ହାଇଦ୍ରାବାଦ : ଦକ୍ଷିଣ ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହୋଇଛି । ଏହା ଅବପାତରେ ରୂପ ନେବାର ସମ୍ଭାବନା ରହିଛି । ଆସନ୍ତା 48 ଘଣ୍ଟା ମଧ୍ୟରେ ଏହା ଉତ୍ତର ତାମିଲନାଡୁ, ପଡୁଚେରୀ ଓ ଦକ୍ଷିଣ ଆନ୍ଧ୍ରପ୍ରଦେଶ ଆଡକୁ ଅଗ୍ରସର ହୋଇପାରେ । ଏହାର ପ୍ରଭାବରେ ଆନ୍ଧ୍ରପ୍ରଦେଶ, ତାମିଲନାଡୁ ଓ କର୍ଣ୍ଣାଟକରେ ତୁହାକୁ ତୁହା ବର୍ଷା ଜାରି ରହିଛି । ଗତ ୨ ଦିନ ହେବ ପ୍ରବଳ ବର୍ଷା ଲାଗି ରହିବା କାରଣକୁ ଜନଜୀବନ ଅସ୍ତବ୍ୟସ୍ତ ହୋଇପଡିଛି ।
ବର୍ଷା ପାଇଁ ତାମିଲନାଡୁରେ ସ୍କୁଲ ଛୁଟି:
ଲଘୁଚାପ ପ୍ରଭାବରେ ଚେନ୍ନାଇରେ ବର୍ଷା ଲାଗି ରହିଛି । ଚେନ୍ନାଇ ସମେତ ଉତ୍ତର ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ ୨ ଦିନ ପର୍ଯ୍ୟନ୍ତ ପ୍ରବଳ ବର୍ଷା ନେଇ ସତର୍କ କରାଯାଇଛି । ଫଳରେ ତିରୁଭାଲୁର, କାଞ୍ଚିପୂରମ ଓ ଚେଙ୍ଗେଲାପାଟୁ ଜିଲ୍ଲାରେ ସ୍କୁଲ ଓ କଲେଜକୁ ଆଜି ପାଇଁ ଛୁଟି ଘୋଷଣା କରିଛନ୍ତି ସରକାର । ଆଇଟି ସଂସ୍ଥାଗୁଡ଼ିକ ସେମାନଙ୍କ କର୍ମଚାରୀଙ୍କୁ ଅକ୍ଟୋବର 15 ରୁ 18 ପର୍ଯ୍ୟନ୍ତ ଘରେ କାମ କରିବାକୁ ଅନୁମତି ଦେବାକୁ କହିଛନ୍ତି ମୁଖ୍ୟମନ୍ତ୍ରୀ । ତାମିଲନାଡୁର ୯ଟି ଜିଲ୍ଲାରେ ରେଡ ଆଲର୍ଟ ଜାରି କରାଯାଇଛି ।
ଏହା ମଧ୍ୟ ପଢନ୍ତୁ-୯ ଜିଲ୍ଲାକୁ ବିଜୁଳି ଘଡ଼ଘଡ଼ି ସତର୍କ, ଦଶହରାରେ କେମିତି ରହିବ ପାଗ ?
ଆନ୍ଧ୍ରରେ ବନ୍ୟା ସ୍ଥିତି:
ଅନ୍ୟପଟେ ଲଘୁଚାପ ଯୋଗୁଁ ଆନ୍ଧ୍ରପ୍ରଦେଶର ଅନେକ ଜିଲ୍ଲାରେ ପ୍ରବଳ ବର୍ଷା ଜାରି ରହିଛି। କୃଷ୍ଣା, ପ୍ରକାଶମ, ନେଲୋର, ବିଶାଖାପାଟଣା ଏବଂ ଅନ୍ୟାନ୍ୟ ଜିଲ୍ଲାରେ ବର୍ଷା ଲାଗି ରହିଛି । ସୋମବାର ସକାଳରୁ ନେଲୋର ଜିଲ୍ଲାରେ ଲଗାତାର ବର୍ଷା ହେତୁ ତଲିଆ ଅଞ୍ଚଳରେ ବନ୍ୟା ପରିସ୍ଥିତି ସୃଷ୍ଟି ହୋଇଛି । ମତ୍ସ୍ୟଜୀବୀଙ୍କୁ ସମୁଦ୍ର ଭିତରକୁ ଯିବାକୁ ଜିଲ୍ଲା ପ୍ରଶାସନ ପକ୍ଷରୁ ବାରଣ କରାଯାଇଛି । ଆନ୍ନାମୟା ଜିଲ୍ଲାର ଅନେକ ଅଞ୍ଚଳରେ ବର୍ଷା ହେଉଥିବାରୁ ଜିଲ୍ଲାପାଳ ଶ୍ରୀଧର ଜିଲ୍ଲାର ଶିକ୍ଷାନୁଷ୍ଠାନରେ ଛୁଟି ଘୋଷଣା କରିଛନ୍ତି । ଜରୁରୀକାଳିନ ପରିସ୍ଥିତିର ମୁକାବିଲା ପାଇଁ ପୋଲିସ, ପଞ୍ଚାୟତ ରାଜ, ଜଳସେଚନ ଏବଂ ଆର ଆଣ୍ଡ ବି ଅଧିକାରୀଙ୍କୁ ସତର୍କ ରହିବାକୁ ନିର୍ଦ୍ଦେଶ ଦେଇଛନ୍ତି ସରକାର । ପ୍ରଭାବିତ ଜିଲ୍ଲାମାନଙ୍କରେ SDRF ଏବଂ NDRF ଦଳକୁ ନିୟୋଜିତ କରାଯାଇଛି । କଚା ଘରେ ରହୁଥିବା ଲୋକମାନଙ୍କୁ ସୁରକ୍ଷିତ ସ୍ଥାନକୁ ପଠାଇ ଦିଆଯାଇଛି ।
କର୍ଣ୍ଣାଟକରେ ହାଇ ଆଲର୍ଟ:
