ମୁମ୍ବାଇ: ଫ୍ୟାନ୍ସଙ୍କ ଅପେକ୍ଷାର ହେବ ଅନ୍ତ । ଖୁବଶୀଘ୍ର ରିଲିଜ ହେବାକୁ ଯାଉଛି ଚଳଚ୍ଚିତ୍ର 'ଅମର ସିଂ ଚମକିଲା' । ଏହି ଫିଲ୍ମରେ ମୁଖ୍ୟ ଭୂମିକାରେ ବଲିଉଡ ଅଭିନେତ୍ରୀ ପରିଣୀତି ଚୋପ୍ରା ଏବଂ ପଞ୍ଜାବୀ ଗାୟକ ତଥା ଅଭିନେତା ଦିଲଜିତ ଦୋସାଞ୍ଜ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ତେବେ ଏହି ଫିଲ୍ମ ବଡ ପରଦାରେ ନୁହଁ ବରଂ ଓଟିଟିରେ ଏପ୍ରିଲ ୧୨ ତାରିଖରେ ରିଲିଜ ହେବ । ଆଉ ଏହା ପୂର୍ବରୁ ପରିଣୀତି ତାଙ୍କ କୋ-ଷ୍ଟାର ଦିଲଜିତ ଦୋସାଞ୍ଜ ଓ ଫିଲ୍ମ ନିର୍ଦ୍ଦେଶକ ଇମତିଆଜ ଅଲିଙ୍କ ପ୍ରଶଂସା କରିଛନ୍ତି । ତେବେ ଫିଲ୍ମ ରିଲିଜରୁ ନେଇ ଅଭିନେତ୍ରୀ ଉତ୍ସାହିତ ଅଛନ୍ତି ।
ପରିଣୀତି ନିକଟରେ ତାଙ୍କ ଇନଷ୍ଟାଗ୍ରାମରେ ଫ୍ୟାନ୍ସ ଓ ଫଲୋର୍ସଙ୍କ ପାଇଁ ତାଙ୍କର ବହୁ ପ୍ରତୀକ୍ଷିତ ଫିଲ୍ମ ଅମର ସିଂ ଚମକିଲାର ବିଟିଏସ ଫଟୋ ସେୟାର କରିଥିଲେ । ଏଥିସହ ସେ ତାଙ୍କ କୋଷ୍ଟାର ଦିଲଜିତ ଦୋସାଞ୍ଜ ଓ ନିର୍ଦ୍ଦେଶକଙ୍କ ପାଇଁ ଏକ ସୁନ୍ଦର କ୍ୟାପସନ ମଧ୍ୟ ଦେଇଥିଲେ । ସେ କ୍ୟାପସନରେ ଲେଖିଥିଲେ,' ମୁଁ ଚମକିଲା ପାଇଁ ବହୁତ ଖୁସି ଅଛି । ଇମତିଆଜ ସାର, ଆପଣଙ୍କ ନର୍ଦ୍ଦେଶନା ବହୁତ ଭଲ ଥିଲା । ସେହି ଦିଲଜିତ ମଧ୍ୟ ବହୁତ କଳାକାର ଥିଲେ । ସେଟର ସବୁ ସମୟ ବହୁତ ଭଲ ଥିଲା । ଏହି ଫିଲ୍ମର ସୁଟିଂ ଅନ୍ୟ ଫିଲ୍ମ ତୁଳନାରେ ବହୁତ ଉପରେ । କାରଣ ଏଥିରେ ମତେ ଅଭିନୟ ସହିତ ଗୀତ ଗାଇବାର ମଧ୍ୟ ସୁଯୋଗ ମିଳିଲା । ଏହି ୨ଟି ଜିନିଷକୁ ନେଇ ମୁଁ ବହୁତ ଖୁସି ଅଛି ।’
'ଚମକିଲା' ଫିଲ୍ମ ବିଷୟରେ କହିବାକୁ ଗଲେ, ଏହି ଚଳଚ୍ଚିତ୍ର ପଞ୍ଜାବର ରକଷ୍ଟାର ଅମର ସିଂ ଚମକିଲାଙ୍କ ଜୀବନୀ ଉପରେ ଆଧାରିତ । ଅମର ସିଂ 80 ଦଶକରେ ଦାରିଦ୍ର୍ୟର ଛାୟାରୁ ବାହାରି ନିଜ ସଙ୍ଗୀତରେ ଲୋକପ୍ରିୟତା ସହ ସଫଳତା ହାସଲ କରିଥିଲେ । ତେବେ ଏହି ସମୟରେ ତାଙ୍କୁ ମଧ୍ୟ ଲୋକଙ୍କ ଅସନ୍ତୋଷର ସାମ୍ନା କରିବାକୁ ପଡିଥିଲା । ଯେଉଁ କାରଣରୁ ତାଙ୍କୁ ୨୭ ବର୍ଷ ବୟସରେ ହତ୍ୟା କରାଯାଇଥିଲା ।
ଏହା ମଧ୍ୟ ପଢନ୍ତୁ- ଓଟିଟିରେ ରିଲିଜ ହେବ ପରିଣୀତି-ଦିଲଜିତଙ୍କ 'ଚମକିଲା', ଏହି ଦିନ ହେବ ଷ୍ଟ୍ରିମିଂ
କହିରଖୁଛୁ କି, ଇମତିଆଜ ଅଲିଙ୍କ ନିର୍ଦ୍ଦେଶିତ 'ଚମକିଲା' ଦିଲଜିତ ଦୋସାଞ୍ଜ ଅମର ସିଂ ଭୂମିକାରେ ଅଭିନୟ କରୁଥିବା ବେଳେ ପରିଣୀତି ଚୋପ୍ରା ଅମର ସିଂଙ୍କ ପତ୍ନୀ ଅମରଜୋତ କୌରଙ୍କ ଭୂମିକାରେ ଅଭିନୟ କରିଛନ୍ତି । ଏହି ଫିଲ୍ମ ସହ ପରିଣୀତି ଏବଂ ଦିଲଜିତ ପ୍ରଥମ ଥର ପାଇଁ ଏକାଠି ସ୍କ୍ରିନ ସେୟାର କରିବାକୁ ଯାଉଛନ୍ତି । ନିକଟରେ ଫିଲ୍ମର ଟିଜରକୁ ଲୋକେ ବେଶ ପସନ୍ଦ କରିଥିବା ବେଳେ ଏହି କାହାଣୀ ଲୋକଙ୍କ ମନକୁ ଛୁଇଁବ ବୋଲି ଆଶାବାଦୀ ଫିଲ୍ମର ପୁରା ଟିମ ।
