ଭୁବନେଶ୍ବର: ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ପାଖରେ ଫେରାଦ ହେଲା ବିଜୁ ଜନତା ଦଳ ଏକ ପ୍ରତିନିଧି ଦଳ । ଚଳିତ ନିର୍ବାଚନକୁ ସ୍ୱସ୍ଥ, ଅବାଧ ନିରପେକ୍ଷ କରିବାରେ ବାଧକ ସାଜୁଛି ଭାରତୀୟ ଜନତା ପାର୍ଟି । ଦଳୀୟ କାର୍ଯ୍ୟରେ ଛୋଟପିଲାଙ୍କୁ ବ୍ୟବହାର କରି ବିଜେପି ବାରମ୍ବାର ଆଦର୍ଶ ଅଚରଣ ବିଧି ଉଲ୍ଲଙ୍ଘନ କରୁଥିବା ନେଇ ସିଇଓଙ୍କ ଆଗରେ ଅଭିଯୋଗ ଆଣିଛି ବିଜେଡି ।
ବିଜେପି ଆଦର୍ଶ ଅଚରଣ ବିଧି ଉଲ୍ଲଙ୍ଘନ କରୁଥିବା ଅଭିଯୋଗ ଆଣି ବିଜେଡି ସାଂସଦ ସୁଲତା ଦେଓ କହିଛନ୍ତି, "ଚଳିତ ନିର୍ବାଚନକୁ ସ୍ୱସ୍ଥ, ଅବାଧ ନିରପେକ୍ଷ କରିବାରେ ବାଧକ ସାଜୁଛି ଭାରତୀୟ ଜନତା ପାର୍ଟି । ବାରମ୍ବାର ନିର୍ବାଚନ ଆଚରଣ ବିଧି ଉଲ୍ଲଙ୍ଘନ କରିଚାଲିଛି ବିଜେପି । ସ୍କୁଲ ପଢ଼ୁଥିବା ଛୋଟ ପିଲାକୁ ବି ଦଳ କାର୍ଯ୍ୟରେ ଲଗାଉଛି ବିଜେପି । ଆଜି ଭୁବନେଶ୍ଵର ପଦ୍ମକେଶରୀ ପୁରରେ ବିଜେପି ସାଂସଦ ପ୍ରାର୍ଥୀ ଅପରାଜିତା ଷଡ଼ଙ୍ଗୀ ଖୋଲା ଖୋଲି ଭାବେ ଆଦର୍ଶ ଆଚରଣ ବିଧି ଉଲ୍ଲଙ୍ଘନ କରିଛନ୍ତି । ଚେୟାର ଫିଲପ କରିବା ପାଇଁ ଛୋଟ ପିଲାଙ୍କୁ ବ୍ୟବହାର କରୁଛନ୍ତି । ଯାହା ଆମେ ନିର୍ବାଚନ କମିଶନର ଦୃଷ୍ଟି ଆକର୍ଷଣ କରିଛୁ । ବିଜେପିର ଏହା ଅଭ୍ୟାସ ଗତ । କେଵଳ ଅପରାଜିତା ନୁହଁନ୍ତି ପ୍ରଦୀପ ପାଣିଗ୍ରାହୀ, ବୈଜୟନ୍ତ ପଣ୍ଡା ଓ ଜୟନାରାୟଣ ମିଶ୍ର ବାରମ୍ବାର ଆଚରଣ ବିଧି ଉଲ୍ଲଙ୍ଘନ କରି ଆସିଛନ୍ତି । ଆମେ ଏହି ସମ୍ବେଦନଶୀଳ ଘଟଣା ମୁଖ୍ୟ ନିର୍ବାଚନ ଅଧିକାରୀଙ୍କ ଦୃଷ୍ଟି ଆକର୍ଷଣ କରିବା ସହିତ ସ୍ୱତନ୍ତ୍ର ଗାଇଡ଼ଲାଇନ ଆଣିବାକୁ ଅନୁରୋଧ କରିଛୁ ।"
ଏହା ମଧ୍ୟ ପଢ଼ନ୍ତୁ...ପ୍ରଚାରରେ ଶିଶୁଙ୍କୁ ବ୍ୟବହାର କରୁଛନ୍ତି କେନ୍ଦ୍ରମନ୍ତ୍ରୀ; ଧର୍ମେନ୍ଦ୍ରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲା ବିଜେଡି - Code Of Conduct Violation
ସୁଲତା ଦେଓ ଏହା ମଧ୍ୟ କହିଛନ୍ତି, "ଆଗରୁ ବହୁବାର ବିଜେଡି ଏହି ପ୍ରସଙ୍ଗରେ ସିଇଓଙ୍କୁ ଅଭିଯୋଗ ଆଣିଥିଲା । ବାରମ୍ବାର ଆଦର୍ଶ ଆଚରଣ ବିଧି ଉଲ୍ଲଙ୍ଘନ କରୁଛନ୍ତି ବିଜେପି ନେତା । ସମ୍ବଲପୁର ବିଧାନସଭା ବିଜେପି ପ୍ରାର୍ଥୀ ଜୟନାରାୟଣ ମିଶ୍ର ୪୫ ଡିଗ୍ରୀ ଖରାରେ ପ୍ରଚାର କାର୍ଯ୍ୟରେ ଛୋଟ ଛୋଟ ଛୁଆଙ୍କୁ ନିୟୋଜିତ କରିଛନ୍ତି । ସମ୍ବଲପୁର ବିଜେପି କାର୍ଯ୍ୟାଳୟରେ ଦଳୀୟ ବୈଠକରେ ଛୋଟ ଛୋଟ ଛୁଆଙ୍କୁ ଦେଖିବାକୁ ମିଳିଥିଲା । ଯାହା ଆଦର୍ଶ ଆଚରଣବିଧି ଉଲ୍ଲଙ୍ଘନ ବୋଲି ବିଜେଡି ଅଭିଯୋଗ କରିଥିଲା । ପୁର୍ବରୁ ଧର୍ମେନ୍ଦ୍ର ପ୍ରଧାନ, ଅପରାଜିତା ଷଡ଼ଙ୍ଗୀ, ବୈଜୟନ୍ତ ପଣ୍ଡା ଆଦର୍ଶ ଆଚରଣବିଧି ଉଲ୍ଲଙ୍ଘନ କରୁଥିବା ବିଜେଡି କହିଛି । ଏହା ଦ୍ବାରା ଶିଶୁଙ୍କ ଅଧିକାର କ୍ଷୁର୍ଣ୍ଣ ହେଉଛି । ସେମାନେ ଭାବୁଛନ୍ତି କେନ୍ଦ୍ରରେ ସରକାର ଥିବାରୁ ନିର୍ବାଚନ କମିଶନଙ୍କୁ ଆଳ କରି ତାଙ୍କର କେହି କିଛି କରିପାରିବେ ନାହିଁ । ଏଥିରୁ ବିଜେପି ନିବୃତ୍ତ ରହୁ ଏବଂ ନିର୍ବାଚନ କମିଶନ ଏଥିରେ ହସ୍ତକ୍ଷେପ କରି ମୁକ୍ତ ଅବାଧ ନିର୍ବାଚନ ଉପରେ ଗୁରୁତ୍ବ ଦିଅନ୍ତୁ ।"
ଇଟିଭି ଭାରତ, ଭୁବନେଶ୍ବର
