ହାଇଦ୍ରାବାଦ: ଫିଲ୍ଡରୁ ନେଇ ଫିଲ୍ମ ପର୍ଯ୍ୟନ୍ତ ସବୁଠି ଚର୍ଚ୍ଚାରେ 'ବିରୁଷ୍କା' । ଅନୁଷ୍କା ଶର୍ମା ଫିଲ୍ମ ଜଗତରେ ଯେତିକି ସଫଳ ବିରାଟ କୋହଲିଙ୍କ ପତ୍ନୀ ଭାବରେ ମଧ୍ୟ ସେତିକି ଫରଫେକ୍ଟ । ଅନୁଷ୍କା ଅଧିକାଂଶ ସମୟରେ ଷ୍ଟାଡିୟମ ଯାଇ କୋହଲି ଓ ତାଙ୍କ ଟିମକୁ ଚିଅର ଅପ୍ କରୁଥିବାର ଦେଖିବାକୁ ମିଳେ । ଶନିବାର ଦିନ ବେଙ୍ଗାଲୁରୁ ଚିନ୍ନାସ୍ବାମୀ ଷ୍ଟାଡିୟମରେ ଚେନ୍ନାଇ ସୁପରକିଙ୍ଗ୍ସ ଓ କୋହଲିଙ୍କ ଟିମ ରୟାଲ ଚାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ମ୍ୟାଚ ହୋଇଥିବା ବେଳେ ଏହି ମ୍ୟାଚରେ ସ୍ବାମୀଙ୍କୁ ସପୋର୍ଟ କରିବା ପାଇଁ ଚିନ୍ନାସ୍ୱାମୀ ଷ୍ଟାଡିୟମରେ ତାଙ୍କୁ ଦେଖିବାକୁ ମିଳିଥିଲା ।
ଏହାମଧ୍ୟ ପଢନ୍ତୁ.. IPLରୁ ଧୋନିଙ୍କ ଅବସର ! RCB ଠାରୁ ହାରିବା ପରେ ଏମିତି ହେଉଛି ଚର୍ଚ୍ଚା - MS Dhoni
ଏହି ହାଇଭୋଲଟେଜ ମ୍ୟାଚର ଶେଷ ଓଭର ପର୍ଯ୍ୟନ୍ତ ବେଶ ରୋମାଞ୍ଚକର ଥିଲା । ପ୍ରଥମେ ବ୍ୟାଟିଂ କରି RCB ୨୧୮ ରନ ସଂଗ୍ରହ କରିଥିବା ବେଳେ CSKଏହାକୁ ଅନୁସରଣ କରି ୧୯୧ ରନ ପର୍ଯ୍ୟନ୍ତ ପହଞ୍ଚି ପାରିଥିଲା । ଆରସିବି ୨୭ ରନରେ CSKକୁ ହରାଇ ଆଇପିଏଲ ୨୦୨୪ ପ୍ଲେ ଅଫରେ ନିଜ ସ୍ଥାନ ପକ୍କା କରିସାରିଛି । ବିରାଟ ଓ ତାଙ୍କ ଟିମର ଏହି ରୋମାଞ୍ଚକର ବିଜୟୀରେ ଅନୁଷ୍କା ଭାବବିହ୍ବଳ ହେବା ସହ ଏହାକୁ ନେଇ ବେଶ ଉତ୍ସାହିତ ହୋଇପଡିଥିବା ଦେଖିବାକୁ ମିଳିଥିଲା । ସୋସିଆଲ ମିଡିଆରେ ଅନୁଷ୍କା ଓ ବିରାଟ କୋହଲିଙ୍କ ଏହି ସମୟର ଏକ ଭିଡିଓ ବେଶ ଭାଇରାଲ ହେବାରେ ଲାଗିଛି । ଯେଉଁଥିରେ ଉଭୟ ବେଶ ଉତ୍ସାହିତ ଓ ଭାବବିହ୍ୱଳ ଥିବା ଦେଖିବାକୁ ମିଳିଛି ।
ଏହାମଧ୍ୟ ପଢନ୍ତୁ... ସାଥ ଦେଲା ଭାଗ୍ୟ, ଚେନ୍ନାଇକୁ ହରାଇ ପ୍ଲେ ଅଫରେ ବେଙ୍ଗାଲୁରୁ - IPL 2024
ରୟାଲ ଚାଲେଞ୍ଜର୍ସ ବେଙ୍ଗାଲୁରୁ ନିଜ ଅଫିସିଆଲ ଇଷ୍ଟାଗ୍ରାମରେ ଟିମର ବିଜୟୀ ଉତ୍ସବ ସମୟର ଏକ ଭିଡିଓ ପୋଷ୍ଟ କରାଯାଇଛି । ଏହି ଭିଡିଓରେ ବିରାଟ କୋହଲି ଓ ଆରସିବିର ସମସ୍ତ ଖେଳାଳି ପଡିଆରେ ଦୌଡୁଥିବାର ଦେଖିବାକୁ ମିଳିଛି । ପରସ୍ପରକୁ ଆଲିଙ୍ଗନ କରିବା ସହ ଖେଳାଳିମାନେ ଉତ୍ସାହିତ ଦେଖାଯାଉଛନ୍ତି ।
ଅନ୍ୟପଟେ ଏହି ସମୟରେ ଅନୁଷ୍କା ଶର୍ମାଙ୍କ ସେଲିବ୍ରେସନ ମଧ୍ୟ କ୍ୟାମେରାରେ କଏଦ ହୋଇଛି । ଭିଡିଓରେ ଅନୁଷ୍କା ଶର୍ମା ଭାବବିହ୍ବଳ ହେବା ସହ ବେଶ ଖୁସି ଥିବା ଦେଖିବାକୁ ମିଳିଛି । ସେପଟେ ବିରାଟ ମଧ୍ୟ ପଡିଆରୁ ତାଙ୍କୁ ଫ୍ଲାଇଙ୍ଗ କିସ୍ ଦେଉଥିବାର ନଜର ଆସିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
