ହାଇଦ୍ରାବାଦ: ବଲିଉଡରେ ଏବେ ବିବାହ ଋତୁ ଚାଲିଛି । ବିବାହ ବନ୍ଧନରେ ବାନ୍ଧି ହେଉଛନ୍ତି ଗୋଟିଏ ପରେ ଗୋଟିଏ ସେଲିବ୍ରିଟି । ନିକଟରେ ବଲିଉଡ ଅଭିନେତ୍ରୀ ରକୁଲ ପ୍ରୀତ ସିଂ ଧୁମଧାମରେ ପ୍ରେମିକ ତଥା ନିର୍ମାତା ଜ୍ୟାକି ଭଗ୍ନାନିଙ୍କ ସହ ବିବାହ କରିଥିବା ବେଳେ ଏବେ ହାତକୁ ଦି' ହାତ ହେବାକୁ ଯାଉଛନ୍ତି ଅଭିନେତ୍ରୀ ତାପସୀ ପନ୍ନୁ । ରିପୋର୍ଟ ଅନୁସାରେ, ଅଭିନେତ୍ରୀ ନିଜ ଦୀର୍ଘ ଦିନର ବୟପ୍ରେଣ୍ଡ ମାଥିଆସ ବୋଙ୍କୁ ବିବାହ କରିବାକୁ ଯାଉଛନ୍ତି । ଚଳିତ ମାର୍ଚ୍ଚରେ ଉଭୟଙ୍କ ହାତଗଣ୍ଠି ପଡିବ ବୋଲି କୁହାଯାଉଛି ।
୩୬ ବର୍ଷୀୟ ତାପସୀ ପନ୍ନୁ ବର୍ତ୍ତମାନ ତାଙ୍କର ୧୦ ବର୍ଷର ସମ୍ପର୍କକୁ ବିବାହରେ ପରିଣତ କରିବାକୁ ପ୍ରସ୍ତୁତ ଅଛନ୍ତି । ରିପୋର୍ଟ ଅନୁଯାୟୀ, ଅଭିନେତ୍ରୀ ଆସନ୍ତା ମାସ ମାର୍ଚ୍ଚରେ ମାଥିଆସ ବୋଙ୍କୁ ବିବାହ କରିବାକୁ ଯାଉଛନ୍ତି । ଶିଖ ଏବଂ ଖ୍ରୀଷ୍ଟିଆନ ରୀତିନୀତି ଅନୁଯାୟୀ ଏହି ବିବାହ ହେବ । ତାପସୀ, ପ୍ରିୟଙ୍କା ଚୋପ୍ରା, ପରିଣୀତି ଚୋପ୍ରା, କ୍ୟାଟ୍ରିନା କୈଫ ଏବଂ କିଆରା ଆଡଭାନୀଙ୍କ ପରି ସେ ମଧ୍ୟ ରାଜସ୍ଥାନରେ ବିବାହ କରିବାକୁ ଯୋଜନା କରୁଛନ୍ତି । ସେ ଉଦୟପୁରରେ ମାଥିଆସଙ୍କ ସହ ବିବାହ କରିବେ ।
ରିପୋର୍ଟରେ ଏହା ମଧ୍ୟ କୁହାଯାଉଛି ଯେ ତାପସୀ ପନ୍ନୁ ଏବଂ ମାଥିଆସ୍ ବୋଙ୍କ ବିବାହକୁ ପ୍ରାଇଭେଟ ରଖାଯିବ । କୌଣସି ବଲିଉଡ ତାରକା ଏହି ବିବାହ ଉତ୍ସବରେ ସାମିଲ ହେବେ ନାହିଁ । ତେବେ ଏପର୍ଯ୍ୟନ୍ତ କୌଣସି ଅଫିସିଆଲି ଘୋଷଣା କରିନାହାନ୍ତି । ଫ୍ୟାନ୍ସ ଉଭୟ ବିବାହକୁ ଉତ୍ସାହର ସହ ଅପେକ୍ଷା କରିଛନ୍ତି । କହିରଖୁଛୁ କି, ୨୦୨୦ ମସିହାରେ ତାପସୀ ଏବଂ ତାଙ୍କ ପ୍ରେମିକ ମାଥିଆସଙ୍କ ଡେଟିଂ ଖବର ସାମ୍ନାକୁ ଆସିଥିଲା । ମାଳଦ୍ୱୀପ ଭ୍ୟାକେସନରୁ ଉଭୟଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିଲା । ସେହି ଦିନଠାରୁ ଉଭୟଙ୍କ ଡେଟିଂକୁ ନେଇ ଚର୍ଚ୍ଚା ଆରମ୍ଭ ହୋଇଥିବା ବେଳେ ଉଭୟ ପରସ୍ପରର ଜନ୍ମଦିନ ପାର୍ଟୀରେ ଏବଂ ଛୁଟି କାଟୁଥିବାର ନଜର ଆସିଥାନ୍ତି ।
ଏହା ମଧ୍ୟ ପଢନ୍ତୁ: ରୁମର୍ ବୟଫ୍ରେଣ୍ଡଙ୍କ ସହ ଲଞ୍ଚ ଡେଟରେ ତାପସୀ, ସେୟାର କଲେ ଫଟୋ
ମାଥିଆସ ବୋଏଙ୍କ ବିଷୟରେ କହିବାକୁ ଗଲେ, ୪୩ ବର୍ଷୀୟ ମାଥିଆସ ବୋ ଜଣେ ଡେନମାର୍କ ବ୍ୟାଡମିଣ୍ଟନ ଖେଳାଳି । ସେ ଦୁଇଥର ୟୁରୋପୀୟ ଚମ୍ପିଆନ୍ ତଥା ଅଲିମ୍ପିକ୍ ପଦକ ବିଜେତା ହୋଇଛନ୍ତି । ମାଥିଆସ ୨୦୨୦ ମସିହାରେ ବ୍ୟାଡମିଣ୍ଟନରୁ ଅବସର ନେଇଥିଲେ । ତେବେ ମାଥିଆସଙ୍କ ଠାରୁ ବୟସରେ ତାପସୀ ୭ ବର୍ଷ ସାନ ଅଟନ୍ତି । ଉଭୟ ଦୀର୍ଘ ଦିନର ଡେଟିଂ ପରେ ଏବେ ସାତ ଜନ୍ମର ସାଥୀ ହେବାକୁ ଯାଉଛନ୍ତି ।
