ହାଇଦ୍ରାବାଦ: ଅପେକ୍ଷାର ହେଲା ଅନ୍ତ । ରିିଲିଜ ହେଲା ଆଲିଆ ଭଟ୍ଟଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଜିଗ୍ରା'ର ଟ୍ରେଲର । ଏହି ଚଳଚ୍ଚିତ୍ରରେ ଆଲିଆଙ୍କ ସହ ବେଦାଙ୍ଗ ରାଇନା ଅଭିନୟ କରିଥିବା ବେଳେ ଉଭୟ ଭାଇ ଭଉଣୀ ଭୂମିକାରେ ଅଭିନୟ କରିଛନ୍ତି । ଟ୍ରେଲରରେ ସେ ନିଜ ଭାଇଙ୍କ ପାଇଁ ଯେକୌଣସି ସ୍ତରକୁ ଯିବାକୁ ପ୍ରସ୍ତୁତ ଆଲିଆ । ତେବେ ଫିଲ୍ମଟି ଭାଇ ଭଉଣୀ ନିଆରା କାହାଣୀ ଉପରେ ଆଧାରିତ ହୋଇଥିବା ବେଳେ ଆଲିଆଙ୍କ ଦମଦାର ଅଭିନୟ ଦେଖିବେ ଦର୍ଶକ । ଟ୍ରେଲରକୁ ଲୋକେ ବେଶ ପସନ୍ଦ କରିଥିବା ବେଳେ ଉତ୍ସାହର ସହ ଫିଲ୍ମକୁ ଅପେକ୍ଷା କରିଛନ୍ତି ।
'ଜିଗ୍ରା' ଟ୍ରେଲର
ଏହି ଚଳଚ୍ଚିତ୍ରଟି ଦୁଇ ଭାଇଭଉଣୀ ଅଙ୍କୁର (ବେଦାଙ୍ଗ ରାଇନା) ଏବଂ ଆଲିଆ ଭଟ୍ଟ (ସତ୍ୟା) ଙ୍କ ଉପରେ ଆଧାରିତ । ଟ୍ରେଲରରେ ଦର୍ଶାଯାଇଛି ଯେ ସତ୍ୟାଙ୍କ ଭାଇ ଡ୍ରଗ୍ସ ମାମଲାରେ ଫସି ରହିଛନ୍ତି। ଅଙ୍କୁର ତାଙ୍କ ଭଉଣୀଠାରୁ ଦୂରରେ ଏକ ବିଦେଶରେ ଅଛନ୍ତି । ଉଭୟ ଅନାଥ । ନିଜ ଭାଇକୁ ବଞ୍ଚାଇବାକୁ ସତ୍ୟାଙ୍କ ପାଖରେ ମାତ୍ର ତିନି ମାସ ଥିବା ବେଳେ ସେ କିପରି ସବୁ ସଂଘର୍ଷର ସାମ୍ନା କରି ତାଙ୍କୁ ରକ୍ଷା କରୁଛନ୍ତି । ସେ ନିଜ ଭାଇର ସୁରକ୍ଷା କବଚ ସାଜି ଯେକୌଣସି ସ୍ତରକୁ ଯିବାକୁ ପ୍ରସ୍ତୁତ ହୋଇଛନ୍ତି ଆଲିଆ । ତାହା ଦର୍ଶାଯାଇଛି । ଭାଇ ଉଭଣୀ ଉପରେ ଆଧାରିତ ଏହି ନିଚ୍ଛକ କାହାଣୀକୁ ଲୋକେ ପସନ୍ଦ କରିବେ ବୋଲି ଆଶାବାଦୀ ନିର୍ମାତା ।
ଏହା ମଧ୍ୟ ପଢନ୍ତୁ: ପ୍ୟାରିସ୍ ଫ୍ୟାଶନ ୱିକରେ ଡେବ୍ୟୁ କଲେ ଆଲିଆ, ମେଟାଲ୍ ଡ୍ରେସରେ ରାମ୍ପରେ ଲଗାଇଲେ ଚାର୍ ଚାନ୍ଦ୍
ଏହି ଦିନ ପରଦାକୁ ଆସିବ 'ଜିଗ୍ରା'
