ମୁମ୍ବାଇ: ତମନ୍ନା ଭାଟିୟା ଓ ରାଶି ଖନ୍ନାଙ୍କ ଷ୍ଟାରର ଆଗାମୀ ତାମିଲ କମେଡି-ହରର୍ ଫିଲ୍ମ 'ଅରନମନଇ ୪' ଦୀର୍ଘ ଦିନ ଧରି ଚର୍ଚ୍ଚାରେ ରହିଆସିଛି । ଏହାରି ମଧ୍ୟରେ ଗତକାଲି ଅର୍ଥାତ ମାର୍ଚ୍ଚ ୩୦ରେ ଫିଲ୍ମର ଟ୍ରେଲର ରିଲିଜ ହୋଇଯାଇଛି । ଟ୍ରେଲରରେ ୪ ଜଣଙ୍କୁ ନେଇ ପରିବାର ଆରମ୍ଭ ହୋଇଛି । କିନ୍ତୁ ଦୁର୍ଭାଗ୍ୟବଶତଃ ଜଲଦି ସେମାନଙ୍କର ମୃତ୍ୟୁ ହୋଇଯାଇଛି । ଆଉ ଏହି ଘଟଣାର ଯାଞ୍ଚରୁ ଜଣାପଡେ ଯେ ସ୍ତ୍ରୀ ସ୍ବାମୀ ସହିତ ଝଗଡା କରିବା ପରେ ଜଙ୍ଗଲକୁ ଯାଇଥିଲା ତାପରେ ସେଠି ତା'ର ମୃତ୍ୟୁ ହୋଇଥିବା ଦେଖିବାକୁ ମିଳିଛି । ତେବେ ନିର୍ମାତା ଟ୍ରେଲର ସେୟାର କରି କ୍ୟାପସନରେ ଲେଖିଛନ୍ତି ଯେ, ଖୁସି ଆଉ ଭୟ, ସବୁ ଗୋଟିଏ ଛାତ ତଳେ 'ଅରନମନଇ ୪' ଟ୍ରେଲର ।
- " class="align-text-top noRightClick twitterSection" data="">
ଫିଲ୍ମଟି ସୁନ୍ଦରଙ୍କ ଦ୍ବାରା ଲିଖିତ ଓ ନିର୍ଦ୍ଦେଶିତ । ଆଉ ଅବନି ସିନେମେକ୍ସର ବ୍ୟାନରରେ ଖୁସବୁ ସୁନ୍ଦର ଦ୍ବାରା ନିର୍ମିତ ହୋଇଛି । ଏହି ଫିଲ୍ମରେ ତମନ୍ନା ଭାଟିୟା, ରାଶି ଖନ୍ନା, ସନ୍ତୋଷ ପ୍ରତାପ, ରାମଚନ୍ଦ୍ର ରାଜୁ, କୋବଇ ସରଲା, ଯୋଗୀ ବାବୁ, କେ.ଏସ ରବିକୁମାର, ଜୟପ୍ରକାଶ, ରାଜେନ୍ଦ୍ର ଓ ସିଙ୍ଗମପୁଲୀଙ୍କ ସହିତ ସୁନ୍ଦର ବି ଅଛନ୍ତି । ଫିଲ୍ମରେ ତମନ୍ନାଙ୍କ ଭାଇଙ୍କ ଚରିତ୍ରରେ ଅଭିନୟ କରିବେ ସୁନ୍ଦର । ଏହି ଅରନମନଇ ୪ ଫିଲ୍ମ ଫ୍ରାଞ୍ଚାଇଜର ୪ର୍ଥ ପର୍ଯ୍ୟାୟ । 'ଅରନମନଇ 3' 2021 ରେ ରିଲିଜ ହୋଇଥିଲା ।
ଏହା ମଧ୍ୟ ପଢନ୍ତୁ-ପୃଥ୍ବୀରାଜ ସୁକୁମାରନଙ୍କ 'ଦ ଗୋଟ ଲାଇଫ' ଟ୍ରେଲର ଆଉଟ
ତମନ୍ନାଙ୍କ ଓ୍ବାର୍କଫ୍ରଣ୍ଟ କଥା କହିବାକୁ ଗଲେ, 'ଓଡେଲା୨'ରେ ମଧ୍ୟ ନଜର ଆସିବେ ତମନ୍ନା । ନିକଟରେ ଇନଷ୍ଟାଗ୍ରାମରେ ତମନ୍ନା ଫିଲ୍ମର ପ୍ରଥମ ପୋଷ୍ଟର ସେୟାର କରିଥିଲେ ।ଏହା ସେୟାର କରି କ୍ୟାପଶନରେ ଲେଖିଥିଲେ ଯେ, 'ଓଡେଲା୨' ର ପ୍ରଥମ ଲୁକ ପୋଷ୍ଟର ସେୟାର କରି ମୁଁ ଖୁସି ଅଛି ।' ସେହିପରି ତାଙ୍କ ବ୍ୟକ୍ତିଗତ ଜୀବନ ବିଷୟରେ କହିବାକୁ ଗଲେ ସେ ବଜୟ ବର୍ମାଙ୍କୁ ଦୀର୍ଘ ଦିନ ଧରି ଡେଟ କରୁଛନ୍ତି । 'ଲଷ୍ଟ୍ ଷ୍ଟୋରୀ ୨'ର ସୁଟିଂ ସମୟରେ ତମନ୍ନା ଏବଂ ବିଜୟ ବର୍ମା ପ୍ରେମରେ ପଡ଼ିଥିଲେ । ଗତ ବର୍ଷ 2023 ନୂଆବର୍ଷରେ ଗୋଆର ଉଭୟଙ୍କ ଲିପଲକ୍ର ଏକ ଭିଡିଓ ଭାଇରାଲ୍ ହେବାପରେ ଉଭୟଙ୍କ ସମ୍ପର୍କ ସାମ୍ନାକୁ ଆସିଥିଲା । ତମନ୍ନା ଏବଂ ବିଜୟ କିଛି ସମୟ ପୂର୍ବରୁ ନିଜ ସମ୍ପର୍କକୁ ସର୍ବସାଧାରଣରେ ସ୍ୱୀକାର କରିଥିଲେ । ତେବେ ଉଭୟ ୨୦୨୪ରେ ବିବାହ ଯୋଜନା କରିପାରନ୍ତି ବୋଲି କୁହାଯାଉଛି ।
