ହାଇଦ୍ରାବାଦ: ମହାନ ହକି ତାରକା ମେଜର ଧ୍ୟାନଚାନ୍ଦଙ୍କ ସମ୍ମନାର୍ଥେ ଆଜି ଦେଶ ପାଳୁଛି ଜାତୀୟ କ୍ରୀଡା ଦିବସ । ଏହି ଅବସରରେ, ପିଲାଠାରୁ ଆରମ୍ଭ କରି ଯୁବକ ପର୍ଯ୍ୟନ୍ତ ସମସ୍ତେ ବାହାରକୁ ଯାଇ ଖେଳକୁ ଉପଭୋଗ କରୁଛନ୍ତି । ବଲିଉଡର ତମାମ ସେଲିବ୍ରିଟି ମଧ୍ୟ ବିଶେଷ ଢଙ୍ଗରେ ଜାତୀୟ କ୍ରୀଡା ଦିବସ ପାଳନ କରିଛନ୍ତି । ବଲିଉଡ ତାରକା ଶିଳ୍ପା ଶେଟ୍ଟୀ ଏବଂ ଜ୍ୟାକି ଶ୍ରଫ ଭାରତୀୟ ଆଥଲେଟମାନଙ୍କୁ ନେଇ ପ୍ରେରଣାଦାୟକ ବାର୍ତ୍ତା ସହ ଭାରତୀୟ ଆଥଲେଟଙ୍କୁ ସମର୍ପିଛନ୍ତି । ସେହିପରି ରକୁଲ ପ୍ରୀତ ସିଂ ଏବଂ ସିଦ୍ଧାର୍ଥ ମଲହୋତ୍ରା ନିଜେ କ୍ରୀଡା ଉପରେ ରୁଚି ଦେଖାଇଛନ୍ତି ।
ସିଦ୍ଧାର୍ଥ ମଲହୋତ୍ରାଙ୍କ ପୋଷ୍ଟ
ବଲିଉଡ ଅଭିନେତା ସିଦ୍ଧାର୍ଥ ମଲହୋତ୍ରା ତାଙ୍କ ଚଳଚ୍ଚିତ୍ର 'କପୁର ଆଣ୍ଡ ସନ୍ସ'ରୁ କିଛି ସ୍ମରଣୀୟ ମୁହୂର୍ତ୍ତ ସେୟାର କରିଛନ୍ତି, ଯେଉଁଥିରେ ସେ କ୍ରିକେଟ୍ ଖେଳୁଥିବାର ନଜର ଆସିଛନ୍ତି । ଥ୍ରୋବ୍ୟାକ୍ ଭିଡିଓ ଏବଂ ସେଟରେ କ୍ରିକେଟ୍ ଉପଭୋଗ କରୁଥିବା ତାଙ୍କର ପୋଷ୍ଟଗୁଡିକ ଏହି ଖେଳ ପ୍ରତି ତାଙ୍କର ଭଲପାଇବାକୁ ଦର୍ଶାଇଛି । ଏହା ସେୟାର କରି ସେ ଲେଖିଛନ୍ତି, ଦିଲ୍ଲୀର ରାସ୍ତାରୁ ଫିଲ୍ମ ସେଟ୍ ପର୍ଯ୍ୟନ୍ତ କ୍ରିକେଟ୍ ପ୍ରତି ମୋର ଭଲପାଇବା ସବୁଦିନ ରହିଆସିଛି ।
ଶିଳ୍ପା ଶେଟ୍ଟୀଙ୍କ ପୋଷ୍ଟ
ସେହିପରି ଶିଳ୍ପା ଶେଟ୍ଟୀ ଏକ ଇନଷ୍ଟାଗ୍ରାମ ଷ୍ଟୋରୀରେ ଏକ ପ୍ରେରଣାଦାୟକ ବାର୍ତ୍ତା ଦେଇ ଏହି ଦିନ ପାଳନ କରିଛନ୍ତି । ତାଙ୍କ ପୋଷ୍ଟରେ ଲେଖାଅଛି, "ଶୁଭ ଜାତୀୟ କ୍ରୀଡା ଦିବସ । କ୍ରୀଡା କେବଳ ଜିତିବା ନୁହେଁ; ଏହା ଆମ ଶରୀର, ଆମ ମନ ଏବଂ ଆତ୍ମାକୁ ପାଳନ କରିବା ବିଷୟରେ, ଏହି କ୍ରୀଡା ଦିବସରେ ଆସନ୍ତୁ ପରସ୍ପରକୁ ପ୍ରେରଣା ଦେବା । ନୂତନ ଉଚ୍ଚତା ଏବଂ ଆମର ଲକ୍ଷ୍ୟ ହାସଲ କରିବା ।"
ଜ୍ୟାକି ଶ୍ରଫଙ୍କ ପୋଷ୍ଟ
ପ୍ୟାରି ଅଲିମ୍ପିକ୍ସ 2024 ରେ ଭାରତୀୟ ଆଥଲେଟମାନଙ୍କ ସଫଳତାକୁ ନେଇ ଜ୍ୟାକି ଶ୍ରଫ ଏକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ଏୟାର ପିସ୍ତଲରେ ମନୁ ଭାକରଙ୍କ ଐତିହାସିକ ବ୍ରୋଞ୍ଜ ଏବଂ ପୁରୁଷ ଜାଭେଲିନ୍ ଥ୍ରୋରେ ନୀରଜ ଚୋପ୍ରାଙ୍କ ରୌପ୍ୟ ସମେତ ଭାରତର 6ଟି ପଦକ ଦେଖାଯାଇଛି । ଶ୍ରଫ ଏହି ଭିଡିଓର କ୍ୟାପସନରେ ଲେଖିଛନ୍ତି, ''ଏହି କ୍ରୀଡା ଦିବସରେ ଅଲିମ୍ପିକ୍ସ ବିଜେତା ଭାରତୀୟ ଆଥଲେଟମାନଙ୍କୁ ମୁଁ ସମ୍ମାନ ଜଣାଉଛି ।''
ଏହା ମଧ୍ୟ ପଢନ୍ତୁ: କାହିଁକି ଆଜିର ଦିନକୁ ଦେଶ ପାଳୁଛି ଜାତୀୟ କ୍ରୀଡା ଦିବସ ? ଜାଣନ୍ତୁ ଇତିହାସ ଏବଂ ମହତ୍ବ
ରକୁଲ ପ୍ରୀତ ସିଂଙ୍କ ପୋଷ୍ଟ
ରକୁଲ ପ୍ରୀତ ସିଂ ତାଙ୍କ ଗଲ୍ଫ ସେସନର ଏକ ଭିଡିଓ ପୋଷ୍ଟ କରି ଫ୍ୟାନ୍ସଙ୍କୁ କ୍ରୀଡ଼ା ପ୍ରତି ଉତ୍ସାହିତ କରିଛନ୍ତି । ସେ ଭିଡିଓରେ ଗଲ୍ଫ ଖେଳୁଥିବାର ନଜର ଆସିଥିବା ବେଳେ ଏହା ସେୟାର କରି ସେ କ୍ୟାପସନରେ ଲେଖିଛନ୍ତି, "ବାହାରକୁ ଯାଅ, ଗଲ୍ଫ ଖେଳ । ଜାତୀୟ କ୍ରୀଡ଼ା ଦିବସର ଶୁଭେଚ୍ଛା ।"
ବ୍ୟୁରୋ ରିପୋର୍ଟ, ଇଟିଭି ଭାରତ