ବଙ୍ଗୋପସାଗର ଏବଂ ଆରବ ସାଗରରେ ଘୂର୍ଣ୍ଣିଝଡ଼ ପ୍ରଭାବରେ କର୍ଣ୍ଣାଟକ ଉପକୂଳ ଜିଲ୍ଲା ଗୁଡ଼ିକରେ ପ୍ରବଳ ବର୍ଷା ହୋଇଛି । ରାଜ୍ୟ ରାଜଧାନୀ ବାଙ୍ଗାଲୁରୁ ସମେତ ବିଭିନ୍ନ ଜିଲ୍ଲାରେ ପ୍ରବଳ ବର୍ଷା ରେକର୍ଡ କରକାଯାଇଛି । ଆସନ୍ତା ୧୭ ତାରିଖରେ ରାଜ୍ୟର ୧୧ଟି ଜିଲ୍ଲା ପାଇଁ ଅରେଞ୍ଜ ଆଲର୍ଟ ଜାରି କରିଛି ପାଣିପାଗ ବିଭାଗ । ଅକ୍ଟୋବର ୧୭ ତାରିଖ ଏବଂ ୧୮ ତାରିଖ ଦୁଇ ଦିନ କର୍ଣ୍ଣାଟକ ପାଇଁ ଆଲର୍ଟ ଜାରି ହୋଇଛି । ଦକ୍ଷିଣ କନ୍ନଡ, ଉତ୍ତର କନ୍ନଡ, ଉଡୁପି, କୋଡାଗୁ, ସିମୋଗା, ତୁମକୁର, ଚିକାମାଙ୍ଗାଲୁରୁ ଏବଂ ରାମ ନଗର ଜିଲ୍ଲାରେ ବର୍ଷା ହୋଇପାରେ । ସେହିପରି ବାଙ୍ଗାଲୁରୁ ସହର ଏବଂ ବାଙ୍ଗାଲୁରୁ ରୁରାଲ୍ ଅଞ୍ଚଳ ପାଇଁ ମଧ୍ୟ ଆଲର୍ଟ ଜାରି କରାଯାଇଛି ।
ଓଡ଼ିଶାରେ ପଡ଼ିବ କି ପ୍ରଭାବ ?
(A) Well Marked Low Pressure Area over Central Part of South Bay of Bengal
— India Meteorological Department (@Indiametdept) October 15, 2024
The well marked low pressure area over the central part of south Bay of Bengal at 0530 hours IST of today, the 15th October 2024. Likely to intensify into a depression and continue to move… pic.twitter.com/6HQ2GGfrZm
ବଙ୍ଗୋପସାଗରେ ସୃଷ୍ଟ ଲଘୁଚାପର ପ୍ରଭାବରେ ଓଡ଼ିଶାରେ ବର୍ଷା ହେବାର ଏତେଟା ସମ୍ଭାବନା ନାହିଁ । ଆସନ୍ତା ୧୮ ତାରିଖରୁ ରାଜ୍ୟରେ ବର୍ଷା ହେବାର ସମ୍ଭାବନା ଥିବା ପାଣିପାଗ ବିଭାଗ ପୂର୍ବନୁମାନ କରିଛି । ଦକ୍ଷିଣ ପଶ୍ଚିମ ମୌସୁମୀ ପ୍ରତ୍ୟାବର୍ତ୍ତନ କରିଥିବା ବେଳେ, ରାଜ୍ୟରେ ପାଣିପାଗରେ ପରିବର୍ତ୍ତନ ଘଟିଛି । କେତେକ ଜିଲ୍ଲାରେ ନିଅଣ୍ଟିଆ ବର୍ଷା ହୋଇଥିବା ପାଣିପାଗ ବିଭାଗ ସୂଚନାରୁ ଜଣାପଡ଼ିଛି ।
District average cumulative #rainfall along with #percentage departure from normal (mentioned within bracket) (till today, #15thOctober 2024) over the districts of Odisha. Color represents the category in which the percentage in departure falls. pic.twitter.com/PjNlUyN2Ov
— Meteorological Centre, Bhubaneswar (@mcbbsr) October 15, 2024
7 Day's #weather #forecast for #Capital City (Valid from 14th October, 2024 to 20th October, 2024) pic.twitter.com/o8fwiZysRi
— Meteorological Centre, Bhubaneswar (@mcbbsr) October 14, 2024
