ଶ୍ରୀନଗର: ଜାମ୍ମୁ କାଶ୍ମୀରରେ ଆଜି ତୃତୀୟ ତଥା ଅନ୍ତିମ ପର୍ଯ୍ୟାୟ ବିଧାନସଭା ନିର୍ବାଚନ ପାଇଁ ମତଦାନ ଜାରି ରହିଛି । ଗତମାସ (ସେପ୍ଟମ୍ବର) 18 ଓ 25 ରେ ଦୁଇଟି ପର୍ଯ୍ୟାୟ ଭୋଟିଂ ଶେଷ ହୋଇଥିବା ବେଳେ ଆଜି ତୃତୀୟ ପର୍ଯ୍ୟାୟରେ ଅବଶିଷ୍ଟ 40 ଆସନରେ ଭୋଟିଂ ହେଉଛି । ଆଜି ପର୍ଯ୍ୟାୟରେ ଜାମ୍ମୁରେ 24 ନିର୍ବାଚନ ମଣ୍ଡଳୀ ଓ କାଶ୍ମୀର ଜୋନରେ 16ଟି ନିର୍ବାଚନ ମଣ୍ଡଳୀ ରହିଛି । ସକାଳ 7ଟାରୁ ଭୋଟିଂ ଆରମ୍ଭ ହୋଇଥିବା ବେଳେ ସଂଧ୍ୟା 6ଟାରେ ଶେଷ ହେବ ।
ଶେଷ ପର୍ଯ୍ୟାୟରେ କଡା ସୁରକ୍ଷାବଳୟ ମଧ୍ୟରେ ମୋଟ 5 ହଜାର 60ଟି ମତଦାନ କେନ୍ଦ୍ରରେ ଭୋଟିଂ ହେଉଛି । ବିଭିନ୍ନ ଦଳ ଓ ନିର୍ଦ୍ଦଳୀୟ ଭାବେ ମୋଟ 415 ଜଣ ପ୍ରାର୍ଥୀ ମୈଦାନରେ ରହିଛନ୍ତି । ନିର୍ବାଚନ ପରିଚାଳନା କାର୍ଯ୍ୟରେ 20 ହଜାର ପୋଲିଂ ଷ୍ଟାଫ ନିୟୋଜିତ ଅଛନ୍ତି । ଆଜି ମତଦାନ ସରିବା ପରେ ଇଭିଏମଗୁଡିକୁ ଷ୍ଟ୍ରଙ୍ଗରୁମରେ ରଖାଯିବ । 8 ତାରିଖରେ ଭୋଟଗଣତି ସହ ଜନାଦେଶ ପ୍ରକାଶ ପାଇବ ।
Voting for the 3rd & final phase of J&K Assembly elections begins. Eligible voters across 40 constituencies in 7 districts of the UT voting today
— ANI (@ANI) October 1, 2024
Of the 40 constituencies, 24 fall under the Jammu division and 16 in Kashmir. #JammuKashmirAssemblyElection pic.twitter.com/XnnXjYtkcM
- ବହୁମାତ୍ରାରେ ଭୋଟ ଦେବାକୁ ମହିଳାଙ୍କୁ ପ୍ରଧାନମନ୍ତ୍ରୀଙ୍କ ଅପିଲ୍:-
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାଶ୍ମୀରର ମହିଳା ଭୋଟରଙ୍କୁ ବହୁମାତ୍ରାରେ ଗଣତନ୍ତ୍ରର ମହାପର୍ବରେ ସାମିଲ ହୋଇ ନିଜ ସାମ୍ବିଧାନିକ ମତାଧିକାର ସାବ୍ୟସ୍ତ କରିବାକୁ ଆହ୍ବାନ କରିଛନ୍ତି । ‘ଏକ୍ସ’ ରେ ଟ୍ବିଟ କରି ମୋଦି ଲେଖିଛନ୍ତି,‘‘ଜାମ୍ମୁ କାଶ୍ମୀର ବିଧାନସଭା ନିର୍ବାଚନରେ ଆଜି ତୃତୀୟ ତଥା ଶେଷ ପର୍ଯ୍ୟାୟ ଭୋଟ । ଗଣତନ୍ତ୍ରର ଉତ୍ସବକୁ ସଫଳ କରିବା ପାଇଁ ମୁଁ ସମସ୍ତ ଭୋଟରଙ୍କୁ ଭୋଟ୍ ଦେବାକୁ ଅନୁରୋଧ କରୁଛି । ମୁଁ ନିଶ୍ଚିତ ଯେ ପ୍ରଥମ ଥର ପାଇଁ ଭୋଟ୍ ଦେବାକୁ ଯାଉଥିବା ଯୁବ ଭୋଟକଙ୍କ ବ୍ୟତୀତ ମତାଧିକାର ସାବ୍ୟସ୍ତ କରିବାରେ ନାରୀଶକ୍ତି ଅଧିକ ଅଂଶଗ୍ରହଣ କରିବେ ।’’
#WATCH | Kupwara, J&K: Awami Ittehad Party (AIP) President Sheikh Abdul Rashid alias Engineer Rashid says, " the voting percentage has increased because people have been victims of state repression...the voice of the people has been suppressed since the pdp came to power in 2014.… pic.twitter.com/0jyP0ma92h
— ANI (@ANI) October 1, 2024
