ହାଇଦ୍ରାବାଦ: ଫ୍ୟାନ୍ସଙ୍କୁ ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଜନ୍ମଦିନ ଭେଟି । ଆଜି ଏପ୍ରିଲ ୮ରେ ରିଲିଜ ହେଲା ଅଲ୍ଲୁ ଅର୍ଜୁନଙ୍କ ବହୁ ପ୍ରତିକ୍ଷୀତ ଫିଲ୍ମ 'ପୁଷ୍ପା ୨'ର ଟିଜର । ଟିଜରଟି ଅତ୍ୟନ୍ତ ରୋମାଞ୍ଚକର ରହିଥିବା ବେଳେ ଏଥିରେ ଅଲ୍ଲୁ ପୁଷ୍ପା ରାଜ ଭୂମିକା ସହ ନୂଆ ଅବତାର ସମସ୍ତଙ୍କ ହୋସ୍ ଉଡାଇଛି । ଫ୍ୟାନ୍ସ ଟିଜରକୁ ବେଶ ପସନ୍ଦ କରିବା ସହ ଅଭିନେତାଙ୍କ ଖୁବ୍ ପ୍ରଶଂସା କରିଛନ୍ତି ଏବଂ ତାଙ୍କୁ ଜନ୍ମଦିନର ଶୁଭକାମନା ଜଣାଇଛନ୍ତି ।
- " class="align-text-top noRightClick twitterSection" data="">
'ପୁଷ୍ପା: ଦ ରୁଲ'ର ଟିଜରରେ ଅଲ୍ଲୁ ଅର୍ଜୁନ ଏକ ନୂଆ ଅବତାରରେ ନଜର ଆସିଛନ୍ତି । ୧ ମିନିଟ୍ ୮ ସେକେଣ୍ଡର ଏହି ଟିଜରରେ ଅଲ୍ଲୁ ଅର୍ଜୁନ ଶାଢୀ, ଅଳଙ୍କାରରେ ଭିନ୍ନ ଲୁକରେ ନଜର ଆସିଛନ୍ତି । କେବଳ ଏତିକି ନୁହେଁ ପୁଷ୍ପା ରାଜଙ୍କ ପାୱାର୍ ପ୍ୟାକ୍ ଆକ୍ସନ ଅବତାର ମଧ୍ୟ ଦେଖିବାକୁ ମିଳିଛି । ତେବେ ଅଲ୍ଲୁଙ୍କ ଜନ୍ମଦିନରେ ଫିଲ୍ମର ଟିଜର ରିଲିଜ ହୋଇଥିବା ବେଳେ ଫ୍ୟାନ୍ସଙ୍କୁ ବଡ ଉପହାର ମିଳିଛି । ଫ୍ୟାନ୍ସ ଟିଜରକୁ ବେଶ ପସନ୍ଦ କରିବା ସହ ଅଭିନେତାଙ୍କୁ ଜନ୍ମଦିନର ଶୁଭକାମନା ଜଣାଇଛନ୍ତି । ସେପଟେ ଏକ୍ସରେ ଟିଜର ସେୟାର କରି ଅଲ୍ଲୁ ଅର୍ଜୁନ ଲେଖିଛନ୍ତି, ''ଜନ୍ମଦିନର ଶୁଭେଚ୍ଛା ପାଇଁ ମୁଁ ସମସ୍ତଙ୍କୁ ଧନ୍ୟବାଦ ଜଣାଉଛି । ଦୟାକରି ଏହି ଟିଜରକୁ ମୋର ଧନ୍ୟବାଦ କହିବାର ଉପାୟ ଭାବରେ ଗ୍ରହଣ କର ।''
'ପୁଷ୍ପା ୨' କେବେ ମୁକ୍ତିଲାଭ କରିବ ?
