ହାଇଦ୍ରାବାଦ: ଭାରତ ବିରୋଧୀଙ୍କ ନିର୍ଭୟ ଚରାଭୂମି ପାଲଟିଛି କାନାଡା । ଦୁଇ ଦେଶ ମଧ୍ୟରେ ଜାରି ରହିଥିବା କୂଟନୈତିକ ତିକ୍ତତାକୁ ମଧ୍ୟ ବଳିଯାଇଛି ଖଲିସ୍ତାନୀ ସମର୍ଥବାଦୀ ଚରମପନ୍ଥୀଙ୍କ ଭାରତ ବିରୋଧୀ କାର୍ଯ୍ୟକଳାପ । ହିନ୍ଦୁ ମନ୍ଦିରରେ ଭଙ୍ଗାରୁଜା ଓ ଧର୍ମାନୁଷ୍ଠାନ କାନ୍ଥରେ ବିବାଦୀୟ ଲେଖା ଲେଖୁଥିବା ଖଲିସ୍ତାନୀ ସମର୍ଥବାଦୀ ସିଧା ହିନ୍ଦୁ ମନ୍ଦିର ଭିତରେ ପ୍ରବେଶ କରି ହିନ୍ଦୁଙ୍କୁ ଆକ୍ରମଣ କରିଛନ୍ତି । ଗତକାଲି (ରବିବାର) ବ୍ରମ୍ପଟନ ସହରରେ ଥିବା ଏକ ହିନ୍ଦୁ ମନ୍ଦିରରେ ଖଲିସ୍ତାନୀ ସମର୍ଥବାଦୀଙ୍କ ଅତର୍କିତ ଆକ୍ରମଣରେ ଏକାଧିକ ହିନ୍ଦୁ ଆହତ ହୋଇଛନ୍ତି । ଏହି ଘଟଣାରେ ଭାରତ ତୀବ୍ର ଉଦବେଗ ପ୍ରକାଶ କରିଛି । ଓଟାଓ୍ବାରେ ଅବସ୍ଥାପିତ ଭାରତୀୟ ଦୂତାବାସ ଏହି ଆକ୍ରମଣକୁ ନିନ୍ଦା କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ସ୍ଥାନୀୟ ସରକାରକୁ କହିଛି । ଅନ୍ୟପଟେ ସ୍ଥାନୀୟ ପ୍ରଧାନମନ୍ତ୍ରୀ ଟ୍ରୁଡୋ ଘଟଣାକୁ ନିନ୍ଦା କରିବା ସହ କାର୍ଯ୍ୟାନୁଷ୍ଠାନ ହେବା ନେଇ ନିର୍ଦ୍ଦେଶ ମଧ୍ୟ ଦେଇଛନ୍ତି ।
The acts of violence at the Hindu Sabha Mandir in Brampton today are unacceptable. Every Canadian has the right to practice their faith freely and safely.
— Justin Trudeau (@JustinTrudeau) November 3, 2024
Thank you to the Peel Regional Police for swiftly responding to protect the community and investigate this incident.
- ମନ୍ଦିରରେ ଅତର୍କିତ ଆକ୍ରମଣର ଭିଡିଓ ଭାଇରାଲ
ଆକ୍ରମଣ ସମୟର ଏକାଧିକ ଭିଡିଓ ସୋସିଆଲ ମିଡିଆ ୟୁଜର୍ସମାନେ ପୋଷ୍ଟ କରି ଖଲିସ୍ତାନୀ ଉଗ୍ରବାଦ ଓ ଏହାକୁ ପୃଷ୍ଟପୋଷକତା ଯୋଗାଉଥିବା କାନାଡା ସରକାରଙ୍କୁ କଡା ଭର୍ତ୍ସନା କରିଛନ୍ତି । ଭାଇରାଲ ହେଉଥିବା ଭିଡିଓ ଅନୁସାରେ, ବ୍ରମ୍ପଟନ ସହରରେ ଥିବା ହିନ୍ଦୁ ସଭା ମନ୍ଦିରରେ ଅତର୍କିତ ଭାବେ ଆକ୍ରମଣ ହେଉଛି । ଶତାଧିକ ଖଲିସ୍ତାନୀ ସମର୍ଥବାଦୀ ହାତରେ ଖଲିସ୍ତାନୀ ପତାକା ଧରି ମନ୍ଦିର ପରିସରରେ ପ୍ରବେଶ କରିବା ସହ ଅତର୍କିତ ଆକ୍ରମଣ କରୁଛନ୍ତି । ସେଠାରେ ଉପସ୍ଥିତ ଥିବା ହିନ୍ଦୁ ସମ୍ପ୍ରଦାୟର ସମସ୍ତଙ୍କୁ ଗୋଡାଇ ଗୋଡାଇ ବାଡି ଓ ଅନ୍ୟ ମାରଣାସ୍ତ୍ରରେ ଭୟଙ୍କର ଆକ୍ରମଣ କରାଯାଇଛି । ଫଳରେ ଲୋକେ ଜୀବନ ବିକଳରେ ଏଣେ ତେଣେ ଧାଉଁଥିବା ମଧ୍ୟ ଦେଖିବାକୁ ମିଳିଥିଲା । ଉପଦ୍ରବକାରୀଙ୍କ ହାତରେ ହଳିଦଆ ରଙ୍ଗର ଖଲିସ୍ତାନୀ ପତାକା ଥିବା ମଧ୍ୟ ଭିଡିଓରେ ସ୍ପଷ୍ଟ ଦୃଶ୍ୟମାନ ହେଉଛି ।
