କାଠମାଣ୍ଡୁ: ନେପାଳରେ ଭୟଙ୍କର ଭୂସ୍ଖଳନ । ନଦୀରେ ଭାସିଗଲା ୨ଟି ଯାତ୍ରୀବାହି ବସ । ୨ ଟା ଯାକ ବସରେ ପାଖାପାଖି ୬୫ ଜଣ ଯାତ୍ରୀ ଥିବା ବେଳେ ୬୩ ଜଣ ଏବେସୁଦ୍ଧା ନିଖୋଜ ଥିବା ଜଣାପଡିଛି । ତେବେ ନିଖୋଜଙ୍କ ମଧ୍ୟରେ ୭ ଜଣ ଭାରତୀୟ ଥିବା ସୂଚନା ରହିଛି । ଘଟଣାସ୍ଥଳରେ ତଦନ୍ତ ଓ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିବା ବେଳେ ଏବେସୁଦ୍ଧା କାହାର ପତ୍ତା ମିଳିପାରିନାହିଁ । ଅନ୍ୟପଟେ ଖରାପ ପାଣିପାଗ ଯୋଗୁ କାଠମାଣ୍ଡୁରୁ ଭରତପୁର ଓ ଚିତଓ୍ବାନ ଯାଉଥିବା ସମସ୍ତ ବିମାନ ସେବାକୁ ରଦ୍ଦ କରାଯାଇଛି ।
#WATCH | Rescue and search operation underway after two buses carrying around 63 passengers were swept away into the Trishuli River due to a landslide on the Madan-Ashrit Highway in Central Nepal this morning.
— ANI (@ANI) July 12, 2024
(Source: Nepali Army's 'X' handle) pic.twitter.com/hMcwRVaogi
ସୂଚନା ଅନୁଯାୟୀ, ମଧ୍ୟ ନେପାଳର ମଦନ-ଆଶ୍ରିତ ହାଇଓ୍ବେରେ ଆଜି (ଶୁକ୍ରବାର) ଭୋର ପାଖାପାଖି ୩.୩୦ ସୁଦ୍ଧା ଭୂସ୍ଖଳନ ଘଟିଥିଲା । ସେହି ସମୟରେ ରାଜପଥରେ ଯାଉଥିବା ୨ ଟି ବସ ତ୍ରିଶୁଳୀ ନଦୀରେ ଭାସିଯାଇଥିଲେ । ଗୋଟିଏ ବସ କାଠମାଣ୍ଡୁ ଅଭିମୁଖେ ଯାଉଥିବା ବେଳେ ଅନ୍ୟ ଏକ ବସ କାଠମାଣ୍ଡୁରୁ ରାଉତହାଟ ଅଭିମୁଖେ ଯାଉଥିଲା । କାଠମାଣ୍ଡୁ ଅଭିମୁଖେ ଯାଉଥିବା ବସ୍ରେ 24 ଜଣ ଯାତ୍ରୀ ଥିବା ବେଳେ ଏବଂ ଅନ୍ୟ ବସ୍ରେ 41 ଜଣ ଯାତ୍ରା କରୁଥିଲେ । ତେବେ ୩ ଜଣ ବସରୁ ଡେଇଁପଡି ନିଜ ଜୀବନ ବଞ୍ଚାଇଥିବା ଜଣାପଡିଛି । ଅନ୍ୟପଟେ ୬୩ ଜଣଙ୍କର ଏବେସୁଦ୍ଧା ପତ୍ତା ମିଳିପାରିନାହିଁ ।
Nepal Prime Minister Pushpa Kamal Dahal tweets, " i am deeply saddened by the reports of about five dozen passengers that are missing when bus was washed away by a landslide on the narayangadh-muglin road section and the loss of properties due to floods and landslides in different… pic.twitter.com/cK5S7BF3fs
— ANI (@ANI) July 12, 2024
ଖରାପ ପାଣିପାଗ ପାଇଁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ: ଭୂସ୍ଖଳନ ଖବର ପାଇ ପୋଲିସ ଓ ପ୍ରଶାସନ ତୁରନ୍ତ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିବା ବେଳେ ପ୍ରବଳ ବର୍ଷା ଯୋଗୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଛି । ତେବେ ଏବେସୁଦ୍ଧା ନିଖୋଜଙ୍କ ପତ୍ତା ମିଳିପାରିନାହିଁ ।
A landslide swept two buses carrying an estimated 63 passengers, on Madan-Ashrit Highway in Central Nepal into the Trishuli River, this morning.
