ହାଇଦ୍ରାବାଦ: ସାଜିଦ ନାଦିଆଡୱାଲା ଏବଂ ଅକ୍ଷୟ କୁମାର ସମସ୍ତେ 'ହାଉସଫୁଲ 5' ସହ ପୁଣି ହାଉସଫୁଲ ଫ୍ରାଞ୍ଚାଇଜ ସହ ଧମାକା କରିବାକୁ ଯାଉଛନ୍ତି । ନିକଟରେ ଏହି ଫିଲ୍ମର ଘୋଷଣା କରାଯାଇଥିବା ବେଳେ ଦୀର୍ଘ ଦିନ ଧରି ଫିଲ୍ମ ବିଷୟରେ ଆଲୋଚନା ହୋଇଆସୁଛି । ବର୍ତ୍ତମାନ ଫିଲ୍ମକୁ ନେଇ ଏକ ଅପଡେଟ୍ ସାମ୍ନାକୁ ଆସିଛି । ଫିଲ୍ମରେ ଗୋଟିଏ କିମ୍ବା ଦୁଇଟି ନୁହେଁ ବରଂ 5 ହିରୋଇନ୍ ରହିବେ ବୋଲି ଜଣାପଡିଛି । ତେବେ ସେହି ପାଞ୍ଚ ହସିନା କେଉଁମାନେ ? ଚାଲନ୍ତୁ ଜାଣିବା,
Housefull 5 : we are back !!! My besties !!!! @akshaykumar @juniorbachchan @NGEMovies #SajidNadiadwala @Tarunmansukhani pic.twitter.com/W579GSQZGQ
— Riteish Deshmukh (@Riteishd) May 6, 2024
'ହାଉସଫୁଲ 5'ରେ ଏହି 5 ଜଣ ଅଭିନେତ୍ରୀଙ୍କ ଏଣ୍ଟ୍ରି
ହାଉସଫୁଲର ଷ୍ଟାର କାଷ୍ଟ ବିଷୟରେ କହିବାକୁ ଗଲେ, ଏଥିରେ ଅଭିନେତା ଅକ୍ଷୟ କୁମାର, ରିତିଶ ଦେଶମୁଖ, ଅଭିଷେକ ବଚ୍ଚନ, ସଞ୍ଜୟ ଦତ୍ତ, ଫରଦ୍ଦିନ ଖାନ, ନାନା ପାଟେକର, ଚଙ୍କି ପାଣ୍ଡେ, ଜ୍ୟାକି ଶ୍ରଫ ଏବଂ ଦିନୋ ମୋରା ଅଛନ୍ତି । ଏପରି ସମୟରେ ବର୍ତ୍ତମାନ 5 ଅଭିନେତ୍ରୀଙ୍କ ଏଣ୍ଟ୍ରି ହୋଇଥିବା କୁହାଯାଉଛି । ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍, ନର୍ଗିସ୍ ଫାଖ୍ରୀ, ସୋନମ ବାଜୱା, ଚିତ୍ରାଙ୍ଗନ୍ଦା ସିଂ ଏବଂ ସୌନ୍ଦର୍ଯ୍ୟା ଶର୍ମା ମଧ୍ୟ ନଜର ଆସିବେ ବୋଲି ଜଣାପଡିଛି । ଖବର ଅନୁଯାୟୀ, ହାଉସଫୁଲ୍ 5 ର ସୁଟିଂ ସେପ୍ଟେମ୍ବର 15 ରୁ ଲଣ୍ଡନରେ ଆରମ୍ଭ ହେବ, ଯାହା 45 ଦିନର କାର୍ଯ୍ୟସୂଚୀ ହେବ ଏବଂ ଫିଲ୍ମ ଏକ ବଡ଼ ଧରଣର କମେଡି ପରିପୂର୍ଣ୍ଣ ରହିବ ବୋଲି କୁହାଯାଉଛି ।
ପୂର୍ବରୁ ବକ୍ସ ଅଫିସରେ ଧମାଲ କରିଛି 'ହାଉସଫଲ' ସିକ୍ୱେଲ