PRESS RELEASE
— India in Canada (@HCI_Ottawa) November 4, 2024
" violent disruption outside consular camp in brampton, ontario (nov 3)"@MEAIndia @IndianDiplomacy @diaspora_india @cgivancouver @IndiainToronto pic.twitter.com/V7QNMmA4eR
- ଟ୍ରୁଡୋଙ୍କ ଉଦବେଗ, ବିରୋଧୀଙ୍କ ସମାଲୋଚନା
Alarming to see an attack on Hindu Canadians. From Khalistani extremists to terrorist cosplayers, 🇨🇦 has become a safe harbour for radicals.
— Kevin Vuong (@KevinVuongMP) November 3, 2024
Our leaders are failing to safeguard Hindus as they have Christians & Jewish Canadians from violence.
We all deserve to worship in peace. https://t.co/t3ckoXyD7z
ତେବେ ଏହି ଘଟଣାରେ ତଥାକଥିତ ଶୋକ ଓ ଉଦବେଗ ବ୍ୟକ୍ତ କରିଛନ୍ତି ଖଲିସ୍ତାନୀଙ୍କ ପୃଷ୍ଟପୋଷକ ଭାବେ ଜଣାଶୁଣା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ । ସେ ଟ୍ୱିଟରେ ଲେଖିଛନ୍ତି,ବ୍ରମ୍ପଟନରେ ହିନ୍ଦୁ ସଭା ମନ୍ଦିରରେ ହୋଇଥିବା ଆକ୍ରମଣ କୌଣସି ପରିସ୍ଥିତିରେ ଗ୍ରହଣୀୟ ନୁହେଁ । ପ୍ରତ୍ୟେକ କାନାଡା ନାଗରିକଙ୍କର ସେମାନଙ୍କ ଧର୍ମ ଓ ବିଶ୍ବାସକୁ ପାଳନ କରିବାର ସ୍ବାଧୀନତା ରହିଛି । ସେହିପରି ରାଜଧାନୀ ଟରାଣ୍ଟୋର ସାଂସଦ କେଭିନ ଭୁଓଙ୍ଗ ମଧ୍ୟ ଏହି ଆକ୍ରମଣକୁ କଡା ଭାଷାରେ ନିନ୍ଦା କରିବା ସହ ଆଇନ ଶୃଙ୍ଖଳା ସ୍ଥିତି ନେଇ ଉଦବେଗ ପ୍ରକାଶ କରିଛନ୍ତି । ସେ ଏହାର ଭିଡିଓ ନିଜ ଏକ୍ସ ହ୍ୟାଣ୍ଡଲରେ ସେୟାର ମଧ୍ୟ କରିଛନ୍ତି । ଏହିପରି ସ୍ଥିତି ପାଇଁ ସେ ଟ୍ରୁଡୋ ପ୍ରଶାସନର ବିଫଳତାକୁ ମଧ୍ୟ ଦାୟୀ କରିଛନ୍ତି । ବର୍ତ୍ତମାନର ସରକାର ଖ୍ରୀଷ୍ଟିଆନ ଓ ଇହୁଦୀଙ୍କ ପରି ହିନ୍ଦୁଙ୍କୁ ସୁରକ୍ଷା ଦେବାରେ ବିଫଳ ବୋଲି ସେ ଅଭିଯୋଗ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
