ନୂଆଦିଲ୍ଲୀ: 4 ଶହ ପାର ନାରା ଓ ଲକ୍ଷ୍ୟ ସହ ଚଳିତ ସାଧାରଣ ନିର୍ବାଚନ ଲଢିଥିବା ‘ଭାରତୀୟ ଜନତା ପାର୍ଟି’ ଜନାଦେଶରେ ବଡ ଝଟକା ପାଇଛି । ଏପରିକି ଦଳ 2019 ନିର୍ବାଚନ ଠାରୁ ମଧ୍ୟ କମ ଆସନ ଜିତି ଏକକ ସଂଖ୍ୟା ଗରିଷ୍ଠତା ହାସଲ କରିବା ସ୍ଥିତିରେ ରହିନାହିଁ । ଏପରି ସମୟରେ ସହଯୋଗୀ ଦଳମାନଙ୍କ ଉପରେ ନିର୍ଭରଶୀଳ ହୋଇପଡିଛି ଏକକ ସଂଖ୍ୟା ଗରିଷ୍ଠତା ସହ ଶାସନ କରିଥିବା ବିଜେପି । ଏହାର ଫାଇଦା ନେବାକୁ ମଧ୍ୟ ପଛରେ ନାହାନ୍ତି କିଛି ରେକର୍ଡ ସଂଖ୍ୟକ ଆସନ ହାସଲ କରିଥିବା ନୀତିଶ କୁମାରଙ୍କ ‘ଆରଜେଡି’ ଓ ଚନ୍ଦ୍ରବାବୁ ନାଇଡୁଙ୍କ ‘ଟିଡିପି’ । ଉଭୟ ଏକାଧିକ ବଳିଷ୍ଠ ଦାବି ସହ ମେଣ୍ଟ ଉପରେ ଚାପ ପକାଉଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।
ଉଭୟ ନୀତିଶ ଓ ଚନ୍ଦ୍ରବାବୁୁ କେନ୍ଦ୍ରରେ କ୍ୟାବିନେଟ ପାହ୍ୟାର ଏକାଧିକ ଗୁରୁତ୍ବପୂର୍ଣ୍ଣ ମନ୍ତ୍ରଣାଳୟ ଦାବି କରୁଛନ୍ତି । ବିଜେପିର ତୁଙ୍ଗ ନେତାମାନେ ଏହି ମେଣ୍ଟ ଆଲୋଚନାରେ ସନ୍ତୁଳନ ରକ୍ଷା କରି କ୍ୟାବିନେଟ ବର୍ଥ ବୁଝାମଣା କରିବା ପାଇଁ ପ୍ରୟାସ ମଧ୍ୟ କରୁଛନ୍ତି । ମାତ୍ର ସଂଖ୍ୟା ଗରିଷ୍ଠତାର ସାମାନ୍ୟ ପଛରେ ଥିବା ବିଜେପି ପ୍ରଭାବୀ ତଥା ଗୁରୁତ୍ବପୂର୍ଣ୍ଣ ମନ୍ତ୍ରଣାଳୟ ନିଜ ପାଖରେ ରଖିବାକୁ ସମସ୍ତ ଉଦ୍ୟମ ଜାରି ରଖିଛି । ଏହି କାରଣରୁ ମୋଦି ସରକାର ତୃତୀୟ ପାଳି ଆରମ୍ଭ ପ୍ରକ୍ରିୟା ମଧ୍ୟ ବିଳମ୍ବ ହେଉଛି । ପୂର୍ବରୁ ପ୍ରଧାନମନ୍ତ୍ରୀ ମୋଦି 8 ତାରିଖରେ ଶପଥ ଗ୍ରହଣ କରିବା ନେଇ ଦଳୀୟ ସୂତ୍ରରୁ ଔପଚାରିକ ଭାବେ ଜଣାପଡିଥିଲା । ଏବେ ଏହା 8 ପରିବର୍ତ୍ତେ 9ରେ ହେବା ନେଇ ସୂଚନା ଆସିଲାଣି ।
ବିଜେପି ପାଇଁ ଚିନ୍ତା ବଢାଇଛନ୍ତି 4 ସହଯୋଗୀ ଦଳ:-