କହିରଖୁଛୁ କି, ପୂର୍ବରୁ 'ହାଉସଫୁଲ୍' ର ପ୍ରଥମ ଭାଗ ଠାରୁ ଆରମ୍ଭ କରି ଚତୁର୍ଥ ଭାଗ ବକ୍ସ ଅଫିସରେ ସୁପରହିଟ୍ ହେବା ସହ ଦର୍ଶକଙ୍କୁ ବହୁତ ପସନ୍ଦ ଆସିଥିଲା ।
- ହାଉସଫୁଲ୍ (୨୦୧୦)- ଷ୍ଟାର କାଷ୍ଟ - ଅକ୍ଷୟ କୁମାର, ରିତେଶ ଦେଶମୁଖ, ଅର୍ଜୁନ ରାମପାଲ, ଦୀପିକା ପାଦୁକୋନ, ଜ୍ୟାକଲିନ ଫର୍ଣ୍ଣାଣ୍ଡିଜ, ଜିଆ ଖାନ, ଲାରା ଦତ୍ତା, ବୋମାନ ଇରାନୀ, ଚଙ୍କି ପାଣ୍ଡେ ।
- ହାଉସଫୁଲ୍ ୨ (୨୦୧୨)- ଷ୍ଟାର କାଷ୍ଟ- ଅକ୍ଷୟ କୁମାର, ଜନ୍ ଆବ୍ରାହମ୍, ରିତେଶ ଦେଶମୁଖ, ଶ୍ରେୟସ ତଲପଡେ, ଶାଜାହାନ୍ ପଦ୍ମଶ୍ରୀ, ଜ୍ୟାକଲିନ ଫର୍ଣ୍ଣାଣ୍ଡିଜ, ଆସିନ, ଜରିନ ଖାନ, ଋଷି ଏବଂ ରନ୍ଧୀର କପୁର, ବୋମନ ଇରାନୀ, ମିଥୁନ ଚକ୍ରବର୍ତ୍ତୀ, ଜନି ଲିଭର, ଚଙ୍କି ପାଣ୍ଡେ ।
- ହାଉସଫୁଲ୍ ୩ (୨୦୧୬)- ଷ୍ଟାର କାଷ୍ଟ - ଅକ୍ଷୟ କୁମାର, ରିତେଶ ଦେଶମୁଖ, ଅଭିଷେକ ବଚ୍ଚନ, ଜ୍ୟାକଲିନ ଫର୍ଣ୍ଣାଣ୍ଡିଜ, ଲିସା ହେଡନ, ନର୍ଗିସ୍ ଫାଖ୍ର, ଜ୍ୟାକି ଶ୍ରଫ, ଚଙ୍କି ପାଣ୍ଡେ, ବୋମନ ଇରାନୀ ।
- ହାଉସପୁଲ୍ ୪ (୨୦୧୯)- ଷ୍ଟାର୍ କାଷ୍ଟ୍ - ଅକ୍ଷୟ କୁମାର, ବବି ଦେଓଲ, ରିତେଶ ଦେଶମୁଖ, କ୍ରିତି ସାନନ, କ୍ରିତି ଖାରବନ୍ଦା, ପୂଜା ହେଗଡେ, ଚଙ୍କି ପାଣ୍ଡେ, ରଣଜିତ୍, ଜନି ଲିଭର, ନୱାଜୁଦ୍ଦିନ ସିଦ୍ଦିକି, ଅର୍ଚ୍ଚନା ପୁରାଣ ସିଂ, ସାଉଥ ଅଭିନେତା ରାଣା ଡଗ୍ଗୁବତି ।
ଏହି ଦିନ ପରଦାକୁ ଆସିବ ଫିଲ୍ମ
ସାଜିଦ ନାଦିଆଡୱାଲାଙ୍କ ଦ୍ୱାରା ହାଉସଫୁଲ୍ ୫ ନିର୍ମିତ ହେଉଥିବା ବେଳେ ତରୁଣ ମନସୁଖାନି ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେବେ । ତରୁଣ ପୂର୍ବରୁ ଡ୍ରାଇଭ୍, ଦୋସ୍ତାନା, କଭି ଅଲବିଦା ନା କେହନା ଏବଂ ମାଇ ନେମ ଇଜ ଖାନ ଭଳି ଚଳଚ୍ଚିତ୍ରରେ ସହକାରୀ ନିର୍ଦ୍ଦେଶକ ଭାବେ କାମ କରିଛନ୍ତି । ଏହି ଚଳଚ୍ଚିତ୍ରଟି 6 ଜୁନ୍ 2025 ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି । ପୂର୍ବ ଫିଲ୍ମ ପରି ଏହି ଫିଲ୍ମ ମଧ୍ୟ ଧମାକା କରିବ ବୋଲି ଆଶା ।
