ହାଇଦ୍ରାବାଦ: ସିଦ୍ଧୁ ମୁସେୱାଲାଙ୍କ ଦେହାନ୍ତ ପରେ ତାଙ୍କ ପିତାମାତା ଚଳିତବର୍ଷ ମାର୍ଚ୍ଚ ମାସରେ ଦ୍ୱିତୀୟ ସନ୍ତାନର ପିତାମାତା ହୋଇଥିଲେ । ଏହି ଖବର ଶୁଣି ଜୁନିଅର ମୁସେୱାଲାଙ୍କ ଆଗମନରେ ପରିବାର ଏବଂ ଫ୍ୟାନ୍ସହ୍କ ମଧ୍ୟରେ ଖୁସିର ଲହରୀ ଖେଲିଯାଇଥିଲା । ବର୍ତ୍ତମାନ ସିଦ୍ଧୁ ମୁସେୱାଲାଙ୍କ ମାଆ ଚରଣ କୌର ଏବଂ ପିତା ବାଲକୌର ସିଂ ଜୁନିଅର ସିଦ୍ଧୁଙ୍କ ଫଟୋ ସେୟାର କରି ସାନ ପୁଅର ଚେହେରା ଦେଖାଇଛନ୍ତି । ଯାହାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଥିବା ବେଳେ ଲୋକେ ତାଙ୍କ ଚେହାରା ଦେକି ଫିଦା ହୋଇଛନ୍ତି ଏବଂ ତାଙ୍କୁ ସିଦ୍ଧୁ ମୁସେୱାଲାଙ୍କ କାର୍ବନ କପି ବୋଲି କହୁଛନ୍ତି ।
ସାମ୍ନାକୁ ଆସିଲା ସିଦ୍ଧୁଙ୍କ ସାନ ଭାଇଙ୍କ ଚେହେରା
ସିଦ୍ଧୁ ମୁସେୱାଲାଙ୍କ ଇନଷ୍ଟାଗ୍ରାମରେ ତାଙ୍କ ଗୀତ ସହ ପାରିବାରିକ ଫଟୋ ପୋଷ୍ଟ କରାଯାଇଛି । ଏଥିରେ ଜୁନିଅର ମୁସେୱାଲାଙ୍କ ଚେହେରା ଦେଖିବାକୁ ମିଳିଛି । ସିଦ୍ଧୁ ମୁସେୱାଲାଙ୍କ ବାପା ଜୁନିଅର ମୁସେୱାଲାଙ୍କୁ କୋଳରେ ଧରିଥିବାର ନଜର ଆସିଛନ୍ତି । ଏହି ଫଟୋ ସେୟାର କରି ପଞ୍ଜାବୀରେ କ୍ୟାପସନରେ ଲେଖାଯାଇଛି, 'ସେହି ଆଖିରେ ଏକ ନିଆରା ଗଭୀରତା ଅଛି, ଯାହା ଆମ ଜୀବନର ପ୍ରତ୍ୟେକ ସତ୍ୟକୁ ବୁଝିଥାଏ । ଯେଉଁ ଚେହେରାକୁ ଆମେ ଥରେ ଲୁହବୁହା ଆଖିରେ ଭଗବାନଙ୍କୁ ଦେଇଥିଲୁ, ତାହା ବର୍ତ୍ତମାନ ଭଗବାନଙ୍କ କୃପା ଏବଂ ସମସ୍ତ ଭାଇ ଓ ଭଉଣୀଙ୍କ ପ୍ରାର୍ଥନା ଦ୍ୱାରା ଆଶୀର୍ବାଦ ଭାବେ ଏକ ଛୋଟ ରୂପରେ ଆମ ପାଖକୁ ଫେରି ଆସିଛି । ଆମ ପ୍ରତି ତାଙ୍କର ଅପାର ଦୟା ପାଇଁ ଆମେ ସବୁବେଳେ ୱାହେଗୁରୁଙ୍କ ନିକଟରେ ଋଣୀ ରହିବୁ ।'
ଏହା ମଧ୍ୟ ପଢନ୍ତୁ: ଶିଶୁପୁତ୍ର ଜନ୍ମଦେଲେ ସିଦ୍ଧୁ ମୁସେୱାଲାଙ୍କ ମାଆ
ଜୁନିଅର ମୁସେୱାଲାଙ୍କୁ ଦେଖି ଫ୍ୟାନ୍ସ ଫିଦା
କହିରଖୁଛୁ କି, ସିଦ୍ଧୁ ମୁସେୱାଲାଙ୍କ ସାନଭାଇଙ୍କ ନାମ ଶୁଭଦୀପ ସିଂ ସିଦ୍ଧୁ । ଯାହା ମୁସୱାଲାଙ୍କର ପ୍ରକୃତ ନାମ । ଜୁନିଅର ମୁସେୱାଲା ଶୁଭଦୀପଙ୍କ ଫଟୋ ସାମ୍ନାକୁ ଆସିବା ପରେ ତାଙ୍କୁ ଦେଖି ଦିୱାନା ହୋଇଛନ୍ତି ଫ୍ୟାନ୍ସ । ଲୋକେ ତାଙ୍କ ପୋଷ୍ଟ ଉପରେ ପ୍ରତିକ୍ରିୟା ଦେଇ ଖୁବ ପ୍ରଶଂସା କରିଛନ୍ତି ଏବଂ ଜୁନିଅର ମୁସେୱାଲା ତାଙ୍କ ବଡ଼ ଭାଇ ସିଦ୍ଧୁ ମୁସେୱାଲାଙ୍କ ପାର୍ବନ କପି ବୋଲି କହୁଛନ୍ତି ।
ଏହା ମଧ୍ୟ ପଢନ୍ତୁ: ଟାଇମ୍ସ ସ୍କୋୟାରରେ ପ୍ରଦର୍ଶିତ ହେଲା ଜୁନିଅର ସିଦ୍ଧୁ ମୁସେୱାଲାଙ୍କ ଫଟୋ
କହିରଖୁଛୁ ଯେ, ମେ 29, 2022 ରେ, ଗାୟକ ସିଦ୍ଧୁ ମୁସେୱାଲାଙ୍କୁ ତାଙ୍କ କାରରେ ମାନସା ଜିଲ୍ଲାର ଜବାହର ଗାଁରେ ଗୁଳି କରି ହତ୍ୟା କରାଯାଇଥିଲା । ଏହି ସମୟରେ ସିଦ୍ଧୁ ମୁସେୱାଲାଙ୍କୁ ମାତ୍ର 28 ବର୍ଷ ହୋଇଥିଲା । ତେବେ ତାଙ୍କ ମୃତ୍ୟୁର ଦୁଇ ବର୍ଷ ପରେ,୨୦୨୪ ମାର୍ଚ୍ଚ ୧୭ରେ ଦିବଙ୍ଗତ ଗାୟକଙ୍କ ପିତାମାତା ସେମାନଙ୍କର ଦ୍ୱିତୀୟ ସନ୍ତାନକୁ ଆଇଭିଏଫ ମାଧ୍ୟମରେ ଜନ୍ମ ଦେଇଥିଲେ । ପିତା ବାଲକୌର ସିଂ ତାଙ୍କ ପିଲାଙ୍କ ସହ ଏକ ଫଟୋ ସେୟାର କରି ଏହି ସୂଚନା ଦେଇଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