- ସେପ୍ଟେମ୍ବର 18 ଓ 25 ତାରିଖରେ ସରିଥିଲା ପ୍ରଥମ ଓ ଦ୍ବିତୀୟ ପର୍ଯ୍ୟାୟ ଭୋଟିଂ :-
ଗତମାସ (ସେପ୍ଟମ୍ବର) 18 ଓ 25 ତାରିଖରେ ଯଥାକ୍ରମେ ପ୍ରଥମ ଓ ଦ୍ବିତୀୟ ପର୍ଯ୍ୟାୟ ମତଦାନ ସରିଥିଲା । ପ୍ରଥମ ପର୍ଯ୍ୟାୟରେ 6 ଜିଲ୍ଲାର 24 ଆସନ ଓ ଦ୍ବିତୀୟ ପର୍ଯ୍ୟାୟରେ 26 ଆସନରେ ମତଦାନ ହୋଇଥିଲା ।
#WATCH | Jammu: Union Minister Jitendra Singh and his family members show their inked fingers after casting their vote, at a polling booth in Bahu Assembly Constituency for the third and final phase of polling for J&K Assembly Elections 2024 pic.twitter.com/OxOSf1c7S0
— ANI (@ANI) October 1, 2024
- 10 ବର୍ଷ ପରେ କାଶ୍ମୀରରେ ହେଲା ବିଧାନସଭା ନିର୍ବାଚନ:-
2014 ରେ ଶେଷ ଥର ପାଇଁ ଘାଟିରେ ବିଧାନସଭା ନିର୍ବାଚନ ହୋଇଥିଲା । ଏଥିରେ ମୁଫତି ସୟଦଙ୍କ ଦଳ ‘ପିଡିପି’ ବୃହତ୍ତମ ଦଳ ଭାବେ ସାମ୍ନାକୁ ଆସିଥିଲେ ସୁଦ୍ଧା ସଂଖ୍ୟା ଗରିଷ୍ଠତା ହାସଲ କରିପାରନଥିଲା । ପ୍ରଥମ ଥର ବିଜେପି-ପିଡିପି ମେଣ୍ଟରେ ସରକାର ଗଠନ କରିଥିଲେ । ପ୍ରଥମେ ମୁଫତି ସୟଦ ମୁଖ୍ୟମନ୍ତ୍ରୀ ହୋଇଥିଲେ ଓ ତାଙ୍କ ଦେହାନ୍ତ ପରେ ତାଙ୍କ କନ୍ୟା ମେହେବୁବା ମୁଫତି ମୁଖ୍ୟମନ୍ତ୍ରୀ ହୋଇଥିଲେ । ମାତ୍ର 2019 ଆରମ୍ଭରେ ବିଜେପି ସମର୍ଥନ ପ୍ରତ୍ୟାହାର କରି ମୁଫତି ସରକାରର ପତନ ଘଟାଇଥିଲା ।
जम्मू-कश्मीर विधानसभा चुनाव में आज तीसरे और आखिरी दौर का मतदान है। सभी मतदाताओं से मेरा अनुरोध है कि वे लोकतंत्र के उत्सव को सफल बनाने के लिए आगे आएं और अपना वोट जरूर डालें। मुझे विश्वास है कि पहली बार वोट देने जा रहे युवा साथियों के अलावा नारीशक्ति की मतदान में बढ़-चढ़कर…
— Narendra Modi (@narendramodi) October 1, 2024
- 2019ରେ ରାଜ୍ୟପାହ୍ୟା ହରାଇଥିଲା କାଶ୍ମୀର:-
ମୁଫତି ନେତୃତ୍ବାଧୀନ ସରକାର ଭାଙ୍ଗିବା କିଛି ମାସ ମଧ୍ୟରେ ଧାରା-370 ଓ ଅନୁଚ୍ଛେଦ (କ) ଉଚ୍ଛେଦ କରି କେନ୍ଦ୍ର ସରକାର ଜାମ୍ମୁ କାଶ୍ମୀରର ରାଜ୍ୟ ପାହ୍ୟା ସମାପ୍ତ କରି ଦୁଇଟି କେନ୍ଦ୍ରଶାସିତ ଅଞ୍ଚଳରେ ବିଭକ୍ତ କରିଥିଲେ । ଜମ୍ମୁ କାଶ୍ମୀର ଓ ଲଦାଖକୁ ଦୁଇଟି କେନ୍ଦ୍ରଶାସିତ ଅଞ୍ଚଳ ଭାବେ କେନ୍ଦ୍ର ଗୃହ ମନ୍ତ୍ରଣାଳୟ ନାମିତ କରିଥିଲା । ଏବେ 10ବର୍ଷ ପରେ ସୀମା ପୁନଃନିର୍ଦ୍ଧାରଣ ସହ କାଶ୍ମୀର ବିଧାନସଭା ନିର୍ବାଚନରେ ଭୋଟ ଦେଉଛି । ଚଳିତ ଥର ବିଜେପି ସରକାର ଗଠନ କରିବା ପ୍ରୟାସରେ ଅଛି । ଅନ୍ୟ ପାରମ୍ପରିକ ଦଳମାନେ ମଧ୍ୟ ନିଜ କସରତ ଜାରି ରଖିଛନ୍ତି । ଏହାରି ମଧ୍ୟରେ ଆଜି ଅନ୍ତିମ ପର୍ଯ୍ୟାୟ ମତଦାନ ହେଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