— ANI (@ANI) July 12, 2024
(Source: Road Division Office, Bharatpur, Nepal) https://t.co/1LZ1qYcXcQ pic.twitter.com/1xSFDB5uZY
ବିମାନସେବା ରଦ୍ଦ: ନେପାଳରେ ପ୍ରବଳ ବର୍ଷା ଜାରି ରହିଛି । ଯେଉଁଥିପାଇଁ ବିମାନସେବା ମଧ୍ୟ ବାଧାପ୍ରାପ୍ତ ହୋଇଛି । ଖରାପ ପାଣିପାଗ ଯୋଗୁ କାଠମାଣ୍ଡୁରୁ ଭରତପୁର ଓ ଚିତଓ୍ବାନ ଯାଉଥିବା ସମସ୍ତ ବିମାନ ଉଡାଣ ସେବାକୁ ରଦ୍ଦ କରାଯାଇଛି ।
ପ୍ରଧାନମନ୍ତ୍ରୀ ପ୍ରଚଣ୍ଡଙ୍କ ଦୁଃଖପ୍ରକାଶ: ଅନ୍ୟପଟେ ନେପାଳ ପ୍ରଧାନମନ୍ତ୍ରୀ ପୁଷ୍ପ କମଳ ଦହଲ ଘଟଣାକୁ ନେଇ ଦୁଃଖପ୍ରକାଶ କରିଛନ୍ତି । ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏନେଇ ଟ୍ୱିଟ କରି ସେ ଲେଖିଛନ୍ତି, "ନାରାୟଣଗଡ- ମୁଗଲିନ ରାସ୍ତାରେ ଭୂସ୍ଖଳନ ଓ ବସ ଭାସିଯିବା ଯୋଗୁଁ ପାଖାପାଖି ୫ ଡଜନ ଯାତ୍ରୀଙ୍କ ନିଖୋଜ ଖବର ମୋତେ ଅତ୍ୟନ୍ତ ଦୁଃଖିତ କରିଛି । ନିଖୋଜ ଯାତ୍ରୀଙ୍କ ଉଦ୍ଧାର କାର୍ଯ୍ୟକୁ ତ୍ୱରାନ୍ୱିତ କରିବାକୁ ମୁଁ ସମସ୍ତ ସରକାରୀ ଏଜେନ୍ସି ଓ ଗୃହ ବିଭାଗକୁ ନିର୍ଦ୍ଦେଶ ଦେଉଛି ।"
All the flights from Kathmandu to Bharatpur, Chitwan have been cancelled for the day as the weather remains inclement.
— ANI (@ANI) July 12, 2024
ଏହାମଧ୍ୟ ପଢନ୍ତୁ.. ଇକ୍ବାଡରରେ ଭୟଙ୍କର ଭୂସ୍ଖଳନ: 6 ମୃତ, 30ରୁ ଅଧିକ ନିଖୋଜ
नारायणगढ-मुग्लिन सडकखण्डको सिमतालमा पहिरोले बस बगाउँदा झण्डै पाँच दर्जन यात्रु बेपत्ता एवं देशका विभिन्न भागमा बाढी पहिरोका कारण भएको धनजनको क्षतिप्रति गहिरो दुख व्यक्त गर्दछु। यात्रुहरूको खोजी एवं प्रभावकारी उद्धारका लागि गृह प्रशासन लगायत सरकारका सबै निकायलाई निर्देशित गर्दछु।
— ☭ Comrade Prachanda (@cmprachanda) July 12, 2024
ଚିତଓ୍ବାନ ଜିଲ୍ଲାର ମୁଖ୍ୟ ଜିଲ୍ଲା ଅଧିକାରୀ ଇନ୍ଦ୍ରଦେବ ଯାଦବଙ୍କ ସୂଚନା ମୁତାବକ, "ଆଜି (ଶୁକ୍ରବାର) ଭୋର ପାଖାପାଖି ୩.୩୦ ସୁଦ୍ଧା ମଧ୍ୟ ନେପାଳର ମଦନ- ଆଶ୍ରିତ ହାଇଓ୍ବେରେ ୨ ଟି ଯାଉଥିବା ସମୟରେ ହଠାତ ଭୁସ୍ଖଳନ ଘଟିଥିଲା । ଭୁସ୍ଖଳନ ପରେ ୨ଟି ଯାକ ବସଟ ତ୍ରିଶୁଳୀ ନଦୀରେ ଭାସିଯାଇଥିଲା । ଏହି ସମୟରେ ବସରେ ପାଖାପାଖି ୬୩ ଜଣ ଯାତ୍ରୀ ରହିଥିଲେ ।ସେମାନଙ୍କ ମଧ୍ୟରେ ୭ ଜଣ ଭାରତୀୟ ଥିବା ଜଣାପଡିଛି । ଏନେଇ ସୂଚନା ପାଇବା ପରେ ପୋଲିସ, ପ୍ରଶାସନ ତୁରନ୍ତ ଘଟଣାସ୍ଥଳରେ ପହଞ୍ଚି ରେସକ୍ୟୁ ଓ ସର୍ଚ୍ଚ ଅପରେସନ ଆରମ୍ଭ କରିଥିଲା । ବର୍ଷା ହେଉଥିବା ଯୋଗୁଁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଛି ।"
ବ୍ୟୁରୋ ରିପୋର୍ଟ, ଇଟିଭି ଭାରତ
