ହାଇଦ୍ରାବାଦ: ଭାଲେଣ୍ଟାଇନ ସପ୍ତାହରେ ପରଦାକୁ ଆସିଛି ଶାହୀଦ କପୁର ଏବଂ କ୍ରିତି ସାନନଙ୍କ ଫିଲ୍ମ 'ତେରି ବାତୋଁ ମେ ଏସା ଉଲଝା ଜିଆ' । ଏହି ଫିଲ୍ମରେ ଲଭ-ରୋମାନ୍ସ ସହ କମେଡି ଭରପୁର ରହିଥିବା ବେଳେ ଏହାକୁ ଦର୍ଶକ ବେଶ ପସନ୍ଦ କରୁଛନ୍ତି । ଏହାରି ମଧ୍ୟରେ ବର୍ତ୍ତମାନ ନିର୍ମାତା ପ୍ରେମୀ ଯୁଗଳଙ୍କ ପାଇଁ ଏକ ଅଫର୍ ଘୋଷଣା କରିଛନ୍ତି । ଯଦି କେହି ମୁଭି ଡେଟ ପାଇଁ ଯୋଜନା କରୁଥିଲେ 'ତେରି ବାତୋଁ ମେ ଏସା ଉଲଝା ଜିଆ' ଫିଲ୍ମକୁ ଉପଭୋଗ କରିପାରିବେ । ନିର୍ମାତା ପ୍ରେମ ସପ୍ତାହ ପାଇଁ ଫିଲ୍ମର ଟିକେଟ ଗୋଟିଏରେ ଆଉ ଏକ ଟିକେଟ ମାଗଣା ନେଇ ଘୋଷଣା କରିଛନ୍ତି । ସୋସିଆଲ ମିଡିଆ ଜରିଆରେ ଏହି ସୂଚନା ଦେଇଛନ୍ତି ନିର୍ମାତା ।
'ତେରି ବାତୋଁ ମେ ଏସା ଉଲଝା ଜିଆ' ନିର୍ମାତା ମଡୋକ ଫିଲ୍ମସ ନିଜ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରି ପ୍ରେମୀ ଯୁଗଳ ଏବଂ ଦର୍ଶକଙ୍କ ପାଇଁ ଏକ ଅଫର ଘୋଷଣା କରିଛନ୍ତି । ସେ ଲେଖିଛନ୍ତି, 'ଯଦି ନିଜ ସାଥୀ ସହ ମୁଭି ଡେଟର ପ୍ଲାନ କରୁଛନ୍ତି, ତେବେ 'ତେରି ବାତୋଁ ମେ ଏସା ଉଲଝା ଜିଆ'ର ଏହି ଅଫର ସହ ମୁଭି ଡେଟ ଉପଭୋଗ କରିପାରିବେ । ଫିଲ୍ମର ଟିକେଟ ଗୋଟିଏରେ ଆଉ ଏକ ଟିକେଟ ମାଗଣା ରହିଛି । ଏହି ଅଫର ସୀମିତ ସମୟ ପାଇଁ ଅଟେ, ଅର୍ଥାତ୍ ୧୪ ଫେବୃଆରୀ ପର୍ଯ୍ୟନ୍ତ, ଆପଣ ନିଜ ସାଥୀ ସହ ସମାନ ଟିକେଟରେ ଏହି ଫିଲ୍ମ ଦେଖିପାରିବେ ।'
'ତେରି ବାତୋଁ ମେ ଏସା ଉଲଝା ଜିଆ' ଫିଲ୍ମର କଲେକ୍ସନ ବିଷୟରେ କହିବାଦୁ ଗଲେ, ଏହି ଫିଲ୍ମ ବର୍ତ୍ତମାନ ରିଲିଜର ପ୍ରଥମ ସପ୍ତାହ ଶେଷ କରିଛି । ପ୍ରଥମ ସପ୍ତାହ ମଧ୍ୟରେ ଏହି ଫିଲ୍ମ ବିଶ୍ୱରେ ୫୦ କୋଟିରୁ ଅଧିକ ଆୟ କରିଛି । ଅର୍ଥାତ୍ ଏହି ଫିଲ୍ମ ରିଲିଜର ୩ୟ ଦିନ ମଧ୍ୟରେ ବିଶ୍ୱ ବକ୍ସ ଅଫିସରେ ୫୫.୧୦ କୋଟି ଆୟ କରିବାରେ ସଫଳ ହୋଇଛି । ସେହିପରି ଭାରତୀୟ ବକ୍ସ ଅଫିସରେ ଫିଲ୍ମଟି ୨୧.୦୧ କୋଟି ଆୟ କରିଛି ।
ଏହା ମଧ୍ୟ ପଢନ୍ତୁ: ବକ୍ସ ଅଫିସରେ କଡ଼ା ଟକ୍କର: ରଜନୀକାନ୍ତ-ରବି ତେଜା-ସାହିଦଙ୍କ ଫିଲ୍ମ କମାଇଲା ଏତିକି କୋଟି
'ତେରି ବାତୋଁ ମେ ଏସା ଉଲଝା ଜିଆ' ଫିଲ୍ମ ବିଷୟରେ କହିବାକୁ ଗଲେ, ଏହି ଫିଲ୍ମ ଏକ ସାଇନ୍ସ ଫିକ୍ସନ ଚଳଚ୍ଚିତ୍ର । ଏହି ଫିଲ୍ମରେ କ୍ରିତି ସାନନଙ୍କ ସହ ପ୍ରଥମ ଥର ପାଇଁ ଶାହୀଦ କପୁର ନଜର ଆସିଛନ୍ତି । ଏମାନଙ୍କ ବ୍ୟତୀତ ଏହି ଫିଲ୍ମରେ ଧର୍ମେନ୍ଦ୍ର, ଡିମ୍ପଲ୍ କପାଡିଆ, ରାକେଶ ବେଦୀ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି । 'ତେରି ବାତୋଁ ମେ ଏସା ଉଲଝ ଜିଆ'ରେ ଅମିତ ଯୋଶୀ ଏବଂ ଆରଧନା ଶାହା ନିର୍ଦ୍ଦେଶନା ଦେଇଛନ୍ତି । ସେ ଫିଲ୍ମର କାହାଣୀ ମଧ୍ୟ ଲେଖିଛନ୍ତି । ଜିଓ ଷ୍ଟୁଡିଓ ଏବଂ ମାଡୋକା ଫିଲ୍ମସ୍ ମିଳିତ ଭାବେ ଏହି ଫିଲ୍ମ ନିର୍ମାଣ କରିଛନ୍ତି ।
