ହାଇଦ୍ରାବାଦ: ଫ୍ୟାନ୍ସଙ୍କ ପାଇଁ ଖୁସି ଖବର । ଖୁବଶୀଘ୍ର ଆସୁଛି 'ସାଲାର 2' । ଏନେଇ ନିର୍ମାତା ଆଜି ନିଶ୍ଚିତ କରିଛନ୍ତି । ପ୍ରଭାସଙ୍କ ସହ ନିର୍ମାତା ହୋମ୍ବାଲେ ଫିଲ୍ମସ 'ସାଲାର 2' ଆସିବା ନେଇ କନଫର୍ମ କରିଛନ୍ତି । କେବଳ ଏତିକି ନୁହେଁ 'ସାଲାର 2' ବ୍ୟତୀତ ନିର୍ମାତା ହୋମ୍ବାଲେ ଫିଲ୍ମସ ସହ ପ୍ରଭାସ ଆହୁରି ଦୁଇଟି ଫିଲ୍ମ ପାଇଁ ମଧ୍ୟ ସାଇନ୍ କରିଛନ୍ତି । ଅନ୍ୟ ଦୁଇ ଫିଲ୍ମର ଟାଇଟଲ ଘୋଷଣା କରାଯାଇନାହିଁ । କିନ୍ତୁ ଏହି 3ଟି ଫିଲ୍ମର ରିିଲିଜ ତାରିଖ ଘୋଷଣା ହୋଇଯାଇଛି । ତେବେ କେବେ ରିଲିଜ ହେବ ଫିଲ୍ମ ? ଜାଣନ୍ତୁ,
ନିର୍ମାତା ହୋମ୍ବାଲେ ଫିଲ୍ମସ ସହ 3ଟି ଫିଲ୍ମ ସାଇନ୍ କରିଛନ୍ତି ପ୍ରଭାସ
ହୋମ୍ବାଲେ ଫିଲ୍ମସ ସୋସିଆଲ ମିଡିଆରେ ପ୍ରଭାସଙ୍କ ସହ ସହଭାଗିତା ଘୋଷଣା କରି ଇଣ୍ଡଷ୍ଟ୍ରି ଏବଂ ପ୍ରଶଂସକଙ୍କ ମଧ୍ୟରେ ଉତ୍ସାହ ସୃଷ୍ଟି କରିଛି । ହୋମ୍ବାଲେ ଫିଲ୍ମସ ଏକ ପୋଷ୍ଟ କରିଛନ୍ତି । ଯେଉଁଥିରେ ଲେଖାହୋଇଛି, "ରିବେଲ ଷ୍ଟାର ପ୍ରଭାସଙ୍କ ସହ ମିଶି ଆମେ ଗର୍ବିତ, ତିନି ଚଳଚ୍ଚିତ୍ର ସହଭାଗୀତାରେ ଯାହା ଭାରତୀୟ ସିନେମାର ମହତ୍ତ୍ୱକୁ ପାଳନ କରୁଛି ଏବଂ ଏହାକୁ ବିଶ୍ୱ ସ୍ତରକୁ ନେବାକୁ ଲକ୍ଷ୍ୟ ରଖିଛି । ମଞ୍ଚ ସ୍ଥିର ହୋଇଛି ଏବଂ ଆଗାମୀ ରାସ୍ତା ଅସୀମିତ ରହିଛି, ଯେହେତୁ ଯାତ୍ରା Salaar2 ରୁ ଆରମ୍ଭ ହେଉଛି । ଏହି 3ଟି ଫିଲ୍ମର ରିିଲିଜ ତାରିଖ ପ୍ରକାଶ କରାଯାଇଛି । ସାଲାର 2 2026ରେ ପରଦାକୁ ଆସିବାକୁ ଥିବା ବେଳେ ଅନ୍ୟ ଦୁଇ ଫିଲ୍ମ 2027 ଏବଂ 2028ରେ ରିଲିଜ ହେବ ।
ପୂର୍ବରୁ ଏହି ହିଟ୍ ଫିଲ୍ମ ଦେଇସାରିଛି ହୋମ୍ବାଲେ ଫିଲ୍ମସ
