ହାଇଦ୍ରାବାଦ: ହଲିଉଡ୍ ଜଗତରେ ଶୋକର ଛାୟା । ହଲିଉଡ ଅଭିନେତା ଡନ୍ ମୁରେଙ୍କ ଦେହାନ୍ତ ହୋଇଛି । ବସ୍ ଷ୍ଟପ ଏହଂ ନଟ୍ସ ଲ୍ୟାଣ୍ଡିଂ ଚଳଚ୍ଚିତ୍ରରେ ଅଭିନୟ କରି ସେ ଦର୍ଶକଙ୍କ ମନ ଜିଣିପାରିଥିଲେ । ତେବେ 94 ବର୍ଷ ବୟସରେ ତାଙ୍କର ପରଲୋକ ହୋଇଛି । ଡନଙ୍କ ଦେହାନ୍ତ ନେଇ ତାଙ୍କ ପୁଅ ଖ୍ରୀଷ୍ଟୋଫର ସୂଚନା ଦେଇଛନ୍ତି । ତେବେ ତାଙ୍କର ମୃତ୍ୟୁର କାରଣ ସ୍ପଷ୍ଟ ହୋଇପାରି ନଥିବା ବେଳେ ବାର୍ଦ୍ଧକ୍ୟ ଯୋଗୁଁ ମୃତ୍ୟୁ ହୋଇଥିବା କେତେକ ମିଡିଆ ରିପୋର୍ଟରେ କୁହାଯାଇଛି ।
ଡନ ଛାଡି ଯାଇଥିବା ଛାପକୁ ମନେ ପକାଉଛନ୍ତି ପ୍ରଶଂସକ । ତାଙ୍କ ଦେହାନ୍ତରେ ହଲିଉଡ ଜଗତରେ ଶୋକର ଛାୟା ଖେଲିଯାଇଛି । ବ୍ୟୁରୋଗାର୍ଡ ବ୍ୟୁ ଡେକର ଭାବେ ଅଭିନୟ କରି ସେ ଓସ୍କାର ପାଇଁ ମନୋନୀତ ହୋଇଥିଲେ । ଲୋଗନ ବସ ଷ୍ଟପରେ ମନୋରିଓ ସାଲୋନ ଗାୟିକା ଚେରିଙ୍କ ସହ ପ୍ରେମରେ ପଡିଥିଲେ । ଏହା ଓ୍ବିଲିୟମ ଇଙ୍ଗେ ନାଟକର ଏକ ରୂପାନ୍ତରଣ ଥିଲା । ସେ ଦଶନ୍ଧି ଧରି ହଲିଉଡ ସହିତ ଜଡିତ ହୋଇ ରହିଥିଲେ । ଟେଲିଭିଜନ ଏବଂ ମଞ୍ଚରେ ପୁରୋହିତ, ନିଶା ସେବକ, ସମଲିଙ୍ଗୀ ସିନେଟର ଏବଂ ଅନ୍ୟ ଚରିତ୍ରରେ ମଧ୍ୟ ଅଭିନୟ କରିଥିଲେ ।
ଏହା ମଧ୍ୟ ପଢନ୍ତୁ: ୫୦ ବର୍ଷ ବୟସରେ ଆଖି ବୁଜିଲେ ହଲିଉଡ ଅଭିନେତା ଆଲେକ ମୁସର
ହେଟଫୁଲ ଅଫ ରେନ(1957), ସେକ ହେଣ୍ଡ ଓ୍ବିଥ ଦ ଡେଭିଲ(1959), ଓ୍ବାନ ଫୁଟ ଇନ ହେଲ୍(1960), ହେମ୍ଡଲୁମ ପ୍ରାଇଷ୍ଟ(1961), ଆଡଭାଇଡ ଆଣ୍ଡ କନସେଣ୍ଟ(1962) ଭଳି ଅନେକ ହିଟ ଚଳଚ୍ଚିତ୍ରରେ ସେ ଅଭିନୟ କରିଛନ୍ତି । 1929 ମସିହା ଜୁଲାଇ 31 ତାରିଖରେ କାର୍ଲିଫର୍ଣ୍ଣିଆ ଲସଏଞ୍ଜଲସରେ ଜନ୍ମ ହୋଇଥିବା ଡନ୍ 1951 ମସିହାରେ ଟେନିସ ଓ୍ବିଲିୟମଙ୍କ ରୋଜ ଟେଟୁରେରେ ଡେବ୍ୟୁ କରିଥିଲେ । ଏହାପରେ 1955 ମସିହାରେ ଦ ସ୍କିନ ଅପ ଅବର ଟିଥ ମଞ୍ଚଳରେ ନିଜର କଳାର ଯାଦୁ ଦେଖାଇଥିଲେ । ଏହା ବ୍ୟତୀତ ଟେଲିଭିଜନ ଧାରା ବାହିକ ଆଇଟକାଷ୍ଟ(1968-1969), ନଟ୍ସ ଲ୍ୟାଣ୍ଡିଂ(1979-81) ଏବଂ ଟ୍ବିନ ପିକ୍ସ(2017)ରେ ମଧ୍ୟ ଅଭିନୟ କରିଥିଲେ ।
ଡନ୍ ମୁରେ ଦୁଇ ଜଣଙ୍କୁ ବିବାହ କରିଥିଲେ । ସେ ପ୍ରଥମେ ହେପ ଲାଙ୍ଗେଙ୍କ ସହ ବିବାହ କରିଥିଲେ । ବସଷ୍ଟପରେ ଅଭିନୟ ସମୟରେ ପ୍ରେମରେ ପଡିବା ପରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ । କିନ୍ତୁ ପ୍ରେମ ବିବାହ ଅଧିକ ଦିନ ତିଷ୍ଠି ପାରି ନଥିଲା । ଏହା ପରେ ସେ 1962 ମସିହାରେ ଅଭିନେତ୍ରୀ ବେଟି ଜନସନଙ୍କୁ ବିବାହ କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
