ନୂଆଦିଲ୍ଲୀ: ଆଜି ଜମ୍ମୁ-କାଶ୍ମୀରରେ ଶପଥ ଗ୍ରହଣ କରିବ ଓମାର ଅବଦୁଲ୍ଲା ସରକାର । ମୁଖ୍ୟମନ୍ତ୍ରୀ ଭାବେ ‘ଏନସି’ ଉପାଧ୍ୟକ୍ଷ ଓମାର ଓବଦୁଲ୍ଲା ଶପଥ ଗ୍ରହଣ କରିବେ । ମାତ୍ର ଏହାରି ମଧ୍ୟରେ ଏକ ବଡ ଅପଡେଟ୍ ସାମ୍ନାକୁ ଆସିଛି । ଓମାର କ୍ୟାବିନେଟରେ କଂଗ୍ରେସକୁ ସ୍ଥାନ ନମିଳିପାରେ । ସୂତ୍ରରୁ ମିଳିଥିବା ସୂଚନା ଅନୁସାରେ, କଂଗ୍ରେସର କୌଣସି ବିଧାୟକ ସରକାରରେ ମନ୍ତ୍ରୀ ହେବେ ନାହିଁ, ମାତ୍ର ଦଳ (କଂଗ୍ରେସ) ବାହାରୁ ‘ଏନସି’କୁ ସମର୍ଥନ ଜାରି ରଖିବ ।
ତେବେ ଏପରି ନଷ୍ପତ୍ତି ସମ୍ପର୍କରେ ଉଭୟ ଦଳ କିଛି ପ୍ରକାଶ କରିନାହାନ୍ତି । ମାତ୍ର ଶପଥ ଗ୍ରହଣ ସମାରୋହର ମାତ୍ର କିଛି ଘଣ୍ଟା ପୂର୍ବରୁ ସୂତ୍ରରୁ ଏହି ସୂଚନା ମିଳିଛି । ଆଜି ହେବାକୁ ଥିବା ଶପଥ ଗ୍ରହଣ ସମାରୋହରେ କଂଗ୍ରେସ ହାଇକମାଣ୍ଡ ମଲ୍ଲିକାର୍ଜୁନ ଖଡଗେ ଓ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଅଂଶଗ୍ରହଣ କରୁଛନ୍ତି ।
- ବାହାରୁ ସମର୍ଥନ ଦେବ କଂଗ୍ରେସ, ସରକାର ଚଳାଇବ ‘ଏନସି’
ଦୀର୍ଘ ୧୦ ବର୍ଷ ପରେ ହୋଇଥିବା ନିର୍ବାଚନରେ କଂଗ୍ରେସ ଓ ଏନସି ଏକାଠି ନିର୍ବାଚନ ଲଢିଥିଲେ । ‘ଏନସି’ ଅପେକ୍ଷାକୃତ ଭଲ ପ୍ରଦର୍ଶନ କରିଥିବା ବେଳେ କଂଗ୍ରେସର ପ୍ରଦର୍ଶନ ଚର୍ଚ୍ଚା ଅନୁସାରେ,ନୈରାଶ୍ୟଜନକ ଥିଲା । ଜମ୍ମୁ-କାଶ୍ମୀରରେ ବିଧାନସଭା ମଣ୍ଡଳୀ ସୀମା ପୁନଃନିର୍ଦ୍ଧାରଣର ନୂଆ ସମୀକରଣ ଅନୁସାରେ ୯୦ରୁ ୪୫ ଆସନ ସଂଖ୍ୟା ଗରିଷ୍ଠତା ପାଇଁ ଆବଶ୍ୟକ । ଓମାରଙ୍କ ‘ଏନସି’ ୪୨ ଆସନରେ ଜିତି ଏକକ ସଂଖ୍ୟାଗରିଷ୍ଠତା ଠାରୁ ସାମାନ୍ୟ ପଛରେ ରହିଛି ।
#WATCH | Srinagar, Jammu and Kashmir: Posters being put up outside Srinagar airport to welcome Lok Sabha LoP and Congress leader Rahul Gandhi
— ANI (@ANI) October 16, 2024
He will attend the swearing-in ceremony of J&K CM-designate Omar Abdullah today. pic.twitter.com/ZXX5boNVDY