ହୋମ୍ବାଲେ ଫିଲ୍ମସ ପୂର୍ବରୁ କେଜିଏଫ 1, କେଜିଏଫ 2 ଏବଂ ସାଲାର ପାର୍ଟ-1 ଭଳି ଚଳଚ୍ଚିତ୍ର କରିସାରିଛି । ଯାହାର ନିର୍ଦ୍ଦେଶନା ଦେଇଛନ୍ତି ନିର୍ଦ୍ଦେଶକ ପ୍ରଶାନ୍ତ ନୀଲ । ଏହି ସମସ୍ତ ପିଲ୍ମ ବକ୍ସ ଅଫିସରେ ବମ୍ର କଲେକ୍ସନ ସହ ବଲ୍କବ୍ଲଷ୍ଟର ପ୍ରମାଣିତ ହୋଇଥିଲା । ତେବେ ବର୍ତ୍ତମାନ ନିର୍ମାତା ହୋମ୍ବାଲେ ଫିଲ୍ମସ ଅନେକ ହିଟ୍ ଫିଲ୍ମ ଅନ୍ୟ ଭାଗ ପ୍ରସ୍ତୁତ କରୁଛନ୍ତି । 'ସାଲାର ପାର୍ଟ ୨' ସହ 'କାନ୍ତାରା ୨' ଏବଂ 'କେଜିଏଫ୍ 3' ଶୀଘ୍ର ସହ ହୋମ୍ବାଲେ ଫିଲ୍ମସ ଫେରୁଛନ୍ତି । ତେବେ 'କାନ୍ତାରା ୨' ଏବଂ 'କେଜିଏଫ୍ 3' ନେଇ ଅଫିସିଆଲି ଘୋଷଣା କରାଯାଇନାହିଁ । ଖୁବଶୀଘ୍ର ଏହା ଘୋଷଣା ହୋଇପାରେ ।
ଏହା ମଧ୍ୟ ପଢନ୍ତୁ: କଲେକ୍ସନରେ ଟଲିଉଡ ତାରକାଙ୍କ ମଧ୍ୟରେ ପ୍ରଭାସ 1 ନମ୍ବର, Jr NTR-ଅଲ୍ଲୁ ଅର୍ଜୁନକୁ ବି ପକାଇଛନ୍ତି ପଛରେ
'ସାଲାର ପାର୍ଟ-1' ହିଟ୍
ଏହି ଫିଲ୍ମ ଗତବର୍ଷ ଡିସେମ୍ବର ୨୨ରେ ରିଲିଜ ହୋଇଥିଲା । ଫିଲ୍ମଟି ତେଲୁଗୁ, କନ୍ନଡ, ମାଲାୟଲାମ, ତାମିଲ ଓ ହିନ୍ଦୀ ଭାଷାରେ ରିଲିଜ ହୋଇଥିଲା । କେଜିଏଫ, କେଜିଏଫ-୨ ଭଳି ଦମଦାର ଫିଲ୍ମର ନିର୍ଦ୍ଦେଶନା ଦେଇଥିବା ପ୍ରଶାନ୍ତ ନୀଲ 'ସାଲାର'ର ନିର୍ଦ୍ଦେଶନା ଦେଇଛନ୍ତି । ଏହି ଫିଲ୍ମରେ ସୁପରଷ୍ଟାର ପ୍ରଭାସଙ୍କ ସହ ପୃଥ୍ବୀରାଜ ସୁକୁମାରନ, ଶ୍ରୁତି ହାସନ ଏବଂ ଜଗପତି ବାବୁଙ୍କ ପରି ଆଗଧାଡ଼ିର କଳାକାରମାନେ ପ୍ରମୁଖ ଭୂମିକାରେ ନଜର ଆସିଥିଲେ । ଏହି ଫିଲ୍ମ ବର୍ତ୍ତମାନ ୧୮ ଦିନ ମଧ୍ୟରେ ବିଶ୍ବରେ ୭୦୦କୋଟି ଏବଂ ଭାରତରେ ୪୦୦କୋଟି ପାଖାପାଖି ଆୟ କରି ସଫଳତା ହାସଲ କରିଥିଲା । ତେବେ ବର୍ତ୍ତମାନ ନିର୍ମାତା ସାଲାର ପାର୍ଟ 2 ଘୋଷଣା କରି ଫ୍ୟାନ୍ସଙ୍କୁ ଖୁସି ଖବର ଦେଇଛନ୍ତି । ପ୍ରଭାସଙ୍କ ଆଗାମୀ ଫିଲ୍ମ ବିଷୟରେ କହିବାକୁ ଗଲେ, ଖୁବଶୀଘ୍ର ପ୍ରଭାସ 'ରାଜା ସାବ', 'ସ୍ପିରିଟ' ଘୋଷଣା ହୋଇଥିବା ବେଳେ 'କଲ୍କି 2' ରେ ମଧ୍ୟ ନଜର ଆସିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