ଏହି ଫିଲ୍ମ 'ପୁଷ୍ପା: ଦ ରାଇଜ'ର ସିକ୍ବେଲ ଅଟେ । ଏହି ଫିଲ୍ମ ୨୦୨୧ ଡିସେମ୍ବରରେ ମୁକ୍ତିଲାଭ କରିଥିଲା ଏବଂ ବକ୍ସ ଅଫିସ୍ରେ ଧମାକା କରିଥିଲା । ସାରା ବିଶ୍ୱରେ 4000ରୁ ଅଧିକ ସ୍କ୍ରିନ୍ରେ ରିଲିଜ କରିଥିଲା । ଏଥିସହ ବିଶ୍ୱରେ 350.1 କୋଟିରୁ ଅଧିକ ଟଙ୍କା ରୋଜଗାର କରିଥିବାବେଳେ ଭାରତରେ ମୋଟ 267.55 କୋଟି କଲେକ୍ସ କରି ସଫଳତା ହାସଲ କରିଥିଲା । କେବଳ ଏତିକି ନୁହଁ ପୁଷ୍ପା: ଦ ରାଇଜ ପାଇଁ ଅଲ୍ଲୁ ଅର୍ଜୁନଙ୍କୁ ଶ୍ରେଷ୍ଠ ଅଭିନେତା ଭାବେ ଜାତୀୟ ପୁରସ୍କାର ମଧ୍ୟ ମିଳିଥିଲା । ଏହା ପରେ ବର୍ତ୍ତମାନ ଅଲ୍ଲୁ ଅର୍ଜୁନ 'ପୁଷ୍ପା: ଦ ରୁଲ' ସହ ପୁଣି ପରଦାକୁ ଫେରିବାକୁ ପ୍ରସ୍ତୁତ । ତେବେ 'ପୁଷ୍ପା ୨' ଚଳିତ ବର୍ଷ ସ୍ୱାଧୀନତା ଦିବସରେ ଅର୍ଥାତ୍ 15 ଅଗଷ୍ଟ 2024ରେ ବଡ ପରଦାକୁ ଆସିବ ।
ଏହା ମଧ୍ୟ ପଢନ୍ତୁ: ୪୮ ବର୍ଷରେ ଅଲ୍ଲୁ ଅର୍ଜୁନ, ମଧ୍ୟରାତ୍ରିରେ ଘର ବାହାରେ ଜମିଲା ଫ୍ୟାନ୍ସଙ୍କ ମେଳି
'ପୁଷ୍ପା ୨' ଷ୍ଟାର୍ କାଷ୍ଟ
'ପୁଷ୍ପା: ଦ ରୁଲ' ମୈଥ୍ରୀ ଚଳଚ୍ଚିତ୍ର ନିର୍ମାତା ଏବଂ ମୁତ୍ରମଶେଟ୍ଟୀ ମିଡିଆ ଦ୍ବାରା ପ୍ରସ୍ତୁତ ହୋଇଥିବା ବେଳେ ନିର୍ଦ୍ଦେଶକ ସୁକୁମାର ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରରେ ଅଲ୍ଲୁ ଅର୍ଜୁନଙ୍କ ସହ ରଶ୍ମିକା ମନ୍ଦାନା ଏବଂ ଫହାଦ୍ ଫସିଲ ମୁଖ୍ୟ ଭୂମିକାରେ ନଜର ଆସିବେ । ଏଥିସହ ସୁନୀଲ, ଅଜୟ, ରାଓ ରମେଶ, ଅନାସୁୟା ଏବଂ ଅନ୍ୟ କଳାକାରଙ୍କୁ ବି ଦେଖିବାକୁ ମିଳିବ । ଫିଲ୍ମର କାହାଣୀ ବିଷୟରେ କହିବାକୁ ଗଲେ, ଅଲ୍ଲୁ ଅର୍ଜୁନଙ୍କ ଚରିତ୍ରର ପ୍ରାରମ୍ଭିକ ଯାତ୍ରା ପୁଷ୍ପା: ଦ ରାଇଜରେ ପ୍ରଦର୍ଶିତ ହୋଇଥିଲା । ଏହି ଚଳଚ୍ଚିତ୍ରରେ ଅଭିନେତାଙ୍କୁ ଏକ ଲାଲ ଚନ୍ଦନ କାଠ ଚୋରା ଚାଲାଣକାରୀ ଭୂମିକାରେ ଦେଖିବାକୁ ମିଳିଥିଲା, ଯିଏ ଧୀରେ ଧୀରେ ଏକ ବଡ ଚୋରା ଚାଲାଣକାରୀ ହୋଇଯାଏ । ଫଳରେ ପୁଷ୍ପା ରାଜ ଧୀରେ ଧୀରେ ଅନେକ ଶତ୍ରୁଙ୍କ ସମ୍ମୁଖୀନ ହୁଅନ୍ତି । ତେବେ ଅଭିନେତା ପୁଷ୍ପା ୨ରେ ଶତ୍ରୁମାନଙ୍କ ସହ ସଂଘର୍ଷ କରୁଥିବା ଦେଖିବାକୁ ମିଳିବ ।
