଆସନ୍ତା ବର୍ଷର ନିଲାମରେ ପଞ୍ଜୀକରଣ ପାଇଁ ମଧ୍ୟ ଅଯୋଗ୍ୟ ହେବେ । ଏହା ବ୍ୟତୀତ ଯେକୌଣସି ବିଦେଶୀ ଖେଳାଳି, ଯିଏ ନିଲାମ ପାଇଁ ନାଁ ପଞ୍ଜିକୃତ କରନ୍ତି ଏବଂ ନିଲାମ ହେବା ପରେ ସିଜିନ ଆରମ୍ଭ ପୂର୍ବରୁ ହିଁ ଅନୁପସ୍ଥିତ ହୁଅନ୍ତି, ତେବେ ତାଙ୍କୁ ଆଗାମୀ 2 ସଂସ୍କରଣ ପାଇଁ ଟୁର୍ଣ୍ଣାମେଣ୍ଟ ଏବଂ ପ୍ଲେୟାର ଅକ୍ସନରେ ଅଂଶଗ୍ରହଣ କରିବାରୁ ବ୍ୟାନ କରାଯିବ ।
ଧୋନିଙ୍କ ପାଇଁ ବଦଳିଲା ନିୟମ :-
ଆଇପିଏଲର ଅନ୍ୟତମ ନୂଆ ନିୟମ ଅନୁଯାୟୀ ଏହା ମଧ୍ୟ କୁଯାଯାଇଛି ଯେ ଯଦି ଜଣେ କ୍ୟାପଡ୍ ଖେଳାଳି ବିଗତ 5 ବର୍ଷ ମଧ୍ୟରେ ଅନ୍ତର୍ଜାତୀୟ କ୍ରିକେଟରେ ଖେଳାଯାଇଥିବା ଚୂଡ଼ାନ୍ତ ଏକାଦଶର ଅଂଶ ହୋଇନଥିବେ, କିମ୍ବା ବିସିସିଆଇ ସହିତ କେନ୍ଦ୍ରୀୟ ଚୁକ୍ତିରେ ନଥିବେ, ତା’ହେଲେ ସେ ଅନ୍କ୍ୟାପଡ୍ ହୋଇଯିବେ । ଏହା କେବଳ ଭାରତୀୟ ଖେଳାଳିଙ୍କ ପାଇଁ ଲାଗୁ ହେବ । ଅର୍ଥାତ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂହ ଧୋନିଙ୍କୁ ଅନ୍କ୍ୟାପଡ୍ ଖେଳାଳି ଭାବେ ରିଟେନ କରିପାରିବ ଚେନ୍ନାଇ ସୁପର କିଙ୍ଗସ୍ । ଏହି ଚର୍ଚ୍ଚା ପୂର୍ବରୁ ମଧ୍ୟ ହେଉଥିଲା ।
Foreign Player Fees Cap 🧢
— Cricbuzz (@cricbuzz) September 29, 2024
Example: If Player A is retained at the highest bracket of INR 18 Crore and Player B bags the highest bid of INR 16 crores at the 2025 mega auction, then in the subsequent mini-auction of 2026 an overseas player can get a maximum pay of INR 16 Crores.… pic.twitter.com/YVy7lXSD1J
'ଇମ୍ପାକ୍ଟ ପ୍ଲେୟର ରୁଲ' ଜାରି ରହିବ :-
ଏଥିରେ କୁହାଯାଇଛି ଯେ 2025ରୁ 2027 ଚକ୍ର ପାଇଁ ଇମ୍ପାକ୍ଟ ପ୍ଲେୟାର ରେଗୁଲେସନ ଜାରି ରହିବ । ତେବେ ଏହି ନିୟମକୁ ବିରାଟ କୋହଲି ଓ ରୋହିତ ଶର୍ମାଙ୍କ ଭଳି ଖେଳାଳିମାନେ ପସନ୍ଦ କରିନଥିଲେ । ଏହି ରୁଲ ଖେଳର ଅସଲ ମଜା ରଖୁନାହିଁ ବୋଲି ବୟାନ ଦେଇଥିଲେ । ଆଶା କରାଯାଉଥିଲା ଏହି ରୁଲକୁ ଆଗାମୀ ସିଜିନରୁ ବିସିସିଆଇ ହଟାଇ ଦେବ । ହେଲେ ସେଭଳି କିଛି ହୋଇନାହିଁ ।
ଏହା ମଧ୍ୟ ପଢ଼ନ୍ତୁ :-
- ଜୟ ଶାହଙ୍କ ବଡ଼ ଘୋଷଣା; ଆଇପିଏଲ୍ରେ କୋଟିପତି ହେବେ ଭାରତୀୟ ଖେଳାଳି - IPL 2025
- IPL ମେଗା ଅକ୍ସନ; MI, RCB, CSK...ଏହି 5 ଖେଳାଳିଙ୍କୁ ରିଟେନ୍ କରିବେ ଫ୍ରାଞ୍ଚାଇଜ୍ ! ଦେଖନ୍ତୁ ଲିଷ୍ଟ - Players Retention for IPL 2025
ବ୍ୟୁରୋ ରିପୋର୍ଟ, ଇଟିଭି ଭାରତ
