ରାୟପୁର: ସାରା ଦେଶ ନବରାତ୍ରୀ ପୂଜାରେ ମସଗୁଲ ଥିବା ବେଳେ ଛତିଶଗଡରେ ସୁରକ୍ଷାକର୍ମୀଙ୍କୁ ମିଳିଛି ବଡ ସଫଳତା । ସୁରକ୍ଷାକର୍ମୀ -ନକ୍ସଲ ମଧ୍ୟରେ ଗୁଳି ବିନିମୟରେ ଟଳିଲେ 36 ନକ୍ସଲ । ଆଜି ଦିନ 1ଟା ସମୟରେ ନାରାୟଣପୁର ଓ ଦନ୍ତେୱାଡା ସୀମାର ଅବୁଝାମାଡର ଥୁଲଥୁଲି ଓ ତେନ୍ଦୁର ଗାଁ ମଝିରେ ଏହି ଏନକାଉଣ୍ଟର ହୋଇଛି । ଏନେଇ ସୂଚନା ଦେଇଛନ୍ତି ଦନ୍ତେୱାଡା ଏସପି ଗୌରବ ରାୟ । ସମସ୍ତ ମୃତଦେହକୁ ଜବତ କରିଛି ପୋଲିସ । ଏନକାଉଣ୍ଟରରେ ଟଳିଥିବା 36 ନକ୍ସଲଙ୍କ ମଧ୍ୟରୁ ମୋଷ୍ଟୱାଣ୍ଟେଡ କମଳେଶ ବି ଅଛି । ଯାହା ଉପରେ ସରକାର 8 ଲକ୍ଷର ପୁରସ୍କାର ରାଶି ଘୋଷଣା କରିଥିଲେ ।
ନାରାୟଣପୁର ଓ ଦନ୍ତେୱାଡା ସୀମାରେ ଏନକାଉଣ୍ଟର:
Chhattisgarh: 30 naxals killed so far in the encounter with Police in Maad area on Narayanpur-Dantewada border. A huge amount of automatic weapons recovered. Search operation is underway. Further details awaited. pic.twitter.com/3tweIUd6YX
— ANI (@ANI) October 4, 2024
ଦନ୍ତେୱାଡା ଏସପି ଗୌରବ ରାୟଙ୍କ ସୂଚନା ଅନୁସାରେ, ଆଜି ଦିନ 1ଟା ବେଳକୁ ଗୁଳି ବିନିମୟ ଆରମ୍ଭ ହୋଇଥିଲା । ଉଭୟ ପଟୁ ଗୁଳିମାଡ ହୋଇଥିଲା । ଏଥିରେ ବର୍ତ୍ତମାନ ସୁଦ୍ଧା 36 ନକ୍ସଲଙ୍କ ମୃତ୍ୟୁ ନେଇ ସୂଚନା ଦେଇଛନ୍ତି ବସ୍ତର ଆଇଜିପି ସୁନ୍ଦରରାଜ ପି ।
ଟଳିଲା ମୋଷ୍ଟୱାଣ୍ଟେଡ କମଳେଶ:
ସୁରକ୍ଷାକର୍ମୀଙ୍କ ଏହି ଏନକାଉଣ୍ଟରରେ ବଡ ସଫଳତା ମିଳିଛି । ସୁରକ୍ଷାକର୍ମୀଙ୍କ ନିଜ ହଜାଇ ଦେଇଥିଲା କମଳେଶଙ୍କୁ ମଧ୍ୟ ଏନକାଉଣ୍ଟର କରିଛନ୍ତି ସୁରକ୍ଷାକର୍ମୀ । କମଳେଶ ଉପରେ 8 ଲକ୍ଷର ପୁରସ୍କାର ରାଶି ଘୋଷଣା କରିଥିଲେ ସରକାର ।
#WATCH | Chhattisgarh CM Vishnu Deo Sai says, " ...it's a big operation. i congratulate all the police personnel and i bow to their valour... naxalism is taking its last breath... naxalism is certainly going to be eliminated from the state...union home minister amit shah has… https://t.co/ZOQjtz46YP pic.twitter.com/a40R6Wgn0b
— ANI (@ANI) October 4, 2024
ଜବତ ହେଲା AK-47:
ଏନକାଉଣ୍ଟର ପରେ ଘଟଣାସ୍ଥଳରୁ ବିପୁଳ ପରିମାଣରେ ଅସ୍ତ୍ରଶସ୍ତ୍ର ଜବତ ହୋଇଛି । ସେଥିରେ ଘାତକ ବନ୍ଧୁକ AK-47 ସହ SLR ମଧ୍ୟ ଜବତ କରିଛନ୍ତି ସୁରକ୍ଷାକର୍ମୀ । ଏବେବି ଜଙ୍ଗଲରେ ସର୍ଚ୍ଚ ଅପରେସନ ଜାରି ରହିଛି । ଏନେଇ ସୂଚନା ଦେଇଛନ୍ତି ଏସପି । ତେବେ ଜଙ୍ଗଲରେ ନକ୍ସଲ ଛପି ରହିଥିବା ଖବର ପାଇଥିଲେ ସୁରକ୍ଷାକର୍ମୀ । ଏହାପରେ ଆରମ୍ଭ ହୋଇଥିଲା ସର୍ଚ୍ଚ ଅପରେସନ ।
ଗୁଳି ବର୍ଷା କଲେ ନକ୍ସଲ ଜବାବ ଦେଲେ ସୁରକ୍ଷାକର୍ମୀ:
ସର୍ଚ୍ଚ ଅପରେସନ ଚାଲିଥିବା ବେଳେ ସୁରକ୍ଷାକର୍ମୀଙ୍କ ଉପରେ ଗୁଳି ଚଳାଇଥିଲେ ନକ୍ସଲ । ଏହାର ପାଲଟା ଜବାବ ଦେଇଥିଲେ ସୁରକ୍ଷାକର୍ମୀ । ପରେ ନାରାୟଣପୁର ଓ ଦନ୍ତାୱାଡା ମିଳିତ ଭାବେ ଆକ୍ରମଣ କରିଥିଲେ । ଉଭୟ ପକ୍ଷରୁ ଗୁଳି ବିନିୟମ ହୋଇଥିଲା । ଏଥିରେ ରିଜର୍ଭ ଗାର୍ଡ, ଏସଟିଏଫ ମଧ୍ୟ ସାମିଲ ଥିଲେ । ଏନକାଉଣ୍ଟର ସଫଳତା ନେଇ ସୁରକ୍ଷାକର୍ମୀଙ୍କୁ ପ୍ରଶଂସା କରିଛନ୍ତି ଗୃହମନ୍ତ୍ରୀ ବିଜୟ ଶର୍ମା ।
