ହାଇଦ୍ରାବାଦ: ଆଜିର ଡିଜିଟାଲ ଯୁଗରେ ଲୋକମାନେ ସାମାଜିକ ଭାବରେ ନିଜକୁ ଦୂରେଇ ରଖୁଥିବା ପ୍ରାୟତଃ ଦେଖିବାକୁ ମିଳିଥାଏ । ଏହି କାରଣରୁ, ଲୋକମାନେ ଏକୁଟିଆପଣର ଶିକାର ହେଉଛନ୍ତି । ଆଜିକାଲି ଲୋକମାନେ ମୋବାଇଲ୍, ଲାପଟପ୍ ଏବଂ ଅନ୍ୟାନ୍ୟ ଡିଜିଟାଲ୍ ପ୍ଲାଟଫର୍ମରେ ଏତେ ସମୟ ଅତିବାହିତ କରନ୍ତି ଯେ ସେମାନେ ଲୋକମାନଙ୍କୁ ଭେଟିବା, କଥାବାର୍ତ୍ତା ହେବା ଛାଡି ଦେଉଛନ୍ତି । ବିଶେଷ କରି ଯୁବକମାନଙ୍କ ମଧ୍ୟରେ ଏହି ସମସ୍ୟା ଅଧିକ ଦେଖିବାକୁ ମିଳୁଛି । ଯାହା ଏକ ଚିନ୍ତାର ବିଷୟ ।
📢Loneliness is associated with increased risk of heart attack and stroke
— Dr Sudhir Kumar MD DM (@hyderabaddoctor) July 30, 2024
🔴As per a study, feeling lonely was associated with an increased risk of cardiovascular diseases (CVD): the event rate of CVD (heart attack or stroke) was 27% higher among those who reported feeling… pic.twitter.com/K64kN33W96
ହୃଦ୍ରୋଗ ହେବାର ଆଶଙ୍କା ବଢାଏ ଏକୁଟିଆପଣ
ଅକ୍ସଫୋର୍ଡ ଏକାଡେମୀର ୟୁରୋପୀୟ ଜର୍ଣ୍ଣାଲ ଅଫ୍ ପ୍ରିଭେଣ୍ଟିଭ କାର୍ଡିଓଲୋଜିରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ଏକୁଟିଆପଣ ଏବଂ ସାମାଜିକ ବିଚ୍ଛିନ୍ନତା କାରଣରୁ ଲୋକଙ୍କ ମଧ୍ୟରେ ହୃଦ୍ରୋଗ ହେବାର ଆଶଙ୍କା ବଢୁଥିବା ଜଣାପଡିଛି । ଏହି ଅନୁସନ୍ଧାନକୁ ଦର୍ଶାଇ ହାଇଦ୍ରାବାଦ ଆପୋଲୋ ହସ୍ପିଟାଲର ସ୍ନାୟୁବିଜ୍ଞାନୀ ସୁଧୀର କୁମାର ତାଙ୍କ ସୋସିଆଲ ମିଡିଆ ଆକାଉଣ୍ଟରେ ପୋଷ୍ଟ କରିଛନ୍ତି ଯେ ଏକାକୀ ଅନୁଭବ କରିବା ହୃଦ୍ରୋଗ (CVD)ର ବିପଦ ସହିତ ଜଡିତ ।
ଏକାକୀ ରହୁଥିବା ଲୋକଙ୍କ ପାଖରେ ହୃଦଘାତ ଆଶଙ୍କା ହାର ୨୭ ପ୍ରତିଶତ ଅଧିକ
