ହାଇଦ୍ରାବାଦ: ବଲିଉଡର ନବ ବିବାହିତ ଦମ୍ପତି ରକୁଲ ପ୍ରୀତ ସିଂ ଏବଂ ଜ୍ୟାକି ଭାଗ୍ନାନୀ ବର୍ତ୍ତମାନ ବିବାହ ପରେ ପରିବାର ସହ ଧାର୍ମିକ ଯାତ୍ରାରେ ବାହାରିଛନ୍ତି । ପ୍ରଥମେ ପଞ୍ଜାବ ଅମୃତସରର ସ୍ୱର୍ଣ୍ଣ ମନ୍ଦିର ପରିଦର୍ଶନ ପରେ ଏବେ ଗୌହାଟୀରେ ପହଞ୍ଚିଛନ୍ତି ଦମ୍ପତି । ସେଠାରେ ରକୁଲ ଏବଂ ଜ୍ୟାକି ନିଜ ପରିବାର ସହ ମାଆ କାମାକ୍ଷା ଦେବୀଙ୍କ ଦର୍ଶନ କରି ଆଶୀର୍ବାଦ ଲୋଡିଛନ୍ତି । ସୋସିଆଲ ମିଡିଆରେ ଉଭୟେ ଫଟୋ ପୋଷ୍ଟ କରି ଫ୍ୟାନ୍ସଙ୍କ ଏ ସମ୍ପର୍କରେ ଜଣାଇଛନ୍ତି ।
ରକୁଲ ଏବଂ ଜ୍ୟାକି ନିଜ ଇନଷ୍ଟାଗ୍ରାମ ଷ୍ଟୋରୀରେ କାମାକ୍ଷା ମନ୍ଦିର ଦର୍ଶନର ଝଲକ ଦେଖାଇଛନ୍ତି । ଗୋଟିଏ ପଟୋରେ ରକୁଲ ଏବଂ ଜ୍ୟାକିଙ୍କୁ ଦେଖିବାକୁ ମିଳିଥିବା ବେଳେ ଅନ୍ୟଟିରେ ପୁରା ପରିବାର ସହ ଉଭୟ ପୋଜ ଦେଇଥିବାର ନଜର ଆସିଛନ୍ତି । ଏହି ଫଟୋ ସେୟାର କରି କ୍ୟାପସନରେ ହାତ ଯୋଡିବା ଇମୋଜି ସହ ଆଶୀର୍ବାଦ ବୋଲି ଲେଖିଛନ୍ତି । ତେବେ ଫଟୋକୁ ଫ୍ୟାନ୍ସ ସମେତ ସେଲିବିଟି ବେଶ ପସନ୍ଦ କରିଛନ୍ତି ।
ସୂଚନା ଥାଉ କି, ଫେବୃଆରୀ ୨୧ରେ ଗୋଆରେ ରାଜକୀୟ ଶୈଳୀରେ ବିବାହ କରିଥିଲେ । ପ୍ରଥମେ ରକୁଲ ଏବଂ ଜ୍ୟାକି ଆନନ୍ଦ କାରଜ(ଶିଖ) ଏବଂ ପରେ ସିନ୍ଧି ରୀତିନୀତି ସହ ଦୁଇ ଥର ବିବାହ କରିଥିଲେ । ଶିଖ ରୀତିନୀତିରେ ଅପରାହ୍ନରେ ବିବାହ କରିଥିବା ବେଳେ ସନ୍ଧ୍ୟା ସମୟରେ ସିନ୍ଧି ରୀତିନୀତିରେ ଉଭୟଙ୍କ ହାତଗଣ୍ଠି ପଡିଥିଲା । ଏହି ବିବାହ ଉତ୍ସବରେ ଅନେକ ବି-ଟାଉନ ତାରକା ସାମିଲ ହୋଇଥିଲେ । ଅନନ୍ୟା ପାଣ୍ଡେ, ଆଦିତ୍ୟ ରୟ କପୁର, ସାହିଦ କପୁର, ମୀରା ରାଜପୁତ, ବରୁଣ ଧୱନ, ନତାଶା, ଶିଳ୍ପା ଶେଟ୍ଟୀ, ରାଜ କୁନ୍ଦ୍ରା, ଆୟୁଷ୍ମାନ ଖୁରାନା, ତାହିରା କଶ୍ୟପଙ୍କ ସହ ବଲିଉଡର ସେଲିବ୍ରିଟିମାନେ ସାମିଲ ହୋଇଥିଲେ ।
ଏହା ମଧ୍ୟ ପଢନ୍ତୁ: ବିବାହ ପରେ ସ୍ୱର୍ଣ୍ଣ ମନ୍ଦିର ପରିଦର୍ଶନ କଲେ ରକୁଲ-ଜ୍ୟାକି
ୱାର୍କପ୍ରଣ୍ଟ କଥା କହିବାକୁ ଗଲେ, ରକୁଲଙ୍କୁ କମଲ ହାସନଙ୍କ ଫିଲ୍ମ 'ଇଣ୍ଡିଆନ ୨'ରେ ଦେଖିବାକୁ ମିଳିବ । ଏହି ଫିଲ୍ମ ଉଦୟନିଧି ଷ୍ଟାଲିନ ଏବଂ ଏ ସୁବାସ୍କରନଙ୍କ ଦ୍ୱାରା ନିର୍ମିତ ହୋଇଥିବାବେଳେ ନିର୍ଦ୍ଦେଶକ ଏସ୍ ଶଙ୍କର ଫିଲ୍ମର ନିର୍ଦ୍ଦେଶନା ଦେଇଛନ୍ତି । ଏହି ଚଳଚ୍ଚିତ୍ରରେ ରକୁଲ ଏବଂ କମଲଙ୍କ ବ୍ୟତୀତ ନୟନତାରା, କାଜଲ ଅଗ୍ରୱାଲ, ସିଦ୍ଧାର୍ଥ, ପ୍ରିୟା ଭବାନୀ ଶଙ୍କରଙ୍କ ସହ ଅନେକ ତାରକା ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମର ରିଲିଜ୍ ତାରିଖ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ । ସେପଟେ ଜ୍ୟାକିଙ୍କ କଥା କହିବାକୁ ଗଲେ, ସେ ତାଙ୍କ ଆଗାମୀ ପ୍ରଡକ୍ସନ ଫିଲ୍ମ 'ବଡେ ମିୟାଁ ଛୋଟେ ମିୟାଁ'ର ରିଲିଜର ଅପେକ୍ଷାରେ ରହିଛନ୍ତି । ଏଥିରେ ଅକ୍ଷୟ କୁମାର, ଟାଇଗର ଶ୍ରଫ, ସୋନାକ୍ଷୀ ସିହ୍ନା ନଜର ଆସିବେ ।
ଏହା ମଧ୍ୟ ପଢନ୍ତୁ: ସାତଜନ୍ମର ସାଥୀ ହେଲେ ରକୁଲ-ଜ୍ୟାକି, ସାମ୍ନାକୁ ଆସିଲା ବିବାହ ଫଟୋ