- କଂଗ୍ରେସକୁ ଜିତିଛି ୬ ଆସନ
‘ଏନସି’ ସହ ଏକାଠି ନିର୍ବାଚନ ଲଢିଥିବା କଂଗ୍ରେସ ୬ଟି ଆସନ ଜିତିଛି । ତେଣୁ ସରକାର ଗଠନ କରିବା ଦିଗରେ କଂଗ୍ରେସର ସହଯୋଗ ଏନସି ପାଇଁ ନିହାତି ଆବଶ୍ୟକ । ତେବେ କଂଗ୍ରେସ ସରକାରରୁ ବାହାରେ ରହିବା କାରଣ ସମ୍ପର୍କରେ କୌଣସି ନିର୍ଦ୍ଦିଷ୍ଟ ଦିଗ ମଧ୍ୟ ସାମ୍ନାକୁ ଆସିନି । କିନ୍ତୁ କଂଗ୍ରେସ ସମର୍ଥନରେ ଓମାର ଆଜି ଶପଶ ଗ୍ରହଣ କରିବା ଏକପ୍ରକାର ସ୍ପଷ୍ଟ ।
#WATCH | Srinagar: Ahead of the swearing-in ceremony, Jammu and Kashmir CM-designate Omar Abdullah says, " i have some strange distinctions. i was the last chief minister to serve a full six-year term. now i'll be the first chief minister of the union territory of j&k. the last… pic.twitter.com/ETraUfgly1
— ANI (@ANI) October 16, 2024
ଏହା ମଧ୍ୟ ପଢନ୍ତୁ :- ୬ ବର୍ଷ ପରେ ଜାମ୍ମୁ-କାଶ୍ମୀରରୁ ହଟିଲା ରାଷ୍ଟ୍ରପତି ଶାସନ, ଆରମ୍ଭ ହେବ ଅବଦୁଲ୍ଲା ଯୁଗ ସମ୍ପତ୍ତି ୨୯ ହଜାର, ମୁଣ୍ଡ ଉପରେ ୨ ଲକ୍ଷ ଋଣ: ଡୋଡାରୁ ବିଜୟୀ, କିଏ ଏହି ଆପ ପ୍ରାର୍ଥୀ ? |
- ଦ୍ବିତୀୟଥର ପାଇଁ ମୁଖ୍ୟମନ୍ତ୍ରୀ ହେବେ ଓମାର ଓବଦୁଲ୍ଲା
୨୦୧୪ ରେ କାଶ୍ମୀରରେ ଶେଷ ଥର ପାଇଁ ବିଧାନସଭା ନିର୍ବାଚନ ହୋଇଥିଲା । ଚଳିତଥର ପୂର୍ବତନ ମୁଖ୍ୟମନ୍ତ୍ରୀ ତଥା ‘ଏନସି’ ଉପାଧ୍ୟକ୍ଷ ଓମାର ଅବଦୁଲ୍ଲା ପୁଣି ଥରେ ମୁଖ୍ୟମନ୍ତ୍ରୀ ହେବାକୁ ଯାଉଛନ୍ତି । ଏନସି- କଂଗ୍ରେସ ଏକାକୀ ନିର୍ବାଚନ ଲଢିଥିବା ବେଳେ ମିଳିତ ଭାବେ 48 ଆସନ ବହୁମତ ହାସଲ କରିଛନ୍ତି । ଭାରତୀୟ ଜନତା ପାର୍ଟି (ବିଜେପି) ଦ୍ବିତୀୟ ବୃହତ୍ତମ ଦଳ ଭାବେ 29 ଆସନ ସହ ବିରୋଧୀ ଦଳ ଭୂମିକାରେ ରହିବାକୁ ବାଧ୍ୟ ହୋଇଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
