ହାଇଦ୍ରାବାଦ: ଅଭିନେତା ତଥା ଗାୟକ ଦିଲଜିତ ଦୋସାଞ୍ଜ ଏବଂ ଅଭିନେତ୍ରୀ ପରିଣୀତି ଚୋପ୍ରାଙ୍କ ଫିଲ୍ମ 'ଅମର ସିଂ ଚମକିଲା' ବର୍ତ୍ତମାନ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି । ଏହି ଫିଲ୍ମ ନେଟଫ୍ଲିକ୍ସରେ ଏପ୍ରିଲ ୧୨ରେ ରିଲିଜ ହୋଇଥିବା ବେଳେ ଅନେକ ପ୍ରଶଂସା ସାଉଁଟୁଛି । ଏହାରି ମଧ୍ୟରେ ବର୍ତ୍ତମାନ ଲୋକପ୍ରିୟ ଦୁଗ୍ଧ କମ୍ପାନୀ ଅମୁଲ ଇଣ୍ଡିଆ ଏକ ସୃଜନଶୀଳ ପୋଷ୍ଟର ମାଧ୍ୟମରେ ଫିଲ୍ମର ପ୍ରଶଂସା ସହ ଅମର ସିଂ ଚମକିଲାଙ୍କୁ ଶ୍ରଦ୍ଧାଞ୍ଜଳି ଜଣାଇଛି ।
ଅମୁଲ ଇଣ୍ଡିଆ ଇନଷ୍ଟାଗ୍ରାମରେ ଏକ ଆନିମେଟେଡ୍ ଇମେଜ୍ ପୋଷ୍ଟ କରିଛି । ଯେଉଁଥିରେ ଅମର ସିଂ ଚମକିଲା ଚଳଚ୍ଚିତ୍ରରେ ଅଭିନୟ କରିଥିବା ପରିଣୀତି ଚୋପ୍ରା ଏବଂ ଦିଲଜିତ୍ ଦୋସାଞ୍ଜଙ୍କ ଏକ ସିନର ଆନିମେଟେଡ୍ ଇମେଜ୍ ଦେଖିବାକୁ ମିଳିଛି । ଏହି ଫଟୋରେ ଅଭିନେତା ମଞ୍ଚରେ ପ୍ରଦର୍ଶନ କରୁଥିବା ବେଳେ ବ୍ରେଡ ଏବଂ ବଟର ଧରି ମାଇକ ଆଗରେ ଗୀତ ଗାଉଥିବା ନଜର ଆସିଛନ୍ତି ଏବଂ ଏହି ଫଟୋରେ ଲେଖାଅଛି, 'ଏକ ଚାମଚ ଖିଲା, ଅମୁଲ ପଞ୍ଜାବ ଦୋ ବଟର ।' ଏଥିସହ ସେ କ୍ୟାପସନରେ ଲେଖିଛନ୍ତି, "ଅମୁଲ୍ ଟପିକାଲ୍: ଦିଲଜିତ୍ ଦୋସାଞ୍ଜ ଇମତିଆଜ୍ ଅଲି ଏବଂ ଏଆର ରେହମାନଙ୍କ ହିଟ୍ ମ୍ୟୁଜିକାଲ୍ ଡ୍ରାମା ଅମର ସିଂ ଚମକିଲାରେ ଧମାକା କରିଛନ୍ତି ।"
- " class="align-text-top noRightClick twitterSection" data="">
ଚମକିଲା' ଫିଲ୍ମ ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ର ପଞ୍ଜାବର ରକଷ୍ଟାର ଅମର ସିଂ ଚମକିଲାଙ୍କ ଜୀବନୀ ଉପରେ ଆଧାରିତ । ଅମର ସିଂ 80 ଦଶକରେ ଦାରିଦ୍ର୍ୟର ଛାୟାରୁ ବାହାରି ନିଜ ସଙ୍ଗୀତରେ ଲୋକପ୍ରିୟତା ସହ ସଫଳତା ହାସଲ କରିଥିଲେ । ତେବେ ଏହି ସମୟରେ ତାଙ୍କୁ ମଧ୍ୟ ଲୋକଙ୍କ ଅସନ୍ତୋଷର ସାମ୍ନା କରିବାକୁ ପଡିଥିଲା । ଯେଉଁ କାରଣରୁ ତାଙ୍କୁ ୨୭ ବର୍ଷ ବୟସରେ ହତ୍ୟା କରାଯାଇଥିଲା । ତାଙ୍କ ସମୟର ସର୍ବାଧିକ ରେକର୍ଡ ବିକ୍ରୟ କଳାକାର ଚମକିଲା ପଞ୍ଜାବର ସର୍ବୋତ୍ତମ ଲାଇଭ୍ ଷ୍ଟେଜ୍ ଅଭିନେତା ଭାବରେ ପରିଗଣିତ ହୁଅନ୍ତି ।
ଏହା ମଧ୍ୟ ପଢନ୍ତୁ: ପରିଣୀତିଙ୍କୁ ପ୍ରଶଂସାରେ ପୋତି ପକାଇଲେ ପ୍ରିୟଙ୍କା, ପୋଷ୍ଟ କରି କହିଲେ ଏମିତି
ତେବେ ଏହି ଫିଲ୍ମ ବର୍ତ୍ତମାନ ନେଟଫ୍ଲିକ୍ସରେ ଷ୍ଟ୍ରିମି୍ଂ ହେଉଥିବା ବେଳେ ଫ୍ୟାନ୍ସ ଠାରୁ ସେଲିବ୍ରିଟି ଅନେକ ଏହାକୁ ପସନ୍ଦ କରିଛନ୍ତି । ନିକଟରେ କାର୍ତ୍ତିକ ଆର୍ଯ୍ୟନ୍, ରାଜକୁମାର ରାଓ, ପ୍ରିୟଙ୍କା ଚୋପ୍ରା ଏବଂ ତ୍ରିପ୍ତି ଡିମ୍ରି ଏହି ଚଳଚ୍ଚିତ୍ର ଉପରେ ପ୍ରତିକ୍ରିୟା ଦେଇ ଖବ ପ୍ରଶଂସା କରିଥିଲେ । କହିରଖୁଛୁ କି, ଇମତିଆଜ ଅଲିଙ୍କ ନିର୍ଦ୍ଦେଶିତ 'ଚମକିଲା' ଦିଲଜିତ ଦୋସାଞ୍ଜ ଅମର ସିଂ ଭୂମିକାରେ ଅଭିନୟ କରୁଥିବାବେଳେ ପରିଣୀତି ଚୋପ୍ରା ଅମର ସିଂଙ୍କ ପତ୍ନୀ ଅମରଜୋତ କୌରଙ୍କ ଭୂମିକାରେ ଅଭିନୟ କରିଛନ୍ତି । ଏହି ଫିଲ୍ମ ସହ ପରିଣୀତି ଏବଂ ଦିଲଜିତ ପ୍ରଥମ ଥର ପାଇଁ ଏକାଠି ସ୍କ୍ରିନ ସେୟାର କରିଛନ୍ତି ।
