ମୁମ୍ବାଇ: ଅଭିନେତ୍ରୀ ତଥା ସୋସିଆଲ ମିଡିଆ ସେନ୍ସସେସନ ପୁନମ ପାଣ୍ଡେଙ୍କ ଦେହାନ୍ତ । ଅଭିନେତ୍ରୀ ଗର୍ଭାଶୟ କର୍କଟରେ ଆଖି ବୁଜିଛନ୍ତି । ପୁନମଙ୍କ ଅଫିସିଆଲ ସୋସିଆଲ ମିଡିଆ ହ୍ୟାଣ୍ଡେଲରେ ଏକ ପୋଷ୍ଟ ସେୟାର କରି ଏହି ସୂଚନା ଦିଆଯାଇଛି । ତେବେ ଅଭିନେତ୍ରୀଙ୍କ ଦେହାନ୍ତ ଖବର ଶୁଣି ସମସ୍ତଙ୍କୁ ଆଶ୍ଚର୍ଯ୍ୟ କରିଥିବା ବେଳେ ଇଣ୍ଡଷ୍ଟ୍ରି ଏବଂ ଫ୍ୟାନ୍ସଙ୍କ ମହଲରେ ଶୋକର ଛାୟା ଖେଳିଯାଇଛି ।
ପୁନମ ପାଣ୍ଡେଙ୍କ ମ୍ୟାନେଜର ପକ୍ଷରୁ ତାଙ୍କ ଅଫିସିଆଲ୍ ଇନଷ୍ଟାଗ୍ରାମରେ ଏକ ପୋଷ୍ଟ ସେୟାର କରାଯାଇ ତାଙ୍କ ଦେହାନ୍ତ ଖବର ନେଇ ସୂଚନା ଦିଆଯାଇଛି । ଏହି ପୋଷ୍ଟରେ ଲେଖାଅଛି ଯେ, 'ଆଜି ସକାଳ ଆମ ପାଇଁ କଷ୍ଟସାଧ୍ୟ । ଆପଣଙ୍କୁ ଏହି ଖବର ଜଣାଇ ଆମେ ଅତ୍ୟନ୍ତ ଦୁଃଖିତ ଯେ ଆମର ପ୍ରିୟ ପୁନମ ଏହି ଦୁନିଆରେ ଆଉ ନାହାନ୍ତି । ସେ କର୍କଟ ରୋଗରେ ପୀଡିତ ଥିବା ବେଳେ ଆଜି ସକାଳେ ସେ ପ୍ରାଣ ହରାଇଛନ୍ତି । ଏହି ଦୁଃଖଦ ସମୟରେ, ଆମେ ଗୋପନୀୟତା ପାଇଁ ଅନୁରୋଧ କରୁଛୁ । ଆମେ ତାଙ୍କ ସହ ବିତାଇଥିବା ପ୍ରତ୍ୟେକ ମୁହୂର୍ତ୍ତକୁ ସ୍ମରଣ ରଖିବୁ ।'
ଏହି ପୋଷ୍ଟ ସେୟାର ହେବା ମାତ୍ରେ ଫ୍ୟାନ୍ସ ଆଶ୍ଚର୍ଯ୍ୟ ହେବା ସହ ଦୁଃଖ ପ୍ରକାଶ କରିଛନ୍ତି । ଏହି ସମୟରେ ଅନେକ ଫ୍ୟାନ୍ସ ଅଭିନେତ୍ରୀଙ୍କ ହଠାତ ମୃତ୍ୟୁକୁ ନେଇ ବିଶ୍ବାସ କରିପାରୁନାହାନ୍ତି । ଜଣେ ଫ୍ୟାନ ଲେଖିଛନ୍ତି, ଆଶା କରୁଛି ଏହା ଫେକ୍ ପୋଷ୍ଟ ନୁହେଁ । ଅନ୍ୟ ଜଣେ ଫ୍ୟାନ ପ୍ରଶ୍ନ କରିଛନ୍ତି ଯେ, ପୁନମଙ୍କ ଆକାଉଣ୍ଟ ହ୍ୟାକ୍ ହୋଇଛି କି ? ଆଉ ଜଣେ କହିଛନ୍ତି, ତୁମେ ଆମକୁ ଏକୁଟିଆ କାହିଁକି ଛାଡି ଚାଲିଗଲ ?
ଏହା ମଧ୍ୟ ପଢନ୍ତୁ: କୁକୁର ପରି ପିଟୁଥିଲେ ଖାଇବାକୁ ଦେଉନଥିଲେ ସ୍ବାମୀ, ଦୁଃଖ ବଖାଣି କହିଲେ ପୁନମ ପାଣ୍ଡେ
ପୁନମ ପାଣ୍ଡେ ଜଣେ ଲୋକପ୍ରିୟ ମଡେଲ ଥିଲେ । ସେ ୨୦୧୩ରେ ଫିଲ୍ମ 'ନଶା' ସହ ବଲିଉଡରେ ଡେବ୍ୟୁ କରିଥିଲେ । ଏଥିସହ ୨୦୧୧ରେ, କ୍ରିକେଟ୍ ବିଶ୍ବକପ୍ ଫାଇନାଲ୍ ପୂର୍ବରୁ ପୁନମ ଏକ ଭିଡିଓ ସେୟାର କରି ଚର୍ଚ୍ଚାରେ ରହିଥିଲେ । ଯେଉଁଥିରେ ଅଭିନେତ୍ରୀ କହିଥିଲେ ଯେ ଯଦି ଭାରତ ଏହି ମ୍ୟାଚ୍ ଜିତେ ତେବେ ସେ ଡ୍ରେସ ଖୋଲି ଦେବେ । ଏହି କାରଣରୁ ସେ ବହୁତ ଲାଇମଲାଇଟରେ ରହିବା ସହ ବିବାଦରେ ମଧ୍ୟ ଛନ୍ଦି ହୋଇଥିଲେ । ପୁନମ୍ ସାମ ବମ୍ବେଙ୍କୁ ବିବାହ କରି ଶିରୋନାମାରେ ରହିଥିଲେ । ୨୦୨୦ରେ ବିବାହ ପରେ ସେ ଘରୋଇ ହିଂସାର ମଧ୍ୟ ଶିକାର ହୋଇଥିଲେ । ସେ ତାଙ୍କ ସ୍ବାମୀ ସାମ ବମ୍ବେଙ୍କ ନାଁରେ ଏହି ଅଭିଯୋଗ ଆଣିଥିଲେ । ଏହା ପରେ ଉଭୟଙ୍କ ବିବାହ ତିଷ୍ଠି ନଥିଲା । ତେବେ ସେ ଅନେକ ମ୍ୟୁଜିକ୍ ଭିଡିଓରେ ମଧ୍ୟ ଅଭିନୟ କରିଛନ୍ତି । ପୁନମ ପାଣ୍ଡେଙ୍କୁ ଶେଷ ଥର ପାଇଁ କଙ୍ଗନା ରାଣାୱତଙ୍କ ରିଆଲିଟି ଶୋ' ଲକଅପ ସିଜନ ୧ରେ ଦେଖିବାକୁ ମିଳିଥିଲା ।