ଆଲିଆ ଇନଷ୍ଟାଗ୍ରାମରେ ତାଙ୍କର ଆଗାମୀ ଚଳଚ୍ଚିତ୍ରର ଟ୍ରେଲର ସେୟାର କରି କ୍ୟାପସନରେ ଲେଖିଛନ୍ତି, “ସବୁ ସେଟ୍ ହୋଇଛି, ଜିଗ୍ରା ଥିଏଟର ଟ୍ରେଲର ରିଲିଜ ହୋଇଛି । ଏବେ ଆପଣଙ୍କୁ 11 ଅକ୍ଟୋବରରେ ଥିଏଟରକୁ ଯିବାକୁ ହେବ ।'' କହିରଖୁଛୁ କି, ଏହି ଚଳଚ୍ଚିତ୍ର ମାଧ୍ୟମରେ ଆଲିଆ ଭଟ୍ଟ ପ୍ରଥମ ଥର ପାଇଁ ନିର୍ମାତା ଭାବରେ କରଣ ଜୋହରଙ୍କ ସହ ହାତ ମିଳାଇଛନ୍ତି । ଏହି ଚଳଚ୍ଚିତ୍ରଟି ଧର୍ମା ପ୍ରଡକ୍ସନ୍ସ ଏବଂ ଆଲିଆଙ୍କ ଇଣ୍ଟରନାଲ ସନ୍ସାଇନ ପ୍ରଡକ୍ସନ୍ ହାଉସ୍ ଦ୍ୱାରା ନିର୍ମିତ । ଆଲିଆ ଭଟ୍ଟ କେବଳ 'ଜିଗ୍ରା' ପ୍ରଡ୍ୟୁସ୍ କରୁନାହାଁନ୍ତି, ବରଂ ତାଙ୍କୁ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ମଧ୍ୟ ଦେଖିବାକୁ ମିଳିବ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଭସନ ବାଲା । ତେବେ ଦଶହରା ଅବସରରେ ଆସନ୍ତା ମାସରେ ଏହି ଫିଲ୍ମ ରିଲିଜ ହେବ ।
ଏହା ମଧ୍ୟ ପଢନ୍ତୁ: 'ବିକି ବିଦ୍ୟା କା ୱୋ ୱାଲା ଭିଡିଓ'ର ଟ୍ରେଲର ଆଉଟ୍, ରୋମାନ୍ସ ସହ କମେଡି ତଡକା ଲଗାଇଲେ ରାଜକୁମାର-ତ୍ରିପ୍ତୀ
ତିପ୍ତି ଡିମ୍ରୀଙ୍କ ସହ ଆଲିଆଙ୍କ କଡ଼ା ଟକ୍କର
ସୂଚନା ଥାଉ କି, ଅକ୍ଟୋବର 11 ରେ ପ୍ରେକ୍ଷାଳୟରେ 'ଜିଗ୍ରା' ମୁକ୍ତିଲାଭ କରିବ । ସେହି ଦିନ ରାଜକୁମାର ରାଓ ଏବଂ ତ୍ରିପ୍ତୀ ଡିମ୍ରିଙ୍କ ଅଭିନୀତ 'ବିକି ବିଦ୍ୟା କା ୱୋ ୱାଲା ଭିଡିଓ' ମଧ୍ୟ ରିିଲିଜ ହେଉଛି । ତେବେ ଉଭୟ ଫିଲ୍ମ ମଧ୍ୟରେ କଡା ଟକ୍କର ଦେଖିବାକୁ ମିଳିବ । 'ବିକି ବିଦ୍ୟା କା ୱୋ ୱାଲା ଭିଡିଓ' ଏକ କମେଡି ଫ୍ୟାମିଲି ଡ୍ରାମା ଫିଲ୍ମ ହୋଇଥିବା ବେଳେ କେଉଁ ଫିଲ୍ମ ଦର୍ଶକଙ୍କୁ ବାନ୍ଧି ରଖିବ । ତାହା ଦେଖିବାକୁ ବାକି ରହିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