ସେ ଲେଖିଛନ୍ତି, ''ଏକୁଟିଆ ଅନୁଭବ କରୁଥିବା ଲୋକଙ୍କ ମଧ୍ୟରେ CVD (ହୃଦଘାତ କିମ୍ବା ଷ୍ଟ୍ରୋକ) ରୋଗ ହାର ୨୭ ପ୍ରତିଶତ ଅଧିକ । ଏହି ଅନୁସନ୍ଧାନରେ, 2004ରୁ 2010 ମଧ୍ୟରେ ମୋଟ 5,397 ପୁରୁଷ ଏବଂ ମହିଳାଙ୍କୁ ହୃଦରୋଗ ଏବଂ ଷ୍ଟ୍ରୋକ୍ ଶିକାର ହୋଇଥିବା ଦେଖିବାକୁ ମିଳିଛି । ୫.୪ ବର୍ଷର ହାରାହାରି ସମୟ ମଧ୍ୟରେ ୫୭୧ ନୂଆ ହୃଦ୍ରୋଗ ଘଟଣା ରେକର୍ଡ କରାଯାଇଛି ।''
- ହୃଦ୍ରୋଗର କାରଣ:
ଏହି ରିପୋର୍ଟ ଅନୁଯାୟୀ, ଯେଉଁମାନେ ଏକାକୀ ଅନୁଭବ କରୁଥିଲେ ସେମାନଙ୍କ ମଧ୍ୟରେ ସ୍ୱଳ୍ପ ଆତ୍ମ ସମ୍ମାନ, ଉଦାସୀନତା ଏବଂ ଚିନ୍ତାର ଉଚ୍ଚ ହାର ଦେଖିବାକୁ ମିଳିଛି । ଫଳରେ ଏକାକୀ ରହୁଥିବା ଲୋକ ଧୂମ୍ରପାନ ଏବଂ ମଦ୍ୟପାନର ଅଧିକ ମାତ୍ରାରେ ବ୍ୟବହାର କରିଥାଏ । ଏଥିସହ ଏକାକୀ ଅନୁଭବ କରୁଥିବା ଲୋକ କମ୍ ଶାରୀରିକ କାର୍ଯ୍ୟକଳାପ କରିଥାନ୍ତି । ଯାହା ହାର୍ଟର ସମସ୍ୟା ବଢାଇବା ସହ ହାର୍ଟଆଟାକ୍, ହାର୍ଟଷ୍ଟ୍ରୋକ ଭଳି ରୋଗ ସହ ମୃତ୍ୟୁମୁଖରେ ମଧ୍ୟ ପଡିଥାନ୍ତି ।
ଏହା ମଧ୍ୟ ପଢନ୍ତୁ: ଏକୁଟିଆ ଜୀବନ ବିତାଉଥିବା ବ୍ୟକ୍ତିଙ୍କୁ Type 2 Diabetes ଆଶଙ୍କା ଅଧିକ
- ଏକାକୀ ରହୁଥିବା ଲୋକେ କ୍ୟାନ୍ସର ଏବଂ ଡାଇବେଟିସର ଶିକାର ହୋଇପାରନ୍ତି
କେବଳ ହାର୍ଟ ଉପରେ ନୁହେଁ ଶରୀର ଉପରେ ମଧ୍ୟ କୁପ୍ରଭାବ ପକାଇଥାଏ ଏକୁଟିଆପଣ । ମାନସିକ ଚିନ୍ତା କାରଣରୁ ଆପଣଙ୍କ ସ୍ୱାସ୍ଥ୍ୟ ଖରାପ ହୋଇପାରେ । ଫଳରେ ଆପଣ କ୍ୟାନ୍ସର ଏବଂ ଡାଇବେଟିସ୍ ଭଳି ଗମ୍ଭୀର ରୋଗର ମଧ୍ୟ ଶିକାର ହୋଇପାରନ୍ତି । ଚିନ୍ତା ଏବଂ ଏକୁଟିଆପଣ ଡାଇବେଟିସ ଆଶଙ୍କା ବଢାଇଥାଏ । ଫଳରେ ଏକାକୀ ରହୁଥିବା ଲୋକଙ୍କ କ୍ଷେତ୍ରରେ ପ୍ରାୟତଃ ଟାଇପ-୨ ଡାଇବେଟିସ ରୋଗ ଦେଖାଯାଏ । ଏଥିସହ ଚିନ୍ତା ଶରୀରକୁ ଦୁର୍ବଳ କରିଥାଏ । ଫଳରେ ରୋଗ ସହ ଲଢିବାର କ୍ଷମତା କମ ହୋଇଥାଏ ଏବଂ କ୍ୟାନ୍ସର ହେବା ଆଶଙ୍କା ବଢିଯାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
